[X] Close
JUST IN
  • BREAKING-NEWS கொழும்பு கொச்சிக்கடை கந்தானையில் தேவாலயம் அருகே கைப்பற்றப்பட்ட வெடிகுண்டை செயலிழக்க செய்ய முயன்றபோது குண்டு வெடித்தது
  • BREAKING-NEWS இலங்கையின் கொழும்பு பேருந்து நிலையத்தில் நின்றிருந்த பேருந்தில் இருந்து 87 டெட்டனேட்டர்கள் பறிமுதல்; வெடி குண்டுகளை செயலிழக்க செய்யும் பணியில் நிபுணர்கள் ஈடுபட்டுள்ளதாக தகவல்
  • BREAKING-NEWS காஞ்சிபுரம் மற்றும் அதன் சுற்றுவட்டார பகுதிகளில் பலத்த காற்றுடன் கனமழை; கன்னியாகுமரி மாவட்டம் தக்கலை, அழகிய மண்டபம், மூலச்சல் உள்ளிட்ட பகுதிகளில் கனமழை
  • BREAKING-NEWS இலங்கையில் தொடர் குண்டு வெடிப்பு காரணமாக இன்று நள்ளிரவு முதல் அவசரநிலை பிரகடனம்
  • BREAKING-NEWS தமிழகத்தில் உள்ளாட்சி தேர்தல் நடத்த மேலும் 3 மாதம் அவகாசம் தேவை என உச்சநீதிமன்றத்தில் தமிழக தேர்தல் ஆணையம் பிரமாணப் பத்திரம் தாக்கல்
  • BREAKING-NEWS ரஃபேல் விவகாரத்தில் பிரதமரை திருடன் என உச்சநீதிமன்றம் கூறிவிட்டதாக பரப்புரையை தீவிரப்படுத்தும் நோக்கிலேயே கூறினேன் - உச்சநீதிமன்றத்தில் ராகுல்காந்தி பிரமாணப் பத்திரம் தாக்கல்
  • BREAKING-NEWS டிக் டாக் குறித்து திட்டவட்டமாக முடிவெடுங்கள் - உயர் நீதிமன்ற கிளைக்கு உச்சநீதிமன்றம் ஆணை

விளாசித் தள்ளினார் ரஸல்: மீண்டும் சோகத்தில் பெங்களூரு!

andre-russell-s-48-off-13-stuns-rcb-to-keep-them-winless

பெங்களூரு அணிக்கு எதிராக நேற்று நடந்த போட்டியில் கொல்கத்தா அணி, ரஸலின் அதிரடியால் 5 விக்கெட் வித்தியாசத்தில் அபார வெற்றி பெற்றது.

ஐபிஎல் தொடரின் 17 வது லீக் போட்டியில் பெங்களூர் ராயல் சேலஞ்சர்ஸ், கொல்கத்தா நைட் ரைடர்ஸ் அணிகள் பெங்களூர் சின்னசாமி மைதானத்தில் நேற்று மோதின. டாஸ் வென்ற கொல்கத்தா அணி கேப்டன் தினேஷ் கார்த்திக் முதலில் பந்துவீச தீர்மானித்தார். 

அதன்படி, முதலில் பேட்டிங் செய்த பெங்களூர் அணியில் பார்த்திவ் படேலும், விராத் கோலியும் சிறப்பான தொடக்கத்தை கொடுத்தனர். பெங்க ளூர் அணி இதுவரை விளையாடியுள்ள 4 போட்டிகளிலும் தோல்வியை தழுவியதால், முதல் வெற்றியை பதிவு செய்யும் முனைப்பில் விளை யாடியது. இருவரும் 5.1 ஓவரிலேயே 50 ரன்கள் கொண்டு வந்தனர். நிதானமாக விளையாடி வந்த பார்த்திவ் 25 ரன்னில் ஆட்டமிழந்தார். 64 ரன்னில் பெங்களூர் அணி தனது முதல் விக்கெட்டை பறிகொடுத்தது.

பிறகு விராத் கோலியுடன், டிவில்லியர்ஸ் ஜோடி சேர்ந்தார். இருவரும் சேர்ந்து சிக்ஸர்களாக பறக்கவிட்டனர். அதனால், பெங்களூர் அணியின் ஸ்கோர் மளமளவென உயர்ந்தது. 

சதம் விளாசுவார் என்று எதிர்பார்க்கப்பட்ட விராத் கோலி 49 பந்தில் 2 சிக்ஸர் 9 பவுண்டரி உட்பட 84 ரன்கள் குவித்து ஆட்டமிழந்தார். அவரை தொடர்ந்து, டிவில்லியர்ஸ் 32 பந்தில் 4 சிக்ஸர், 5 பவுண்டரி உட்பட 63 ரன்கள் எடுத்து ஆட்டமிழந்தார். அப்போது, பெங்களூர் அணி 18.5 ஓவரில் 185 ரன் எடுத்திருந்தது.

கடைசி நேரத்தில் ஸ்டோய்னிஸ் 13 பந்தில் 28 ரன்கள் எடுக்க, பெங்களூர் அணி 20 ஓவர்கள் முடிவில் 3 விக்கெட் இழப்புக்கு 205 ரன்கள் குவித்தது. இதன் மூலம் 16வது முறையாக 200 ரன்களை கடந்து சென்னை அணியின் சாதனையை பெங்களூர் சமன் செய்தது.


பின்னர் களமிறங்கிய கொல்கத்தா அணியில் கிறிஸ் லின் 31 பந்தில் 43 ரன் எடுத்து ஆட்டமிழந்தார். உத்தப்பாவும் நிதிஷ் ராணாவும் நிதானமாக ஆடி முறையே 33, 37 ரன் எடுத்தனர். பின்னர் வந்த தினேஷ் கார்த்திக் 19 ரன்னில் வெறியே தடுமாறத் தொடங்கியது கொல்கத்தா. அப்போது ஆபத்பாந்தவனாக வந்த ஆண்ட்ரு ரஸல் அதிரடியாக ஆடி சிக்ஸர் மழை பொழிந்தார்.

18 வது ஓவரில் ஹாட்ரிக் சிக்சர் விளாசிய அவர், 19 வது ஓவரில் டிம் சவுதி வீசிய பந்தில் 4 சிக்சரும் ஒரு பவுண்டரியும் நொறுக்கினார். இதையடுத்து கொல்கத்தா அணி 5 விக்கெட் வித்தியாசத்தில் அபார வெற்றி பெற்றது. ரஸல், 13 பந்தில் 7 சிக்ஸர், ஒரு பவுண்டரி உட்பட 48 ரன் விளாசினார். இதையடுத்து பெங்களூரு அணி ஐந்தாவது தோல்வியைச் சந்தித்தது.  

Advertisement:
Advertisement:
Advertisement:
[X] Close