[X] Close
JUST IN
  • BREAKING-NEWS தமிழகம், புதுச்சேரியில் 4 நாட்களுக்கு மழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்
  • BREAKING-NEWS பில்லூர் அணை நிரம்பியதால் பவானி ஆற்றங்கரையோர மக்களுக்கு வெள்ள அபாய எச்சரிக்கை. 7 மாவட்டங்களில் கனமழை தொடரும் என வானிலை மையம் தகவல்
  • BREAKING-NEWS நாங்குநேரி, விக்கிரவாண்டி தொகுதிகளில் இன்று மாலையுடன் முடிகிறது பரப்புரை
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

தொடரும் சாதனைகள் - மிரட்டும் ரன் மிஷின் விராட் கோலி!

a-look-at-kohli-s-odi-records-down-the-memory-lane

இந்திய அணியில் சிறப்பாக விளையாடிய ஜாம்பவான்கள் வரிசையில் எப்பொழுதோ இணைந்துவிட்டார் விராட் கோலி. தற்போதைய நிலையில், பல போட்டிகளில் ஒரு தனிமனிதனாக அணியின் வெற்றியை அவர் தன்னுடைய தோள்களில் தூக்கிச் சென்று கொண்டிருக்கிறார். சர்வதேச போட்டிகளில் விராட் கோலியின் பயணம் 2008 ஆம் ஆண்டு அவர் யு-19 இளையோர் உலகக் கோப்பையை வென்றவுடன் ஆரம்பித்துவிட்டது. அந்த இளையோர் அணிக்கு விராட் கோலி கேப்டனாக இருந்தது கூடுதல் சிறப்பு. 

                        

அணியில் இடம்பிடித்த பின்னர், முதல் இரண்டு ஆண்டுகள் கோலிக்கு சரியாக வாய்ப்புகள் அமையவில்லை. அவ்வவ்போது சில போட்டிகளில் தன்னுடைய சிறப்பான ஆட்டத்தை வெளிப்படுத்தி வந்தார். 2010ம் ஆண்டு முதல்தான் விராட் கோலியின் ரன் மிஷின் வரலாறு தொடங்கியது. அந்த ஆண்டு 25 போட்டிகளில் விளையாடி 995 ரன்கள் குவித்தார். அதில் 3 சதங்களும், 7 அரைசதங்களும் அடங்கும். 2011ம் ஆண்டு 34 ஒருநாள் போட்டிகளில் விளையாடி 4 சதம், 8 அரைசதங்களுடன் 1381 ரன்கள் குவித்தார். 2012ம் ஆண்டில் வெறும் 17 ஒருநாள் போட்டிகளில் விளையாடி 1026 ரன்கள் எடுத்தார். 

                 

2012 ஆம் ஆண்டு விராட் கோலிக்கு ஒரு சிறப்பான ஆண்டு என்றே கூறலாம். அந்தாண்டில் விராட் கோலி தனது அதிகபட்ச ஸ்கோரான 183 ரன்களை அடித்தார். இந்திய அணி சார்பில் 2010,2011,2012 ஆகிய மூன்று ஆண்டுகளிலும் அதிக ரன்கள் குவித்த வீரர் விராட் கோலி. அதன்பிறகு சாதனை புத்தகங்களை தனது ஒவ்வொரு ஆட்டத்திலும் மாற்றி எழுத வைத்தார் விராட் கோலி. 

          

2013-ல் 1268, 2014-ல் 1054 ஒவ்வொரு ஆண்டிலும் ஆயிரம் ரன்களுக்கு மேல் அடித்தார். 2017ம் ஆண்டு அதிகபட்சமாக 1460 ரன்கள் எடுத்தார். 2012 முதலே ஒருநாள் போட்டிகளில் சர்வதேச அளவில் சிறந்த வீரராக விராட் கோலி வலம் வர தொடங்கினார். ஒருநாள் போட்டிகளில் அதிக சதங்கள் அடித்த வீரர்கள் பட்டியலில் இரண்டாம் இடம் பிடித்துள்ளார் கோலி. 

                  

அத்துடன் கேப்டனாக அதிவேகமாக 4000 ரன்களை கடந்த வீரர் என்ற சாதனையையும் கோலி படைத்துள்ளார். ஒருநாள் போட்டியில் சேஸ் செய்யும் போது 25 சதங்களை 60க்கு மேலான சராசரியுடன் கோலி அடித்துள்ளார். அத்துடன் கடந்த ஒருநாள் போட்டிகளில் அரைசதம் கடந்த போட்டிகளில் கோலியின் ஸ்கோர்கள் 121,113,140,157,107,116,123 ரன்களாக உள்ளன. மேலும் ஒருநாள் போட்டிகளில் 60.08 சராசரி வைத்துள்ள முதல் இந்திய வீரர் என்ற பெருமையை கோலி பெற்றுள்ளார். இவ்வாறு கோலியின் சாதனைப் பட்டியல்கள் நீண்டு கொண்டே போகின்றன.

Advertisement:
Advertisement:
Advertisement:
[X] Close