[X] Close
JUST IN
  • BREAKING-NEWS இலங்கை பிரதமர் ரணில் விக்கிரமசிங்கே தனது ராஜினாமா கடிதத்தை புதிய அதிபர் கோத்தபய ராஜபக்சவுக்கு அனுப்பினார்
  • BREAKING-NEWS மாமல்லபுரத்தில் இந்திய கலாசார விழா நடத்துவதற்காக ரூ.75 லட்சம் ஒதுக்கி அரசாணை வெளியீடு
  • BREAKING-NEWS நாடாளுமன்ற தேர்தலில் இருந்த கூட்டணியே தொடரும்; அரசியலில் எதுவும் நடக்கலாம் - துணை முதல்வர் ஓபிஎஸ்
  • BREAKING-NEWS ரஜினி, கமல், விஜய் அனைவரும் மாய பிம்பங்கள், தமிழக அரசியலில் எடுபடாத சக்திகள் - அமைச்சர் ஜெயக்குமார்
  • BREAKING-NEWS உள்ளாட்சித் தேர்தலில் அதிமுக தனித்துப்போடியிட தயார் - அமைச்சர் ராஜேந்திர பாலாஜி
  • BREAKING-NEWS சபரிமலை கோயிலுக்கு என கேரள அரசு தனிச்சட்டம் உருவாக்க வேண்டும் - உச்சநீதிமன்றம்
  • BREAKING-NEWS தமிழகத்தில் 3 நாட்களுக்கு கனமழை பெய்ய வாய்ப்பு - இந்திய வானிலை ஆய்வு மையம்

உலகக் கோப்பை: ஆஸ்திரேலியாவை வீழ்த்தியது இந்தியா

india-beat-australia-by-36-runs-for-second-straight-win

உலகக்கோப்பை கிரிக்கெட் தொடரில் ஆஸ்திரேலியாவை 36 ரன்கள் வித்தியாசத்தில் வீழ்த்தி இந்திய அணி 2-வது வெற்றியை பதிவு செய்தது.

லண்டன் ஓவல் மைதானத்தில் நடைபெற்ற போட்டியில், டாஸ் வென்ற இந்திய கேப்டன் விராட் கோலி பேட்டிங்கை தேர்வு செய்தார். தொடக்க வீரர்கள் தவான் மற்றும் ரோகித் சர்மா சிறப்பான அடித்தளம் அமைத்து, முதல் விக்கெட்டுக்கு 127 ரன்கள் சேர்த்தனர். ரோஹித் சர்மா 57 ரன்களில் ஆட்டமிழந்த நிலையில், மறுமுனையில் தவான் 117 ரன்கள் குவித்தார். இதன் மூலம், சரியாக விளையாடவில்லை என்ற தன்மீதான விமர்சனத்துக்கு தவான் முற்றுப்புள்ளி வைத்தார்.

இதையடுத்து வந்த கேப்டன் கோலி 77 பந்துகளில் 2 சிக்ஸர்கள் மற்றும் 4 பவுண்டரிகள் உள்பட 82 ரன்கள் சேர்த்தார். 4-வது வீரராக இறங்கிய ஹர்திக் பாண்டியா 27 பந்துகளில் 3 சிக்ஸர்களுடன் 48 ரன்கள் விளாசினார். இறுதி ஓவர்களில் தோனி, ராகுல் ஆகியோர் அதிரடி காட்ட இந்தியா 50 ஓவர்களில் 352 ரன்கள் குவித்தது.

கடினமான இலக்கை நோக்கி விளையாடிய நிலையில், ஆஸ்திரேலியா அணியின் கேப்டன் ஆரோன் பின்ச் அதிரடி தொடக்கம் தந்தார். எனினும் அவர் எதிர்பாரதவிதமாக 36 ரன்களில் ரன் அவுட் ஆனார். மற்றொரு முனையில், வழக்கமான அதிரடி ஆட்டத்தை கைவிட்ட வார்னர், பொறுமையாக விளையாடி அரை சதம் அடித்தார். பின்னர் வந்த ஸ்மித் 69 ரன்களும், கவாஜா 42 ரன்களும் எடுத்து பெவிலியன் திரும்பினர். 

கடைசியில் சற்று அதிரடி காட்டிய அலெக்ஸ் கேரி 35 பந்துகளில் 55 ரன்கள் சேர்த்தார். எனினும், ஆஸ்திரேலியா அணி 50 ஓவர்களில் அனைத்து விக்கெட்களையும் இழந்து 316 ரன்களுக்கு ஆல் அவுட் ஆனது. இதன் மூலம் இந்திய அணி 36 ரன்களில் வெற்றி பெற்று உலகக் கோப்பை தொடரில், 2-வது வெற்றியை பதிவு செய்தது. இந்திய அணியின் சார்பில் புவனேஸ்வர் குமார், பும்ரா ஆகியோர் தலா 3 விக்கெட்களை வீழ்த்தினர். 117 ரன்கள் விளாசிய இந்திய தொடக்கவீரர் தவான் ஆட்டநாயகன் விருதை தட்டிச் சென்றார்

Advertisement:
இது தொடர்பான செய்திகள் :
Advertisement:
Advertisement:
[X] Close