[X] Close
JUST IN
  • BREAKING-NEWS ஒடிஷா முதல்வர் நவீன் பட்நாயக் உடன் மக்கள் நீதி மய்யம் தலைவர் கமல்ஹாசன் சந்திப்பு
  • BREAKING-NEWS பேரவை தேர்தலில் பாஜக கூட்டணியே ஆட்சியமைக்கும் - பொன்.ராதாகிருஷ்ணன்
  • BREAKING-NEWS டெல்லியில் மைக்ரோசாஃப்ட் இணை-நிறுவனர் பில்கேட்ஸ், பிரதமர் நரேந்திர மோடியுடன் சந்திப்பு
  • BREAKING-NEWS போராட்டத்தில் ஈடுபட்ட அரசு மருத்துவர்கள் மீதான பழிவாங்கும் நடவடிக்கைகளை நிறுத்த வேண்டும் - உயர்நீதிமன்றம்
  • BREAKING-NEWS உள்ளாட்சித் தேர்தலில் சென்னையை தனித்தொகுதியாக அறிவிக்க வேண்டும் – சீமான்
  • BREAKING-NEWS அதிசயம், அதிர்ஷ்டத்தை நம்புகிறவர் ரஜினி - அமைச்சர் ஜெயக்குமார்
  • BREAKING-NEWS ராஜஸ்தானில் பேருந்து - லாரி மோதி விபத்து: 14 பேர் உயிரிழப்பு

காட்ரெல் போல சல்யூட் அடித்த இந்திய வீரர்கள் - எதிர்ப்பு தெரிவித்த ரசிகர்கள்!

shami-virat-kohli-mock-cottrell-s-salute-celebration

வெஸ்ட் இண்டீஸ் வீரர் ஷெல்டன் காட்ரெல் போல சல்யூட் அடித்து கிண்டல் செய்த ஷமி மற்றும் கோலியின் செயலுக்கு இந்திய ரசிகர்கள் எதிர்ப்பு தெரிவித்துள்ளனர்.

உலகக் கோப்பை தொடரின் 34வது லீக் போட்டி இந்தியா மற்றும் வெஸ்ட் இண்டீஸ் அணிகள் இடையே நேற்று நடைபெற்றது. இந்தப் போட்டியில் இந்திய அணி 50 ஓவர்களில் 7 விக்கெட் இழப்பிற்கு 268 ரன்கள் குவித்தது. பின்னர் விளையாடிய வெஸ்ட் இண்டீஸ் அணி 34.2 ஓவர்களில் 143 ரன்களுக்கு அனைத்து விக்கெட்டையும் இழந்து படுத்தோல்வி அடைந்தது.

இந்த போட்டியின் போது விக்கெட்டை கைப்பற்றிய வெஸ்ட் இண்டீஸ் வீரர் ஷெல்டன் காட்ரெல் தன் வழக்கமான பாணியில் சல்யூட் அடித்து தன் வெற்றியை கொண்டாடினார். இதனை கிண்டல் செய்யும் விதமாக இந்திய வீரர்கள் ஷமியும், இந்திய கேப்டன் விராட் கோலியும் சல்யூட் அடித்த விவகாரம் இந்திய ரசிகர்களிடையே வருத்தத்தை உண்டாக்கியுள்ளது.

30தாவது ஓவரில் காட்ரெல் ஆட்டமிழந்து வெளியேறி போகும் போது ஷமி சல்யூட் அடித்து கிண்டல் செய்தார். அதேபோல் வெஸ்ட் இண்டீஸ் அனைத்து விக்கெட்டுகளையும் இழந்த போது விராட் கோலியும் காட்ரெல் சல்யூட்டை கிண்டல் செய்தார். இந்திய வீரர்களின் இந்த செயலுக்கு இந்திய ரசிகர்கள் கூட வருத்தம் தெரிவித்து சமூக வலைதளங்களில் பதிவிட்டு வருகின்றனர்.

தான் ராணுவத்தில் பணிபுரிந்ததை நினைவுபடுத்தும் விதமாகவே சல்யூட் அடிப்பதாக ஷெல்டன் காட்ரெல் ஏற்கெனவே தெரிவித்திருந்தார். இந்த நிலையில் இந்திய வீரர்களின் கிண்டல் ராணுவத்தை கிண்டல் செய்வது போலத்தான் என ரசிகர்கள் வருத்தம் தெரிவித்துள்ளனர். மேலும் இந்திய ராணுவத்தை இந்திய  கிரிக்கெட் வீரர்கள் எந்த அளவுக்கு மதிக்கிறார்களோ அதே மரியாதையை மற்ற நாட்டு ராணுவத்துக்கும் கொடுக்க வேண்டுமென ரசிகர்கள் பதிவிட்டு வருகின்றனர்.
 

Advertisement:
இது தொடர்பான செய்திகள் :
Advertisement:
Advertisement:
[X] Close