[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

மகளிர் உலகக்கோப்பை கால்பந்து போட்டியில் அமெரிக்கா சாம்பியன்

women-s-world-cup-2019-rapinoe-and-lavelle-give-the-u-s-fourth-title

மகளிர் உலகக்கோப்பை கால்பந்து தொடரில் அமெரிக்க அணி சாம்பியன் பட்டம் வென்றது. விறுவிறுப்பு நிறைந்த இறுதிப்போட்டியில் நெதர்லாந்து அணியை இரண்டுக்கு பூஜ்யம் என்ற கோல்கள் கணக்கில் வீழ்த்தி அமெரிக்க அணி வாகை சூடியது.

பிரான்சின் லியோன் நகரில் நடைபெற்ற இறுதிப்போட்டியில் நெதர்லாந்து அணியை எதிர்த்து அமெரிக்க அணி விளையாடியது. ஆட்டத்தின் முதல் பாதியில் இரு அணிகளும் கோல் அடிக்கவில்லை. ஆட்டத்தின் இரண்டாவது பாதியில் எதிர் அணியின் கோல் பகுதிக்குள் புகுந்த அமெரிக்க அணிக் கேப்டன் அலெக்ஸ் மோர்கனை, நெதர்லாந்து வீராங்கனை வேன் டேர் கிரக்ட் காலால் உதைத்து கீழே விழச் செய்தார். 

இதனையடுத்து வீடியோ நடுவர் உதவியுடன் நடுவர் நெதர்லாந்து அணிக்கு எதிராக பெனால்டி வழங்கினார். 61 ஆவது நிமிடத்தில் கிடைத்த இந்த பெனால்டி வாய்ப்பை பயன்படுத்தி, அந்த அணியின் நட்சத்திர வீராங்கனை மேகன் ரபினோ கோல் அடித்தார். இதனைத் தொடர்ந்து ஆட்டத்தின் 69 நிமிடத்தில் ரோஸ் லேவல் நேர்த்தியாக பந்தை கடத்திச் சென்று அமெரிக்க அணிக்கான இரண்டாவது கோலை அடித்தார். 

விறுவிறுப்பு நிறைந்த இறுதிப்போட்டியின் முடிவில் அமெரிக்க அணி இரண்டுக்கு பூஜ்யம் என்ற கோல்கள் கணக்கில் வெற்றி பெற்று வாகை சூடியது.‌ இதன் மூலம் மகளிர் உலகக்கோப்பையில் அமெரிக்க அணி நான்காவது முறையாக சாம்பியன் பட்டம் வென்றது.

Advertisement:
Advertisement:
Advertisement:
[X] Close