[X] Close
JUST IN
  • BREAKING-NEWS தண்ணீர் பிரச்னைக்காக மாவட்டந்தோறும் ஜூன் 22 முதல் திமுக கவன ஈர்ப்பு ஆர்ப்பாட்டம் - திமுக மாவட்டச் செயலாளர்களுக்கு மு.க.ஸ்டாலின் அறிவுறுத்தல்
  • BREAKING-NEWS வாகன ஓட்டு‌நர் உ‌ரிமம் பெறுவதற்கான குறைந்த‌பட்ச கல்வி தகுதியை அடியோடு நீக்கம் செய்ய மத்திய அரசு முடிவு ‌செய்துள்ளதாக தகவல்
  • BREAKING-NEWS ஆந்திர போலீஸாருக்கு இன்று முதல் வார விடுமுறை அறிவித்தார் முதல்வர் ஜெகன்மோகன் ரெட்டி
  • BREAKING-NEWS மக்களவை சபாநாயகராக பாஜவை சேர்ந்த ஓம் பிர்லா எம்.பி. போட்டியின்றி ஒருமனதாக தேர்ந்தெடுக்கப்பட்டார்
  • BREAKING-NEWS நடிகர் சங்கத் தேர்தலை நிறுத்துமாறு தென்சென்னை மாவட்ட சங்கங்களின் பதிவாளர் உத்தரவு
  • BREAKING-NEWS தேர்தல் தோல்வியை அடுத்து கர்நாடக மாநில காங்கிரஸ் கமிட்டியை கலைத்தது காங்கிரஸ் கட்சி

திணறவைத்த ராஜஸ்தான் பந்துவீச்சு - ரிஷப் அரைசதத்தால் டெல்லி வெற்றி

ipl-2019-delhi-capitals-win-by-5-wickets-to-eliminate-rajasthan-royals

ராஜஸ்தான் ராயல்ஸ் அணிக்கு எதிரான போட்டியில் டெல்லி கேபிடல்ஸ் 5 விக்கெட் வித்தியாசத்தில் வெற்றி பெற்றது.

டெல்லி கேபிடல்ஸ் மற்றும் ராஜஸ்தான் அணிகளுக்கு இடையிலான லீக் போட்டி டெல்லி பெரோஸ் ஷா கோட்லா மைதானத்தில் நடைபெற்றது. இந்தப் போட்டியில் டாஸ் வென்ற ராஜஸ்தான் முதலில் பேட்டிங் செய்தது. இஷாந்த் சர்மாவின் அசத்தலான பந்துவீச்சில் ரகானே, லிவிங்ஸ்டன் லோம்ரார் அடுத்தடுத்து ஆட்டமிழந்தனர். அதேபோல், மிஸ்ரா தன்னுடைய பங்கிற்கு கோபால், பின்னி, கௌதம் விக்கெட்களை சாய்த்தார். ராஜஸ்தான் அணி 20 ஓவர்கள் முடிவில் 9 விக்கெட் இழப்புக்கு 115 ரன்கள் மட்டுமே எடுத்தது. ரியால் பராக் மட்டும் அரைசதம் அடித்தார்.

                                 

116 ரன்கள் என்ற இலக்கை நோக்கி விளையாடிய டெல்லி அணியில், தவான் 16, பிரித்வி ஷா 8 ரன்னில் அடுத்தடுத்து சோதி பந்துவீச்சில் ஆட்டமிழந்தனர். டெல்லி அணி 28 ரன்னில் இரண்டு விக்கெட்களை இழந்தது. சிறிது நேரம் நிதானமாக விளையாடிய கேப்டன் ஸ்ரேயாஸ் ஐயர் 15 ரன்னில் ஆட்டமிழந்தார். பின்னர் வந்த இங்கிராமும் 12 ரன்னில் நடையைக் கட்டினார். 13.4 ஓவரில் டெல்லி அணி 83 ரன்களுக்கு 4 விக்கெட்டை இழந்தது. ஒருபுறம் விக்கெட் வீழ்ந்தாலும் ரிஷப் பண்ட் மட்டும் நிலைத்து நின்று ஆடினார். ரூதர் போஃட் 11 ரன்னில் அவுட் ஆனார்.

இறுதியில், 16.1 ஓவர்கள் முடிவில் 5 விக்கெட் இழப்புக்கு 121 ரன்கள் எடுத்து டெல்லி கேபிடல்ஸ் வெற்றி பெற்றது. 23 பந்துகள் மீதமுள்ள நிலையில் டெல்லி அணி வெற்றியை எட்டியுள்ளது. ரிஷப் பண்ட் சிறப்பாக விளையாடி 38 பந்துகளில் 53 ரன்கள் எடுத்து இறுதிவரை ஆட்டமிழக்காமல் இருந்தார். அவர் 5 சிக்ஸர் விளாசினார். ராஜஸ்தான் அணியில் சோதி மூன்று விக்கெட் வீழ்த்தினார். கோபால் இரண்டு விக்கெட் சாய்த்தார்.

                      

இந்த வெற்றியின் மூலம் டெல்லி அணி 18 புள்ளிகளுடன் இரண்டாவது இடத்திற்கு முன்னேறியுள்ளது. அவர்கள் தற்போது 0.044 புள்ளிகள் பெற்றுள்ளனர். மும்பை அணி வெற்றி பெறும் பட்சத்தில் டெல்லி மூன்றாவது இடத்திற்கு செல்லும் வாய்ப்புள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close