[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 75.77 காசுகளாகவும், டீசல் லிட்டருக்கு ரூ. 70.10 காசுகளாகவும் விலை நிர்ணயம்
  • BREAKING-NEWS இலங்கை குண்டு வெடிப்பில் பலியானவர்களின் எண்ணிக்கை 140 ஆக உயர்வு
  • BREAKING-NEWS மதுரையில் வாக்குப்பதிவு இயந்திரம் உள்ள அறைக்குள் நுழைந்த பெண் வட்டாட்சியர் சம்பூர்ணம் சஸ்பெண்ட்
  • BREAKING-NEWS பொறியியல் படிப்பிற்கான கலந்தாய்வு அட்டவணை வெளியீடு; பொதுப்பிரிவினருக்கான கலந்தாய்வு ஜூலை 3ம் தேதி தொடங்குகிறது
  • BREAKING-NEWS பாப்பிரெட்டிப்பட்டி சட்டமன்றத் தொகுதிக்குட்பட்ட 8 வாக்குச்சாவடிகளில் மறுவாக்குப்பதிவு நடத்த தேர்தல் ஆணையத்துக்கு தலைமைத் தேர்தல் அதிகாரி சத்யபிரதா சாஹூ பரிந்துரை
  • BREAKING-NEWS திருச்சி அருகே கோயில் திருவிழா கூட்ட நெரிசலில் சிக்கி 7 பேர் பலி

தோனி விளாசல்: சென்னை சூப்பர் கிங்ஸ் ஹாட்ரிக் வெற்றி

ms-dhoni-turns-the-tables-as-rajasthan-royals-fall-to-third-defeat

ராஜஸ்தான் ராயல்ஸ் அணிக்கு எதிராக நேற்று நடந்த போட்டியில், சென்னை சூப்பர் கிங்ஸ் அணி அபார வெற்றி பெற்றது.

ஐபிஎல் கிரிக்கெட் தொடரில், சென்னை சூப்பர் கிங்ஸ் மற்றும் ராஜஸ்தான் ராயல்ஸ் அணிகள் சென்னை சேப்பாக்கத்தில் நேற்று மோதின. டாஸ் வென்ற ராஜஸ்தான் அணி முதலில் பந்துவீச தீர்மானித்தது. அதற்கு நல்ல பலன் கிடைத்தது. 

தொடக்க ஆட்டக்காரர்களாக களமிறங்கிய சென்னை அணி வீரர்கள் அம்பத்தி ராயுடு ஒரு ரன்னிலும் ஷேன் வாட்சன் 13 ரன்னிலும், அடுத்து வந்த கேதர் ஜாதவ் 8 ரன்னிலும் நடையை கட்டினர். 27 ரன்னில் 3 விக்கெட்டுகளை இழந்து சென்னை அணி, தடுமாறிக் கொண்டிருந்தபோது சுரேஷ் ரெய்னா, கேப்டன் தோனி ஜோடி அணியை சரிவில் இருந்து மீட்டது. 

இருவரும் முதலில் மெதுவாக ஆடி, பின்னர் விளாசத் தொடங்கினர். சுரேஷ் ரெய்னா 36 ரன்னில் ஆட்டமிழக்க, அடுத்து வந்த பிராவோ, அதிரடியை வெளிப்படுத்தினார். இதற்கிடையே தோனி அரை சதம் அடித்து அரங்கத்தை அதிரச் செய்தார்.

பின், 16 பந்தில் பிராவோ 27 ரன் எடுத்து ஆட்டமிழந்தார். அடுத்து ஜடேஜா, வந்தார். ஒரு பக்கம் விக்கெட்டுகள் விழுந்தாலும் இறுதிவரை அவுட் ஆகாமல் ஆடிய தோனி, 46 பந்துகளில் 75 ரன்கள் குவித்தார். இதனால் 20 ஓவர்கள் முடிவில் சென்னை அணி 5 விக்கெட் இழப்புக்கு 175 ரன்கள் குவித்தது. ராஜஸ்தான் அணியில் ஆர்ச்சர் 2 விக்கெட்டுகளை எடுத்தார். 

அடுத்து களமிறங்கிய ராஜஸ்தான் அணியிலும் தொடக்க விக்கெட்டுகள் மளமளவென சரிந்தன. கேப்டன் ரஹானே ரன் ஏதும் எடுக்கமாலும் பட்லர் 6 ரன்னிலும் கடந்த போட்டியில் சதமடித்த சஞ்சு சாம்சன் 8 ரன்னிலும் ஆட்டமிழந்து வெளியேற, அந்த அணி 14 ரன்னில் 3 விக்கெட்டுகளை இழந்து திணறியது. அடுத்து வந்த திரிபாதியும் ஸ்மித்தும் ஓரளவுக்கு தாக்குப் பிடித்து நின்றனர். ஆனால் இந்த ஜோடியை இரக்கமின்றி பிரித்தார் இம்ரான் தாஹிர்.

திரிபாதி 39 ரன்னிலும் ஸ்மித் 28 ரன்னிலும் ஆட்டமிழக்க, பென் ஸ்டோக்ஸ் மிரட்டத் தொடங்கினார். ஆனால், அவர் விக்கெட்டை பிராவோ சாய்க்க, ராஜஸ்தான் அணியின் தோல்வி உறுதியானது. ஸ்டோக்ஸ் 26 பந்தில் 3 சிக்சர், ஒரு பவுண்டரி உட்பட 46 ரன் எடுத்தார். ஆர்ச்சர் 11 பந்தில் 24 எடுத்தார். இறுதியில் நிர்ணயிக்கப்பட்ட 20 ஓவர் முடிவில் அந்த அணியால் 8 விக்கெட் இழப்புக்கு 167 ரன் மட்டுமே எடுக்க முடிந்தது.

இதையடுத்து 8 ரன் வித்தியாசத்தில் சென்னை அணி வெற்றி பெற்றது. அந்த அணி சார்பில் தீபக் சாஹர், ஷர்துல் தாகூர், இம்ரான் தாஹிர், பிராவோ ஆகியோர் தலா 2 விக்கெட்டுகளை வீழ்த்தினர். தோனி ஆட்ட நாயகன் விருது பெற்றார். 

இந்த வெற்றியின் மூலம் தொடர்ந்து மூன்று போட்டிகளில் வென்று சென்னை சூப்பர் கிங்ஸ் அணி ஹாட்ரிக் வெற்றி பெற்றுள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close