[X] Close
JUST IN
  • BREAKING-NEWS ஐ.என்.எக்ஸ் மீடியா வழக்கு: டெல்லி திகார் சிறையில் ப.சிதம்பரத்திடம் அமலாக்கத்துறை அதிகாரிகள் விசாரணை
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு

சச்சின் சாதனையை முறியடிக்க தவறிய ரோகித், வார்னர்

rohit-sharma-and-david-warner-as-they-misses-out-sachin-on-world-cup-record

உலகக் கோப்பை தொடரில் சச்சின் படைத்த ரன்கள் குவிப்பு சாதனையை ரோகித் ஷர்மா மற்றும் வார்னர் முறியடிக்க தவறிவிட்டனர்.

உலகக் கோப்பை தொடர் அனைத்து போட்டிகளையும் கடந்து இறுதிக்கட்டத்திற்கு சென்றுவிட்டது. நடந்த முடிந்த அரையிறுதிப் போட்டிகளில் இந்தியாவை வீழ்த்தி நியூஸிலாந்தும், ஆஸ்திரேலியாவை வீழ்த்தி இங்கிலாந்து இறுதிப் போட்டிக்கு சென்றுவிட்டன. வரும் ஞாயிற்றுக்கிழமை அன்று இறுதிப் போட்டி நடைபெறுகிறது. லீக் போட்டிகளில் அதிக வெற்றிகளை குவித்து புள்ளிகள் பட்டியலில் முதல் இரண்டு இடங்களை பிடித்த இந்தியாவும், ஆஸ்திரேலியாவும் தோல்வியடைந்து வெளியேறிவிட்டன. அந்த அணிகள் வெளியேறியதுடன், ஒரு பெரும் சாதனையும் முறியடிக்கப்படாமல் போய்விட்டது.

ஒரே உலகக் கோப்பை தொடரில் இதுவரை அதிக ரன்கள் குவித்த பேட்ஸ்மேன் என்ற சாதனையை இதுநாள் வரை ‘காட் ஆஃப் கிரிக்கெட்’ எனப்படும் சச்சின் டெண்டுல்கர் தன் வசம் வைத்துள்ளார். 2003ஆம் ஆண்டு நடந்த உலகக் கோப்பை தொடரில் சச்சின் 673 ரன்களை குவித்தார். அதுவே இன்று வரை சாதனையாகும். இந்த சாதனையை முறியடிக்க இந்தியாவின் ரோகித் ஷர்மா மற்றும் ஆஸ்திரேலியாவின் டேவிட் வார்னர் ஆகியோருக்கு நடப்பு உலகக் கோப்பையில் ஒரு வாய்ப்பு கிடைத்தும், அவர்கள் அதை முறியடிக்க தவறிவிட்டனர். 

நடப்பு உலகக் கோப்பையில் லீக் போட்டிகளின் முடிவில் ரோகித் ஷர்மா 647 ரன்கள் குவித்திருந்தார். இதனால் அவர் அரையிறுதிப் போட்டியில் 27 ரன்கள் குவித்து சச்சின் சாதனையை முறியடிப்பார் என எதிர்பார்க்கப்பட்டது. ஆனால் ரோகித் ஒரே ரன் மட்டும் எடுத்து அவுட்டானார். அத்துடன் இந்திய அணியும் அரையிறுதியில் தோற்று வெளியேறியது. இதனால் ரோகித் வாய்ப்பு பறிபோனது.

இதேபோன்று வார்னருக்கும் ஒரு வாய்ப்பு இருந்தது. அவர் லீக் போட்டிகள் முடிவில் 638 ரன்கள் குவித்திருந்தார். எனவே வார்னர் 35 ரன்கள் அடித்து சச்சின் சாதனையை முறியடிப்பார் என நினைத்தால், அவரும் அரையிறுதியில் 9 ரன்களில் அவுட் ஆகினார். அத்துடன் ஆஸ்திரேலியாவும் அரையிறுதியில் இருந்து வெளியேறியது. இதனால் இருவரும் வாய்ப்பை நழுவவிட்டுவிட்டனர். அடுத்த உலகக் கோப்பையிலாவது இந்தச் சாதனையை யாராவது முறியடிக்க வாய்ப்பு இருக்கிறதா என்பதை பொறுத்திருந்து தான் பார்க்க வேண்டும்.

Advertisement:
இது தொடர்பான செய்திகள் :
Advertisement:
Advertisement:
[X] Close