[X] Close
JUST IN
  • BREAKING-NEWS மக்களவை தேர்தலில் சிதம்பரம் தொகுதியில் போட்டியிடும் விசிகவின் திருமாவளவனுக்கு பானை சின்னம் ஒதுக்கியது தேர்தல் ஆணையம்
  • BREAKING-NEWS மக்கள் கணிப்பைத்தான் பார்க்க வேண்டும்; கருத்துக்கணிப்பை முழுமையாக ஏற்க முடியாது - தம்பிதுரை
  • BREAKING-NEWS லண்டன் நீதிமன்றத்தில் வைர வியாபாரி நிரவ் மோடி தாக்கல் செய்த ஜாமீன் மனு தள்ளுபடி; இந்திய மதிப்பில் ரூ.4.50 கோடி பிணைத்தொகை செலுத்த தயாராக இருப்பதாக நிரவ் மோடி தரப்பு வாதம்
  • BREAKING-NEWS 2019 மக்களவை தேர்தலில் நான் போட்டியிடுவேனா என்பது குறித்து 24 ஆம் தேதி அறிவிக்கப்படும் - கமல்ஹாசன்
  • BREAKING-NEWS 2019 மக்களவை தேர்தலில் தான் போட்டியில்லை என மாயாவதி அறிவிப்பு
  • BREAKING-NEWS அரசியலுக்கு வாரிசுகள் வரக்கூடாது என்பது எந்த சட்டத்திலும் இல்லை- மதுரையில் ஒபிஎஸ் பேட்டி
  • BREAKING-NEWS சென்னையில் பெட்ரோல் லிட்டருக்கு ரூ. 75.59 காசுகளாகவும், டீசல் லிட்டருக்கு ரூ. 70.59 காசுகளாகவும் விலை நிர்ணயம்

மகளிர் டி20: தொடரைக் கைப்பற்றியது இங்கிலாந்து!

england-women-beat-india-in-second-t20i-to-clinch-series

இந்திய மகளிர் அணிக்கு எதிரான 2 வது டி20 போட்டியில் வெற்றி பெற்ற இங்கிலாந்து மகளிர் அணி தொடரைக் கைப்பற்றியுள்ளது.

இங்கிலாந்து மகளிர் கிரிக்கெட் அணி இந்தியாவில் சுற்றுப்பயணம் செய்து கிரிக்கெட் விளையாடி வருகிறது. ஒரு நாள் தொடரை 1-2 என்ற கணக்கில் இழந்த இங்கிலாந்து அணி, இப்போது 3 போட்டிகள் கொண்ட டி20 ஓவர் தொடரில் ஆடி வருகிறது. 

முதல் போட்டியில் இந்திய மகளிர் அணி 41 ரன் வித்தியாசத்தில் தோல்வியைத் தழுவியது. இந்நிலையில் 2-வது ஒரு நாள் போட்டி கவுகாத்தி யில் இன்று காலை தொடங்கியது. டாஸ் வென்ற இங்கிலாந்து மகளிர் அணி, பந்துவீச்சை தேர்வு செய்தது. அதன்படி இந்திய மகளிர் அணி முத லில் பேட்டிங் செய்தது. நிர்ணயிக்கப்பட்ட 20 ஓவர் முடிவில் இந்திய மகளிர் அணி, 8 விக்கெட் இழப்புக்கு 111 ரன் எடுத்தது.

அதிகப்பட்சமாக மிதாலி ராஜ் 27 பந்துகளை சந்தித்து 20 ரன் எடுத்தார். மற்றவர்கள் யாரும் நிலைத்து நிற்கவில்லை. இங்கிலாந்து மகளிர் அணி தரப்பில் கேத்தரின் ப்ரன்ட் 3 விக்கெட்டையும் லின்ஸே ஸ்மித் 2 விக்கெட்டையும் வீழ்த்தினர்.

பின்னர் பேட் செய்த இங்கிலாந்து அணியில் தொடக்க ஆட்டக்காரர் டேமி பியோமென்ட் 8 ரன்னில் ஆட்டமிழந்தாலும் மற்றொரு தொடக்க ஆட்டக்காரரான டேனியல் வியாட் அபாரமாக ஆடி, அணியை வெற்றிக்கு அழைத்துச் சென்றார். இதனால் அந்த அணி, 19.1 ஓவரிலேயே 5 விக்கெட் இழப்புக்கு 114 ரன் எடுத்து வெற்றி பெற்றது. வியாட் 55 பந்தில் 64 ரன்கள் எடுத்தார். அவருக்கு துணையாக நின்ற லாரன் வின்ஃபீல்ட் 29 ரன்கள் எடுத்தார்.

3 போட்டிகள் கொண்ட இந்த தொடரில் 2-0 என்ற கணக்கில் இங்கிலாந்து மகளிர் அணி தொடரை கைப்பற்றிவிட்டது. மூன்றாவது டி20 போட்டி இதே மைதானத்தில் சனிக்கிழமை நடக்கிறது. 

Advertisement:
இது தொடர்பான செய்திகள் :
Advertisement:
Advertisement:
[X] Close