[X] Close
JUST IN
  • BREAKING-NEWS நிலவின் சுற்றுவட்டப்பாதையை நெருங்குகிறது சந்திரயான் விண்கலம். காலை ஒன்பதரை மணியளவில் நிலவை சுற்றத் தொடங்கும் என இஸ்ரோ தகவல்
  • BREAKING-NEWS முன்னாள் நிதியமைச்சர் ப.சிதம்பரம் 23ஆம் தேதி விசாரணைக்கு ஆஜராக அமலாக்கத்துறை சம்மன். ஐஎன்எக்ஸ் மீடியா வழக்கில் முன் ஜாமீன் கோரிய மனு மீது டெல்லி உயர்நீதிமன்றம் இன்று தீர்ப்பு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

தொழிட்நுட்பத்தால் கலகலக்கும் உலகக் கோப்பை கிரிக்கெட் !

some-of-the-different-techniques-used-in-cricket-world-cup

கிரிக்கெட் விளையாட்டில் பயன்படுத்தப்படும் பல்வேறு தொழிட்நுட்பம் குறித்தும் சில தொழிட்நுட்ப கருவிகள் குறித்தும் சற்று விரிவாக பார்க்கலாம்.

இந்தியாவில் அதிக பார்வையாளர்களை கொண்ட ஒரே விளையாட்டு கிரிக்கெட் மட்டுமே. அப்படிப்பட்ட கிரிக்கெட் விளையாட்டில் பயன்படுத்தப்படும் பல்வேறு தொழிட்நுட்பங்கள் பற்றி நீங்களும் தெரிந்து கொள்ளுங்கள். பந்து பேட்டில் பட்டதா என்பதை கண்டறியும் கருவி ,பந்தின் பாதையை கணிக்க உதவும் கருவி,பந்தின் சுழற்சியை அளக்கும் கருவி  என பல்வேறு தொழிட்நுட்பங்களுடன் கிரிக்கெட் விளையாட்டு மேம்படுத்தபட்டுள்ளது. அண்மையில் அறிமுகமான மிளிரும் 'பெய்ல்ஸ்' பாரம்பரிய விளையாட்டான கிரிக்கெட்டின் துல்லியமும், சுவாரஸ்யமும் தொழிட்நுட்பத்தின் அசுர‌ வளர்ச்சியால் பன்மடங்கு மேம்பட்டிருக்கிறது என்பதில் சந்தேகமில்லை.

Image result for snickometer in world cup

சினிக்கோ மீட்டர்:

கணிப்பொறி அறிவியல் விஞ்ஞானியான ஆலன் பிளாஸ்கெட் என்பவரால் சினிக்கோ மீட்டர் எனப்படும் தொழிட்நுட்பம் கண்டறியப்பட்டது. 1990களின் மத்தியிலிருந்து கிரிக்கெட் விளையாட்டில் இந்த தொழிட்நுட்பம் பயன்படுத்தப்பட்டு வருகிறது. FREQUENCY எனப்படும் ஒலியின் அதிர்வெண் அடிப்படையில் இந்தத் தொழிட்நுட்பம் செயல்படுகிறது. பந்து பேட்டில் பட்டதா என்பதைக் கண்டறிய மூன்றாவது நடுவரால் இந்தத் தொழிட்நுட்பம் பயன்படுத்தப்படுகிறது.

Image result for Hot Spot in world cup

ஹாட் ஸ்பாட்:‌

அகச்சிவப்பு புகைப்படத் தொழில்நுட்பத்தை அடிப்படையாகக் கொண்டு செயல்படுகிறது ஹாட் ஸ்பாட். இது சினிக்கோ மீட்டரை விட மிகவும் துல்லியமான முடிவுகளை தரவல்லது. இந்தத் தொழில்நுட்பம் பெரும்பாலும் பந்து பேட்டில் பட்டதா என்பதைக் கண்டறியவே உபயோகிக்கப்படுகிறது.

Related image

பால் டிராக்கிங் சிஸ்டம்:

இங்கிலாந்தைச் சேர்ந்த paul hawkins, என்பவரால் BALL TRACKING SYSTEM எனப்படும் தொழில்நுட்பம் கண்டறியப்பட்டது. இது கிரிக்கெட் தவிர டென்னிஸ், கால்பந்து போன்ற விளையாட்டுகளிலும் பயன்படுத்தப்படுகிறது. மைதானத்தின் பல்வேறு பகுதிகளில் பொருத்தப்பட்டுள்ள பல கேமராக்களிலிருந்து பெறப்படும் காட்சிகள், ஒருங்கிணைக்கப்பட்டு பந்தின் பாதை துல்லியமாக கணிக்கப்படுகிறது. BALL TRACKING SYSTEM தொழில்நுட்பம் பெரும்பாலும் LBW முடிவுகளுக்கு உறுதுணையாக இருக்கின்றது.

பிட்ச் விஷன்

பிட்ச் விசன் எனப்படும் தொழில்நுட்பம் வீரர்களுக்கு பயிற்சியில் பெரிதும் உதவுகிறது. பவுலர்கள் தங்களது பந்துவீச்சின் வேகம், லைன், length, ஆகியவற்றை ஆராய இந்தத் தொழிட்நுட்பம் பெரிதும் கைகொடுக்கிறது. அதே போல் பேட்ஸ்மேன்களும் தாங்கள் எந்த வகையிலான பந்துகளில் ஆட்டமிழக்கிறோம் என்பதை ஆராயவும் இது பயன்படுகிறது.

Related image

ரெவ் கவுண்ட்டர்

Rev counter எனப்படும் தொழிட்நுட்பம், பந்துகள் எந்த அளவிற்கு சுழன்று திரும்புகின்றன என்பதை பார்வையாளர்களுக்குக் துல்லியமாகக் காட்டுகிறது. ஸ்பீடு கன் எனப்படும் கருவி, பந்துகளின் வேகத்தை துல்லியமாக அளவிடப் பயன்படுகிறது. அண்மையில் சர்வதேச கிரிக்கெட்டில் அறிமுகமான மற்றொரு கருவி, எல்இடி பெய்ல்ஸ் என்றழைக்கப்படும் மிளிரும் பெய்ல்ஸ் ஆகும். பந்து ஸ்டெம்பில் எந்தக் கணநேரத்தில் பட்டது என்பதை ஆராய இது பயன்படுகிறது.

இதைத் தவிர ஸ்பைடர் கேமரா, பவுலிங் மிஷின், ஸ்டெம்ப் கேமரா உள்ளிட்ட தொழிட்நுட்பக் கருவிகளும் கிரிக்கெட் போட்டிகளில் பயன்படுத்தப்படுகின்றன.

Advertisement:
இது தொடர்பான செய்திகள் :
Advertisement:
Advertisement:
[X] Close