[X] Close
JUST IN
  • BREAKING-NEWS தண்ணீர் பிரச்னைக்காக மாவட்டந்தோறும் ஜூன் 22 முதல் திமுக கவன ஈர்ப்பு ஆர்ப்பாட்டம் - திமுக மாவட்டச் செயலாளர்களுக்கு மு.க.ஸ்டாலின் அறிவுறுத்தல்
  • BREAKING-NEWS வாகன ஓட்டு‌நர் உ‌ரிமம் பெறுவதற்கான குறைந்த‌பட்ச கல்வி தகுதியை அடியோடு நீக்கம் செய்ய மத்திய அரசு முடிவு ‌செய்துள்ளதாக தகவல்
  • BREAKING-NEWS ஆந்திர போலீஸாருக்கு இன்று முதல் வார விடுமுறை அறிவித்தார் முதல்வர் ஜெகன்மோகன் ரெட்டி
  • BREAKING-NEWS மக்களவை சபாநாயகராக பாஜவை சேர்ந்த ஓம் பிர்லா எம்.பி. போட்டியின்றி ஒருமனதாக தேர்ந்தெடுக்கப்பட்டார்
  • BREAKING-NEWS நடிகர் சங்கத் தேர்தலை நிறுத்துமாறு தென்சென்னை மாவட்ட சங்கங்களின் பதிவாளர் உத்தரவு
  • BREAKING-NEWS தேர்தல் தோல்வியை அடுத்து கர்நாடக மாநில காங்கிரஸ் கமிட்டியை கலைத்தது காங்கிரஸ் கட்சி

‘தோல்விக்கு நிர்வாகத்தின் தவறான முடிவுகளே காரணம்’ விளாசி தள்ளிய ரஸல்

russell-slams-kkr-s-bad-decisions-says-team-atmosphere-not-healthy

கொல்கத்தா அணியின் அதிரடி வீரர் ரஸல் அந்த அணி நிர்வாகத்தின் முடிவுகள் சரியாக இல்லை என்று புகார் தெரிவித்துள்ளார்.

நடப்பு ஐபிஎல் தொடரில் கொல்கத்தா நைட் ரைடர்ஸ் அணி 11 போட்டியில் விளையாடிவுள்ளது. இதில் வெறும் 4 போட்டிகளில் மட்டும் வெற்றிப் பெற்றுள்ளது. அத்துடன் கொல்கத்தா அணி புள்ளிப்பட்டியலில் 6ஆவது இடத்தில் உள்ளது. கடைசியாக விளையாடிய 6 போட்டிகளில் கொல்கத்தா அணி தொடர் தோல்வியை தழுவியுள்ளது.

இந்நிலையில் கொல்கத்தா அணியின் அதிரடி வீரர் ரஸல் அந்த அணி நிர்வாகம் குறித்து விமர்சனங்களை முன்வைத்துள்ளார். அதில், “எங்களது அணி சிறப்பான அணி. ஆனால் அணி நிர்வாகத்தின் தவறான முடிவால் கொல்கத்தா அணி தோற்கிறது. குறிப்பாக ஒரு சில போட்டிகளில் நாங்கள் சரியான பந்துவீச்சாளர்களை களமிறக்கியிருந்தால் அணி வெற்றிப் பெற்றிருக்கும். ஒரு கிரிக்கெட் வீரரின் வாழ்க்கையில் இது போன்ற தருணங்கள் மிகவும் கஷ்டமானது. 

எங்கள் அணியின் பந்துவீச்சு மிகவும் மோசமாக உள்ளது. குறிப்பாக ராஜஸ்தான் அணியின் பேட்டிங் மோசமாக இருந்தும் அந்த அணியை 170 ரன்கள் எடுக்கவிட்டோம். இவ்வாறு பந்துவீசினால் எவ்வாறு வெற்றிப் பெற முடியும். அத்துடன் அனைவரும் கூறும் வகையில் அணியின் பேட்டிங் மோசமாக இல்லை. மாறாக எங்கள் அணியின் பந்துவீச்சு மற்றும் பீல்டிங் ஆகியவை தான் சரியாக இல்லை. இந்த ஐபிஎல் தொடரில் எங்கள் அணிதான் சொதப்பலான பீல்டிங் உடைய அணி. 

இதனால் எங்கள் அணியின் பயிற்சியில் அதிக கவனம் செலுத்தவேண்டும். எனினும் தொடர்ச்சியாக ஆறு போட்டிகளில் தோற்றுள்ளதால் எங்கள் அணியின் வீரர்கள் அனைவரும் மிகவும் சோர்வுடன் உள்ளனர். அதேபோல நானும் என்னுடைய அறையை விட்டு வெளியே வருவதில்லை. இந்த நிலை மாறுவதற்கு எங்கள் அணி வெற்றிப் பெறுவதே ஒரே வழி” எனத் தெரிவித்துள்ளார்.

கொல்கத்தா அணியின் நாளை மும்பை அணியுடன் விளையாடவுள்ளது. மும்பை அணிக்கு எதிராக கொல்கத்தா அணி சரியாக விளையாடுவதில்லை. ஏனென்றால், இதுவரை இந்த இரு அணிகளும் 23 போட்டிகளில் 18ல் மும்பை அணி வெற்றிப் பெற்றுள்ளதால். இவற்றில் 5ல் மட்டும் கொல்கத்தா அணி வெற்றிப் பெற்றுள்ளது குறிப்பிடத்தக்கது. 

Advertisement:
Advertisement:
Advertisement:
[X] Close