[X] Close
JUST IN
  • BREAKING-NEWS ஒவ்வொரு சட்டமன்ற தொகுதிக்குட்பட்ட வாக்குச்சாவடிகளிலும் 5 வி.வி.பேட் இயந்திரங்களில் உள்ள பதிவு சீட்டுகளை மின்னணு வாக்கு பதிவு இயந்திரங்களில் பதிவாகியுள்ள எண்ணிக்கையுடன் சரிபார்ப்பதற்கு கூடுதல் அவகாசம் தேவைப்படுகிறது - தேர்தல் ஆணையம்
  • BREAKING-NEWS மக்களவைத் தேர்தல் முடிவுகளை அறிவிப்பதில் ஐந்து மணி நேரம் தாமதம் ஏற்படும் - தேர்தல் ஆணையம்
  • BREAKING-NEWS ஸ்டெர்லைட் ஆலைக்கு எதிராக கருத்து கொண்டோரை தமிழக அரசு துன்புறுத்துவது ஏன்?- தமிழக அரசுக்கு உயர்நீதிமன்ற மதுரை கிளை கேள்வி
  • BREAKING-NEWS வேலூர், தருமபுரி, சேலம் உள்ளிட்ட உள்தமிழகத்தின் ஒருசில இடங்களில் அனல் காற்று வீசும்- சென்னை வானிலை ஆய்வு மையம்
  • BREAKING-NEWS தூத்துக்குடி துப்பாக்கிச்சூடு சம்பவம் தொடர்பான வழக்கை முடித்து வைத்தது தேசிய மனித உரிமைகள் ஆணையம்
  • BREAKING-NEWS 10 மாநில தேர்தல் அதிகாரிகளுடன் தலைமை தேர்தல் ஆணையர் சுனில் அரோரா நடத்தவிருந்த ஆலோசனை ரத்து
  • BREAKING-NEWS காவிரி ஒழுங்காற்று குழு கூட்டம் டெல்லியில் நாளை கூடுகிறது; காவிரி மேலாண்மை ஆணைய கூட்டம் வரும் 28ம் தேதி டெல்லியில் நடைபெறுகிறது

‘அம்பத்தி ராயுடுவின் வலி எனக்குதான் புரியும்’  - விவிஎஸ் லக்ஷ்மண் 

felt-ambati-rayudu-had-done-everything-to-be-in-the-world-cup-squad-vvs-laxman

உலகக் கோப்பை அணியில் அம்பத்தி ராயுடு இடம்பெறாதது குறித்து விவிஎஸ் லக்ஷ்மண் கருத்து தெரிவித்துள்ளார். 

உலகக் கோப்பைக்கான கேப்டன் விராட் கோலி தலைமையிலான இந்திய அணி சமீபத்தில் அறிவிக்கப்பட்டது. அணி அறிவித்த தருணத்தில் இரண்டு விதமான அதிருப்தி வெளிப்பட்டது. ஒன்று, விக்கெட் கீப்பிங்கிற்கு தினேஷ் கார்த்திக்கிற்கு வாய்ப்பு அளிக்கப்பட்டது. பலரும் ஏற்றுக் கொண்டாலும் ரிஷப் பண்டை எடுத்திருக்கலாம் என சிலர் கருத்து தெரிவித்தனர். மூத்த வீரர் என்பதால் தினேஷ் கார்த்திக்கிற்கு பெரிய எதிர்ப்பு வரவில்லை. 

                    

ஆனால், 4வது இடத்திற்கான போட்டியில் அம்பத்தி ராயுடுவிற்கு பதிலாக விஜய் சங்கர் தேர்வு செய்யப்பட்டது குறித்து அதிக அளவில் அதிருப்தி வெளிப்பட்டது. ஐசிசி தன்னுடைய ட்விட்டர் பக்கத்திலேயே கருத்து தெரிவித்து இருந்தது. அம்பத்தி ராயுடே விஜய் சங்கரின் தேர்வை விமர்சிக்கும் வகையில் கிண்டலாக கருத்து தெரிவித்தார். பலரும் அனுபவ வீரர் ராயுடு இருக்கையில், இளம் அறிமுக வீரர் விஜய் சங்கர் ஏன்? எனக் கேள்வி எழுப்பினர். 

          

இந்நிலையில், உலகக் கோப்பைக்கான அணியில் அம்பத்தி ராயுடு இடம்பெறாதது குறித்து இந்திய அணியின் முன்னாள் வீரர் விவிஎஸ் லக்ஷ்மண் கருத்து தெரிவித்துள்ளார். “இது அம்பத்தி ராயுடுவிற்கு மிகுந்த ஏமாற்றத்தை அளித்திருக்கும். ஏனெனில் அணியில் அவர் இடம் பிடிப்பதற்கான வாய்ப்பு இருந்ததாகவே நான் கருதினேன்.

2018ம் ஆண்டு அக்டோபர் மாதம் வெஸ்ட் இண்டீஸ் தொடரில் இருந்து அம்பத்தி ராயுடு அணியில் 4வது வீரராக பேட்டிங் செய்தார். தொடர்ச்சியாக சிறப்பாக செயல்பட்டார். அந்தத் தொடரில் அதிக ரன்களையும் எடுத்தார். அனுபவம் வாய்ந்த பேட்டிங்கை வெளிப்படுத்திய பிறகும் ஏன் அவரை எடுக்கவில்லை என்பது கொஞ்சம் ஆச்சர்யமாகதான் உள்ளது.

                            

இது மிகவும் வலி நிறைந்ததாக இருக்கும். 2003ம் ஆண்டில் நானும் இந்த வலியை உணர்ந்தேன். இருப்பினும், ஒரு சர்வதேச கிரிக்கெட் வீரராக வலிமையுடன் மீண்டு வருவது முக்கியமானது. ராயுடுவும் மீண்டும் வருவார் என நம்புகிறேன்” என்றார் லக்ஷ்மண். 

2003ம் உலகக் கோப்பையில் கேப்டன் சவுரவ் கங்குலி தலைமையிலான இந்திய அணி களமிறங்கியது. 15 பேர் கொண்ட அந்த அணியில் விவிஎஸ் லக்ஷ்மணுக்கு பதில் தினேஷ் மோங்கியா தேர்வு செய்யப்பட்டிருந்தார். அந்த உலகக் கோப்பையில் இந்திய அணி இறுதிப் போட்டிவரை சென்று ஆஸ்திரேலியாவிடம் தோல்வி அடைந்தது.

Advertisement:
இது தொடர்பான செய்திகள் :
Advertisement:
Advertisement:
[X] Close