[X] Close
JUST IN
  • BREAKING-NEWS 2016 தேர்தலில் திருப்பரங்குன்றம் தொகுதியில் அதிமுகவின் ஏ.கே.போஸ் வெற்றி பெற்றது செல்லாது - உயர்நீதிமன்றம்
  • BREAKING-NEWS மக்களவை, சட்டமன்ற இடைத்தேர்தலில் அதிமுக வெற்றி பெற எனது தொண்டர்கள் பாடுபடுவர் - அதிமுகவுக்கு ஜெ.தீபா ஆதரவு
  • BREAKING-NEWS 7 பேர் விடுதலை செய்யப்பட நடவடிக்கை மேற்கொள்ளப்படும் - அமமுகவின் தேர்தல் அறிக்கை
  • BREAKING-NEWS சென்னையில் உள்ள வக்ஃபு வாரிய அலுவலகத்தில் சிபிஐ அதிகாரிகள் சோதனை நடத்திவருகின்றனர்; மதுரை வக்ஃபு வாரிய கல்லூரி ஆசிரியர்கள் நியமன முறைகேடு விவகாரம் தொடர்பாக சிபிஐ விசாரித்து வருகிறது
  • BREAKING-NEWS முன்னாள் கிரிக்கெட் வீரர் கவுதம் காம்பீர் இன்று பாரதிய ஜனதா கட்சியில் இணைந்தார்
  • BREAKING-NEWS திண்டுக்கல் நாடாளுமன்ற தொகுதியில் நாம் தமிழர் கட்சி சார்பில் நடிகர் மன்சூர் அலிகான் போட்டி; வேட்பு மனு தாக்கல் செய்தார்
  • BREAKING-NEWS மதுரை மக்களவை தொகுதி மார்க்சிஸ்ட் வேட்பாளர் சு.வெங்கடேசன் வேட்பு மனு தாக்கல் செய்தார்

“என்னை நீக்க வேண்டிய தருணங்களிலிருந்து காத்தவர் தோனி” - இஷாந்த் சர்மா 

ms-dhoni-saved-me-from-getting-dropped-a-few-times-ishant-sharma

இந்திய அணியிலிருந்து என்னை நீக்க வேண்டிய தருணங்களில் எல்லாம் காப்பாற்றியவர் மகேந்திர சிங் தோனி என்று வேகப்பந்து வீச்சாளர் இஷாந்த் சர்மா கூறியுள்ளார்.  

இந்திய அணியில் முக்கியமான வேகப்பந்து வீச்சாளராக திகழ்ந்தவர் இஷாந்த் சர்மா. தோனி தலைமையிலான இந்திய அணியில், அவர் சிறந்து விளங்கியவர். குறிப்பாக 2003 சாம்பியன்ஸ் டிராபி தொடரில் இஷாந்த் முத்திரை பதித்தார். தற்போது அவர் இந்திய அணியில் டெஸ்ட் கிரிக்கெட் போட்டிகளில் மட்டும் விளையாடி வருகிறார். ஒருநாள் போட்டிகளில் அவருக்கு வாய்ப்பு கிடைப்பதில்லை.

                

இந்நிலையில், செய்தியாளர்களிடம் இஷாந்த் பேசுகையில், “மகேந்திர சிங் தோனி நான் அணியில் இருந்து நீக்கப்படும் பல சூழ்நிலையிலிருந்து என்னைக் காப்பாற்றினார். அவர் எனக்கு பக்க பலமாக இருந்தார். ஆம்;  தற்போது விராட் கோலி தலைமையிலான இந்திய அணியில் ஒரு சீனியர் வீரராக என்னிடம் அவர், ‘நீங்கள் மிகவும் களைப்படைந்துள்ளீர்கள் என்று  எனக்குத் தெரியும். ஆனால் ஒரு சீனியர் வீரராக நீங்கள் இந்திய அணிக்காக விளையாட வேண்டும்’ என்று கூறியுள்ளார்.  

இஷாந்த் சர்மா தற்போது டெல்லி அணிக்காக ஏலம் எடுக்கப்பட்டுள்ளார். இந்நிலையில், உலகக் கோப்பைக்காக வாய்ப்பு குறித்து கூறுகையில், “பந்துவீசுவதற்கான வாய்ப்பினை மட்டுமே எதிர்நோக்கி உள்ளேன். விக்கெட்கள் வீழ்த்த வேண்டும் என்பதே எனது விருப்பம். ஐபிஎல் தொடரை எனக்கு கிடைத்த வாய்ப்பாக கருதுகிறேன். இதில் என்னுடைய முழு திறமையை வெளிப்படுத்துவேன். அதன் மூலம் உலகக் கோப்பைக்கான அணியில் வாய்ப்பு கிடைத்தால் மகிழ்ச்சி” என்று தெரிவித்தார்.

               

இஷாந்த் சர்மா 90 டெஸ்ட் போட்டிகளில் விளையாடி 267 விக்கெட்களையும், 80 ஒருநாள் போட்டிகளில் 115 விக்கெட்களையும் சாய்த்துள்ளார். அதேபோல், 14 டி20 போட்டிகளில் 8 விக்கெட்களையும், 76 ஐபிஎல் போட்டிகளில் 58 விக்கெட்களையும் எடுத்துள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close