[X] Close
JUST IN
  • BREAKING-NEWS இலங்கை அரசால் தேடப்பட்டு வந்த மதகுரு ஹஸிம் ஓட்டலில் நடந்த குண்டுவெடிப்பில் உயிரிழந்தார் - இலங்கை அதிபர் மைத்திரிபால சிறிசேன
  • BREAKING-NEWS ஜெயலலிதா மரணம் குறித்து ஓய்வு பெற்ற நீதிபதி ஆறுமுகசாமி விசாரணை ஆணையத்திற்கு உச்சநீதிமன்றம் இடைக்காலத் தடை - அப்போலோ மருத்துவமனை நிர்வாகம் தொடர்ந்த மேல்முறையீட்டு வழக்கில் உத்தரவு
  • BREAKING-NEWS வங்கக்கடலில் காற்றழுத்த தாழ்வு பகுதி காற்றழுத்த தாழ்வுமண்டலமாக வலுப்பெற்றது - கிழக்கு இந்திய பெருங்கடல்- தென்கிழக்கு வங்கக்கடல் பகுதியில் காற்றழுத்த தாழ்வு மண்டலம் நிலவுகிறது
  • BREAKING-NEWS சிலை கடத்தல் தடுப்புப்பிரிவு சிறப்பு அதிகாரியாக பொன்.மாணிக்கவேல் நியமிக்கப்பட்டதற்கு எதிராக காவல்துறை அதிகாரிகள் 66 பேர் தொடர்ந்த வழக்கை தள்ளுபடி செய்தது உச்சநீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ. 75.79 காசுகளாகவும், டீசல் லிட்டருக்கு ரூ. 70.34 காசுகளாகவும் விலை நிர்ணயம் செய்யப்பட்டுள்ளன நேற்றைய விலையில் இருந்து பெட்ரோல் விலையில் மாற்றமின்றி, டீசல் விலை 8 காசுகள் அதிகரித்து விற்பனை
  • BREAKING-NEWS சென்னை எம்ஜிஆர் சென்ட்ரல் ரயில் நிலையம், எழும்பூர் ரயில் நிலையத்தில் வெடிகுண்டு நிபுணர்கள் சோதனை- பயணிகள் மற்றும் அவர்களது உடைமைகளும் தீவிர சோதனை

மேக்ஸ்வெல் மிரட்டல்: பாகிஸ்தானை ஒயிட் வாஷ் செய்தது ஆஸி!

australia-whitewash-pakistan-5-0-despite-haris-ton

பாகிஸ்தான் அணியுடனான ஐந்தாவது ஒரு நாள் போட்டியிலும் வெற்றி பெற்று, அந்த அணியை ஒயிட் வாஷ் செய்துள்ளது ஆஸ்திரேலிய அணி.

ஆஸ்திரேலிய கிரிக்கெட் அணி, பாகிஸ்தான் அணியுடன் ஐந்து போட்டிகள் கொண்ட ஒரு நாள் தொடரில் பங்கேற்று விளையாடியது. ஐக்கிய அரபு எமிரேட்சில் நடந்த இந்த தொடரின் முதல் நான்கு போட்டிகளில் வென்று ஆஸ்திரேலிய அணி, தொடரை கைப்பற்றி விட்டது. இந்நிலையில் இரு அணிகளுக்கு இடையிலான ஐந்தாவது ஒரு நாள் போட்டி, துபாயில் நேற்று நடந்தது.

டாஸ் வென்ற பாகிஸ்தான் அணி, பந்துவீச்சைத் தேர்வு செய்தது. அதன்படி முதலில் ஆடிய ஆஸ்திரேலிய அணி, 50 ஓவர் முடிவில் 7 விக்கெட் இழப்புக்கு 327 ரன் குவித்தது. அந்த அணியின் தொடக்க ஆட்டக்காரர் கவாஜா 98 ரன் எடுத்து 2 ரன்னில் சதம் அடிக்கும் வாய்ப்பை இழந்தார். கேப்டன் ஆரோன் பின்ச் 53 ரன்னும், ஷான் மார்ஷ் 61 ரன்னும், கிளன் மேக்ஸ்வெல் 33 பந்தில் 70 ரன்னும் எடுத்தனர். பாகிஸ்தான் தரப்பில் உஸ்மான் சின்வாரி 4 விக்கெட்டும் ஜுனைத் கான் 3 விக்கெட்டும் வீழ்த்தினர். 

பின்னர் களமிறங்கிய பாகிஸ்தான் அணியில் ஹரிஸ் சோஹைல் அபார சதம் அடித்தார். அவர் 130 ரன் எடுத்தார். ஷான் மசூத் 50 ரன்னும் பொறுப்பு கேப்டன் இமாத் வாசிம் 50 ரன்னும் உமர் அக்மல் 43 ரன்னும் எடுத்தனர். 50 ஓவர் முடிவில் 7 விக்கெட் இழப்புக்கு 307 ரன் மட்டுமே எடுக்க முடிந்தது. இதையடுத்து 20 ரன் வித்தியாசத்தில் ஆஸ்திரேலிய அணி வெற்றி பெற்றது. 

33 பந்தில் 70 ரன் விளாசிய மேக்ஸ்வெல் ஆட்ட நாயகன் விருது பெற்றார். இந்த வெற்றியை அடுத்து ஐந்து போட்டிகள் கொண்ட ஒரு நாள் தொடரில், பாகிஸ்தான் அணியை, ’ஒயிட் வாஷ்’ செய்துள்ளது ஆஸ்திரேலிய அணி.
 

Advertisement:
இது தொடர்பான செய்திகள் :
Advertisement:
Advertisement:
[X] Close