[X] Close
JUST IN
  • BREAKING-NEWS கேரள அரசு வழங்கும் நீரை தமிழக அரசு ஏற்க மறுத்ததாக வந்த தகவலில் உண்மையில்லை - அமைச்சர் வேலுமணி
  • BREAKING-NEWS தமிழகத்தில் நிலவும் குடிநீர் பிரச்னை குறித்து முதல்வர் பழனிசாமி தலைமையில் தலைமைச் செயலகத்தில் நாளை ஆலோசனை கூட்டம் நடைபெறுகிறது
  • BREAKING-NEWS மாமூல் வசூல், லஞ்சம் வாங்கும் போலீசார் மீது லஞ்ச ஒழிப்பு சட்டம், இந்திய தண்டனை சட்டத்தின் கீழ் வழக்குப்பதிவு செய்ய உள்துறை செயலர், டிஜிபி 4 வாரத்தில் உரிய உத்தரவு பிறப்பிக்க வேண்டும் - உயர்நீதிமன்ற மதுரைக்கிளை
  • BREAKING-NEWS வங்கக்கடலில் புதிய காற்றழுத்த தாழ்வு பகுதி உருவானதால், சென்னை உள்ளிட்ட வட மாவட்டங்களில் அடுத்த 2 நாட்களுக்கு மழை பெய்ய வாய்ப்பு - இந்திய வானிலை ஆய்வு மையம்
  • BREAKING-NEWS தண்ணீர் பிரச்னைக்காக திமுக அறிவித்துள்ள போராட்டம் ஒரு கபட நாடகம் - அமைச்சர் ராஜேந்திர பாலாஜி
  • BREAKING-NEWS ஜூன் 24ம் தேதி காலை 11 மணிக்கு தமிழக அமைச்சரவைக் கூட்டம் நடைபெறவுள்ளதாக தகவல்
  • BREAKING-NEWS நடிகர் சங்கத்தில் இருந்து 53 உறுப்பினர்களை நீக்கிய நடைமுறை சரியே - சென்னை உயர்நீதிமன்றம்

“மிகப் பெரிய போராளி” - வாழ்த்து மழையில் யுவராஜ் சிங்

absolute-champion-virat-kohli-vvs-laxman-congratulate-retiring-yuvraj-singh-on-wonderful-career

இந்திய கிரிக்கெட் அணி வீரர் யுவராஜ் சிங் ஓய்வு அறிவித்தற்கு சக வீரர்கள் மற்றும் முன்னாள் வீரர்கள் கருத்து தெரிவித்துள்ளனர்.  

இந்திய கிரிக்கெட் அணியில் மிகவும் சிறப்பான நடுகள ஆட்டக்காரராக திகழ்ந்தவர் யுவராஜ் சிங். இவர் இந்தியாவிற்காக 304 ஒருநாள் போட்டிகள், 40 டெஸ்ட் போட்டிகள், 58 டி20 போட்டிகளில் விளையாடியுள்ளார். இந்நிலையில் இவர் இன்று சர்வேதேச கிரிக்கெட்டிலிருந்து ஓய்வை அறிவித்துள்ளார். இதனையடுத்து அவரது 17ஆண்டுகால கிரிக்கெட் வாழ்க்கை முடிவுக்கு வந்துள்ளது. இவர் 2011ஆம் ஆண்டு உலகக் கோப்பையில் சிறப்பான ஆட்டத்தை வெளிப்படுத்தி இந்திய உலகக் கோப்பையை வெல்ல காரணமாக இருந்தார். 

யுவராஜ் சிங்கின் ஓய்வு முடிவிற்கு சகவீரர்கள் மற்றும் முன்னாள் வீரர்கள் தங்களது கருத்துகளை ட்விட்டரில் பதிவிட்டுள்ளனர். இந்திய அணியின் கேப்டன் விராட் கோலி, “உங்களுடைய சிறப்பான கிரிக்கெட் வாழ்க்கைக்கு எனது பாராட்டுகள். நீங்கள் பல சிறப்பான தருணங்கள் மற்றும் பல வெற்றிகளை எங்களுக்கு தந்துள்ளீர்கள். நீங்கள் ஒரு சாம்பியன் வீரர்” எனப் பதிவிட்டுள்ளார். 

இந்திய அணியின் முன்னாள் வீரர் விவிஎஸ் லக்‌ஷ்மண், “உங்களுடன் விளையாடியது மிகுந்த மகிழ்ச்சியளிக்கிறது. நீங்கள் இந்த விளையாட்டில் ஒரு சிறப்பான வீரராக திகழ்ந்தீர்கள். அத்துடன் பலருக்கு முன்னுதாரணமாக இருந்தீர்கள்” எனப் பதிவிட்டுள்ளார். 

முன்னாள் வீரர் விரேந்திர சேவாக், “கிரிக்கெட் விளையாட்டில் நிறையே வீரர்கள் வருவார்கள், போவார்கள். ஆனால் யுவராஜ் சிங் மாதிரி ஒரு வீரர் இனி வருவது கடினம். பல இக்கட்டான சூழ்நிலைகளை தனது ஆற்றலால் வென்று சாதித்து காட்டியவர் யுவராஜ்” என ட்வீட் செய்துள்ளார். 

இந்திய கிரிக்கெட் வீரர் சுரேஷ் ரெய்னா, “இது சகாப்தத்தின் நிறைவு. உங்களுடைய சிக்சர்கள், கேட்சுகள் மற்றும் நான் உங்களுடன் இருந்த தருணங்கள் மறக்க முடியாதவை. நீங்கள் எப்போதும் பலருக்கு முன்னுதாரணமாக இருப்பீர்கள்” எனப் பதிவிட்டுள்ளார். 

இந்திய அணியின் முன்னாள் வீரரும் யுவராஜ் சிங்கின் நெருங்கிய நண்பருமான முகமது கைஃப், “கிரிக்கெட் உலகில் தலைசிறந்த வீரர், ஒரு மிகப் பெரிய போராளி. நீங்கள் நாட்டிற்காக சாதித்ததை நினைத்து நாடு பெருமை கொள்ளும்” எனப் பதிவிட்டுள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close