[X] Close
JUST IN
  • BREAKING-NEWS கல்கி ஆசிரமத்துக்கு சொந்தமான இடங்களில் நடைபெற்ற சோதனையில் ரூ.20 கோடி பறிமுதல் - வருமானவரித்துறை
  • BREAKING-NEWS திருச்சி லலிதா ஜுவல்லரி நகைக்கொள்ளை வழக்கு: கொள்ளையன் முருகனை 8 நாட்கள் காவலில் வைத்து விசாரிக்க பெங்களூரு குற்றவியல் நீதிமன்றம் அனுமதி
  • BREAKING-NEWS கோவை பாரதியார் பல்கலைக்கழக துணை வேந்தராக பி.காளிராஜை நியமித்தார் ஆளுநர் பன்வாரிலால் புரோஹித்
  • BREAKING-NEWS இனி வியாழக்கிழமை தோறும் டெங்கு ஒழிப்பு தினம் - சுகாதாரத்துறை
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு

“ராணுவ தொப்பியை அணிய அனுமதி பெற்றது பிசிசிஐ” - ஐசிசி ஒப்புதல் 

icc-says-india-sought-permission-to-wear-camouflage-caps

ஆஸ்திரேலியாவிற்கு எதிரான மூன்றாவது ஒருநாள் போட்டியில் இந்திய வீரர்கள் ராணுவ தொப்பி அணிந்து விளையாட அனுமதி பெற்றனர் என்று சர்வதேச கிரிக்கெட் கவுன்சில் தெரிவித்துள்ளது.

இந்தியா- ஆஸ்திரேலியா அணிகளுக்கு இடையிலான மூன்றாவது ஒருநாள் போட்டி ராஞ்சியில் கடந்த 8ஆம் தேதி நடைபெற்றது. இந்தப் போட்டியில் இந்திய வீரர்கள் பீல்டிங் மற்றும் பேட்டிங்கின் போது ராணுவ தொப்பி அணிந்து விளையாடினர். புல்வாமா பயங்கரவாத தாக்குதலில் கொல்லட்ட துணை ராணுவ வீரர்களுக்கு மரியாதை செலுத்தும் விதமாக இந்திய வீரர்கள் ராணுவ தொப்பி அணிந்தனர்.

                

இந்தப்போட்டியில் ராணுவ கேப் அணிந்து இந்திய வீரர்கள் விளையாடியதற்கு பாகிஸ்தான் எதிர்ப்பு தெரிவித்தது. இந்த விவகாரம் தொடர்பாக ஐசிசி நடவடிக்கை எடுக்க வேண்டும் என்று பாகிஸ்தான் வெளியுறவுத்துறை அமைச்சர் மெஹ்மூத் குரேஷி வலியுறுத்தினார். அத்துடன் பாகிஸ்தான் கிரிக்கெட் வாரிய தலைவர் எஹ்சன் மணி “இந்த விவகாரத்தை கடுமையாக சர்வேதச கிரிக்கெட் கவுன்சிலிடம் எடுத்து செல்வோம். கிரிக்கெட்டும் அரசியலும் ஒன்றாக சேர்க்கூடாது. இந்தச் செயலின் மூலம் இந்தியாவின் மதிப்பு சர்வேதச கிரிக்கெட் அரங்கில் குறைந்து போனது”என்று தெரிவித்திருந்தார்.

               

இந்நிலையில் இந்த விவகாரம் குறித்து சர்வேதச கிரிக்கெட் கவுன்சில் தெளிவுப்படுத்தியுள்ளது. அதில் “பிசிசிஐ எங்களிடம் ராணுவ தொப்பிக்களை அணிந்து விளையாட அனுமதி பெற்றது. அதில் பயங்கரவாத தாக்குதலில் வீரமரணம் அடைந்த வீரர்களின் நினைவாக அணியவுள்ளதாக பிசிசிஐ தெரிவித்திருந்தது” எனக் கூறியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close