[X] Close
JUST IN
  • BREAKING-NEWS உளவு பார்த்த புகாரில் கைது செய்யப்பட்டு பாகிஸ்தான் சிறையில் உள்ள குல்பூஷண்ஜாதவ் விவகாரத்தில் இந்தியாவிற்கு சாதகமான தீர்ப்பு: சாதகமான தீர்ப்பு வந்துள்ளதால்,அவரை பாகிஸ்தான் தூக்கிலிட முடியாது;பாகிஸ்தான் தனதுதீர்ப்பை மறுபரிசீலனை செய்யவேண்டும் -சர்வதேச நீதிமன்றம்
  • BREAKING-NEWS இந்த ஆண்டு ரூ.600 கோடி செலவில் 2 ஆயிரம் புதிய பேருந்துகள் வாங்கப்படும் - முதல்வர் பழனிசாமி அறிவிப்பு
  • BREAKING-NEWS தமிழகம், புதுச்சேரியில் 2 நாட்களுக்கு மிதமான மழைபெய்ய வாய்ப்பு - சென்னை வானிலை ஆய்வு மையம்
  • BREAKING-NEWS ஹைட்ரோ கார்பன், நியூட்ரினோ போன்ற அனைத்து திட்டங்களுமே வளர்ச்சிக்கான திட்டம் - தமிழிசை சவுந்தரராஜன்
  • BREAKING-NEWS அண்ணா பல்கலைக்கழக கல்விக் கட்டணம் உயர்வு : அட்டவணை வெளியீடு
  • BREAKING-NEWS ”உள்ளாட்சித் தேர்தலுக்கான அறிவிப்பு அக்டோபரில் வெளியாகும்” - மாநில தேர்தல் ஆணையம்
  • BREAKING-NEWS கர்நாடக அணைகளில் இருந்து தமிழகத்திற்கு காவிரி நீர் திறப்பு

பவர் ப்ளேவில் எப்படி ‘6 ஃபீல்டர்கள்’ வெளியே ? - தோனி ரன் அவுட்டும்.. சர்ச்சையும்..

fans-question-whether-umpiring-error-cost-dhoni-his-wicket-in-world-cup-semi-finals

உலகக் கோப்பை முதல் அரையிறுதிப் போட்டியில் தோனி ரன் அவுட்டும், நியூஸிலாந்து பீல்டிங்கும் சர்ச்சையை ஏற்படுத்தியுள்ளது.

உலகக் கோப்பை தொடரின் முதல் அரையிறுதிப் போட்டி நேற்று முன்தினம் மான்செஸ்டர் மைதானத்தில் தொடங்கியது. அன்றைய தினம் முதல் பேட்டிங் செய்த நியூஸிலாந்து அணி இந்திய அணி பவுலிங்கை சமாளிக்க முடியாமல், 46.1 ஓவரில் 211 ரன்களுக்கு 5 விக்கெட்டுகளை இழந்தது. அப்போது மழை குறுக்கிடவே போட்டி நிறுத்தப்பட்டது. இதையடுத்து நிறுத்தப்பட்ட இடத்திலிருந்து நேற்று மதியம் மூன்று மணிக்கு போட்டி தொடங்கியது. 50 ஓவர்கள் முடிவில் 8 விக்கெட்டுகள் இழப்பிற்கு நியூஸிலாந்து அணி 239 ரன்கள் எடுத்தது. 

இதையடுத்து பேட்டிங்கை தொடங்கிய இந்திய அணியில் தொடக்க வீரர்களான ரோகித் ஷர்மா, கே.எல்.ராகுல் ஒரு ரன்னில் வெளியேறி அதிர்ச்சியளித்தனர். இதற்கிடையே கேப்டன் விராட் கோலியும் ஒரு ரன்னில் அவுட் ஆனார். அதைத்தொடர்ந்து தினேஷ் கார்த்திக் 6 ரன்களில் வெளியேற இந்தியா பரிதாப நிலையை அடைந்தது. பின்னர் ஜோடி சேர்ந்த ஹர்திக் பாண்ட்யா மற்றும் ரிஷாப் பண்ட் தலா 32 ரன்கள் எடுத்து அவுட் ஆகினர்.

அதன்பின்னர் ஜோடி சேர்ந்த தோனி மற்றும் ஜடேஜா நியூஸிலாந்து அணிக்கு தோல்வி பயத்தை காட்டினர். அதிரடியாக விளையாடிய ஜடேஜா 59 பந்துகளில் 77 ரன்கள் குவித்து 47.5 ஓவரில் விக்கெட்டை இழந்தார். அப்போது இந்திய அணி 32 ரன்கள் அடிக்க வேண்டும் என்ற நிலையில் இருந்தது. இருந்தாலும் தோனி களத்தில் இருந்ததால் ரசிகர்கள் நம்பிக்கையை இழக்கவில்லை. அடுத்த ஓவர் முதல் பந்தை சந்தித்த தோனி சிக்ஸர் விளாச இந்திய ரசிகர்கள் உற்சாகம் அடைந்தனர். 

ஆனால் அடுத்த பந்திலேயே இரண்டு ரன்கள் ஓட முயன்ற தோனி எதிர்பாராத விதமாக ரன் அவுட் ஆனார். உடனே இந்திய ரசிகர்கள் அனைவரும் தலையில் கை வைத்து விட்டனர். நியூஸிலாந்து வீரர் குப்தில் பந்தை எடுத்த வேகத்தில் நேராக ஸ்டம்பில் அடித்ததால் தோனி அவுட் ஆகியது ரீப்ளே பார்க்கும்போது தெளிவாக தெரிந்தது. இது இந்தியாவின் துரதிருஷ்டவசம் என அனைவரும் புலம்பினர்.

ஆனால் இப்போது ரன் அவுட்டில் ஒரு பிழை இருப்பதாக ரசிகர்கள் கேள்வி எழுப்பி வருகின்றனர். தோனி விளையாடும்போது 3வது பவர் ப்ளே. கிரிக்கெட் முறைப்படி மூன்றாவது பவர் ப்ளேவில் 5 வீரர்கள் தான் பவுலிங் வட்டத்திற்கு வெளியே நிற்க வேண்டும். ஆனால் குப்திலுடன் சேர்த்து ஆறு பேர் வட்டத்திற்கு வெளியே நின்றுள்ளனர். 5 பேர் மட்டுமே வட்டத்திற்கு வெளியே இருந்திருந்தால் தோனி ரன் அவுட் ஆகியிருக்க மாட்டார் என குற்றம்சாட்டி வருகின்றனர். இந்த விவகாரம் கிரிக்கெட் உலகில் சர்ச்சையை ஏற்படுத்தியுள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close