[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

 ''ரூ.25 லட்சம் கேட்டு சகோதரி மிரட்டுகிறார்'' - துத்தி சந்த் குற்றச்சாட்டு

had-to-reveal-same-sex-relationship-as-sister-was-blackmailing

தனது சகோதரி 25 லட்சம் ரூபாய் கேட்டு மிரட்டுவதாக தடகள வீராங்கனை துத்தி சந்த் குற்றம்சாட்டியுள்ளார். 

இந்திய ஓட்டப்பந்தய வீராங்கனையான துத்தி சந்த், தான் ஒரு பெண்ணை காதலித்து வருவதாக சமீபத்தில் தெரிவித்தார். இது குறித்து பேசிய அவர், நான் எனக்கான துணையை தேடிக்கொண்டேன். எனது ஊரிலேயே சில வருடங்களக்கு முன் அறிமுகமான ஒரு பெண்ணை காதலித்து வருகிறேன். எதிர்காலத்தில் நான் அந்தப்பெண்ணுடன் வாழ விரும்புகிறேன் என்று தெரிவித்திருந்தார்.

இந்த தகவலை வெளியிட்ட பிறகு துத்தி சந்துக்கு அவரது சகோதரி எதிர்ப்பு தெரிவித்துள்ளதாக தகவல்கள் வெளியாகின. இது குறித்து பேசிய துத்தி சந்த், தன்னுடைய தன்பாலின விருப்பத்துக்கு எனது பெற்றோர் எதிர்ப்பு தெரிவிக்காத நிலையில் தன் சகோதரி எதிர்ப்பு தெரிவித்து வருவதாகவும், தன்னை வீட்டை விட்டே வெளியேற்றுவே என்றும் மிரட்டுவதாகவும் தெரிவித்தார்.

இந்நிலையில் செய்தியாளர்களைச் சந்தித்த துத்தி சந்த், தனது சகோதரி 25 லட்சம் ரூபாய் கேட்டு மிரட்டுவதாக குற்றம் சாட்டினார். மேலும் கூறிய அவர், ''பணம் கேட்டு சகோதரி தன்னை தாக்கினார். நான் குடும்பத்தினரை கவனிக்க மாட்டேன் என நினைக்கிறார்கள். எனது பெற்றோருக்கும், குடும்பத்துக்கும் நான் செய்ய வேண்டிய கடமைகள் என்னவென்று எனக்கு தெரியும். எனது குடும்பத்துக்காக நான் உதவிகளை நிச்சயம் செய்வேன்'' என்று தெரிவித்துள்ளார்.

துத்தி சந்தை யாரோ பின்னிருந்து இயக்குவதாகவும் , அவரிடம் உள்ள பணத்துக்காக அவரை தவறாக வழிநடத்துவதாகவும் துத்தி சந்தின் சகோதரி குற்றம் சாட்டியுள்ளார்.

Advertisement:
Advertisement:
Advertisement:
[X] Close