[X] Close
JUST IN
  • BREAKING-NEWS தமிழகத்தில் ஜூன் 3ம் தேதி பள்ளிகள் திறக்கப்படும் என்பதில் எந்த மாற்றமும் இல்லை - அமைச்சர் செங்கோட்டையன்
  • BREAKING-NEWS 5 ஆண்டுகள் விரைவாக சென்றுவிடும் என்பதால் அடுத்த பிரதமராக ராகுல் காந்தி நிச்சயம் வருவார்- திருநாவுக்கரசர்
  • BREAKING-NEWS சென்னை உட்பட தமிழகம் முழுவதும் தனியார் குடிநீர் லாரி உரிமையாளர்கள் சங்கம் அறிவித்த வேலைநிறுத்தம் தற்காலிக வாபஸ்
  • BREAKING-NEWS காவிரி ஆணைய கூட்டத்தில் மேகதாது அணை கட்ட கர்நாடக அரசுக்கு அனுமதி வழங்கக்கூடாது என்பதை வலியுறுத்த தமிழக அரசு முடிவு
  • BREAKING-NEWS பல வாக்குச்சாவடிகளில் அமமுகவுக்கான வாக்குகள் ‘பூஜ்யம்’ என காட்டியுள்ளது; எங்கள் முகவர்கள் போட்ட ஓட்டு எங்கே? - டிடிவி தினகரன்

பாண்ட்யா விளாசலில் வென்றது மும்பை: கேள்விக்குறியானது பெங்களூரின் அடுத்த சுற்று!

lasith-malinga-and-hardik-pandya-hand-rcb-their-seventh-defeat

பெங்களூரு அணிக்கு எதிராக நேற்று நடந்த ஐபிஎல் லீக் போட்டியில் மும்பை அணி, வெற்றி பெற்றது. இதையடுத்து 7 வது தோல்வியைச் சந்தித்துள்ள பெங்களூரு அணியின் அடுத்த சுற்று வாய்ப்பு கேள்விக்குறியாகி உள்ளது.

ஐபிஎல் தொடரின் 31வது லீக் போட்டியில், ராயல் சேலஞ்சர்ஸ் பெங்களூரு மற்றும் மும்பை இண்டியன்ஸ் அணிகள் நேற்று மோதின. மும்பை வான்கடே மைதானத்தில் நடந்த இந்தப் போட்டியில் டாஸ் வென்ற மும்பை அணி முதலில் பந்துவீசியது. முதலில் பேட்டிங் செய்த பெங்களூரு அணியில், கேப்டன் கோலி 8 (9) ரன்களிலேயே வெளியேறி அதிர்ச்சி கொடுத்தார். அதன்பின்னர் ஜோடி சேர்ந்த பார்த்திவ் படேல் மற்றும் டி வில்லியர்ஸ் ஜோடி வேகமாக ரன்களை சேர்த்தனர்.

பார்திவ் படேல் 28 (20) ரன்கள் எடுத்திருந்த நிலையில் ஹர்திக் பாண்ட்யா பந்தில் விக்கெட்டை பறிகொடுத்தார். பின்னர் வந்த மொயின் அலி ஆரம்பம் முதலே அதிரடியை காட்ட, மறுபுறம் வில்லியர்ஸும் வெளுத்து வாங்கினார். இருவரும் அரை சதம் அடித்தனர். அலி 50 (32) ரன்களில் அவுட் ஆனார். இறுதி ஓவரில், டி வில்லியர்ஸ் 75 (51) ரன்களில் ரன் அவுட் ஆனார். 20 ஓவர்கள் முடிவில் பெங்களூரு அணி 7 விக்கெட் இழப்பிற்கு 171 ரன்கள் குவித்தது. மும்பை தரப்பில் மலிங்கா 4 விக்கெட்டுகளைச் சாய்த்தார்.

பின்னர் 172 ரன்கள் எடுத்தால் வெற்றி என்ற இலக்குடன் ஆடிய மும்பை அணி 19 ஓவர்களில் 5 விக்கெட் இழப்புக்கு 172 ரன்கள் எடுத்து, 5 விக்கெட் வித்தியாசத்தில் வெற்றி பெற்றது. 


ரோகித் சர்மா 28, டி காக் 40, இஷான் கிஷன் 21, சூர்யகுமார் யாதவ் 29 , குணால் பாண்ட்யா 11 ரன் எடுத்து அடுத்தடுத்து ஆட்டம் இழக்க, அடுத்து வந்த ஹர்திக் பாண்ட்யா, அதிரடியாக 16 பந்துகளில் 5 பவுண்டரி, 2 சிக்சருடன் 37 ரன் குவித்தார். அவர் இறுதிவரை ஆட்டமிழக்காமல் இருந்தார். பெங்களூரு அணி தரப்பில் சாஹல், மொயீன் அலி தலா 2 விக்கெட்டும், முகமது சிராஜ் ஒரு விக்கெட்டும் கைப்பற்றினார்கள். 

மும்பை வீரர் மலிங்கா ஆட்டநாயகன் விருது பெற்றார்.

8 போட்டியில் விளையாடியுள்ள மும்பை அணிக்கு இது 5-வது வெற்றி. பெங்களூரு அணிக்கு 7-வது தோல்வி. இந்த தோல்வியின் மூலம் பெங்களூரு அணியின் ‘பிளே-ஆப்’ சுற்று வாய்ப்பு கேள்விக்குறியாகி இருக்கிறது.
 

Advertisement:
இது தொடர்பான செய்திகள் :
Advertisement:
Advertisement:
[X] Close