[X] Close
JUST IN
  • BREAKING-NEWS 2016 தேர்தலில் திருப்பரங்குன்றம் தொகுதியில் அதிமுகவின் ஏ.கே.போஸ் வெற்றி பெற்றது செல்லாது - உயர்நீதிமன்றம்
  • BREAKING-NEWS மக்களவை, சட்டமன்ற இடைத்தேர்தலில் அதிமுக வெற்றி பெற எனது தொண்டர்கள் பாடுபடுவர் - அதிமுகவுக்கு ஜெ.தீபா ஆதரவு
  • BREAKING-NEWS 7 பேர் விடுதலை செய்யப்பட நடவடிக்கை மேற்கொள்ளப்படும் - அமமுகவின் தேர்தல் அறிக்கை
  • BREAKING-NEWS சென்னையில் உள்ள வக்ஃபு வாரிய அலுவலகத்தில் சிபிஐ அதிகாரிகள் சோதனை நடத்திவருகின்றனர்; மதுரை வக்ஃபு வாரிய கல்லூரி ஆசிரியர்கள் நியமன முறைகேடு விவகாரம் தொடர்பாக சிபிஐ விசாரித்து வருகிறது
  • BREAKING-NEWS முன்னாள் கிரிக்கெட் வீரர் கவுதம் காம்பீர் இன்று பாரதிய ஜனதா கட்சியில் இணைந்தார்
  • BREAKING-NEWS திண்டுக்கல் நாடாளுமன்ற தொகுதியில் நாம் தமிழர் கட்சி சார்பில் நடிகர் மன்சூர் அலிகான் போட்டி; வேட்பு மனு தாக்கல் செய்தார்
  • BREAKING-NEWS மதுரை மக்களவை தொகுதி மார்க்சிஸ்ட் வேட்பாளர் சு.வெங்கடேசன் வேட்பு மனு தாக்கல் செய்தார்

ஓய்வு முடிவை மாற்றுகிறார் கிறிஸ் கெய்ல்!

chris-gayle-hints-at-un-retirement-after-six-laden-162

இங்கிலாந்துக்கு எதிரான நான்காவது ஒரு நாள் போட்டியில் 162 ரன் விளாசியதை அடுத்து, தனது ஓய்வு முடிவை மாற்ற இருப்பதாக கிறிஸ் கெய்ல் சூசகமாகத் தெரிவித்துள்ளார். 

இங்கிலாந்து கிரிக்கெட் அணி, வெஸ்ட் இண்டீஸில் சுற்றுப்பயணம் செய்து கிரிக்கெட் விளையாடி வருகிறது. இரு அணிகளுக்கு இடையே, 5 போட்டிகள் கொண்ட ஒரு நாள் போட்டித் தொடர் நடந்து வருகிறது. பிரிட்ஜ்டவுனில் நடந்த முதலாவது போட்டியில், இங்கிலாந்து அணி அபார வெற்றி பெற்றது. இரண்டாவது ஒரு நாள் போட்டியில் வெஸ்ட் இண்டீஸ் அணி, ஹெட்மையரின் சதத்தால் வெற்றி பெற்றது. மூன்றாவது ஒரு நாள் போட்டி மழை காரணமாகக் கைவிடப்பட்டது. 

இந்நிலையில் நான்காவது ஒரு நாள் போட்டியில் முதலில் பேட் செய்த இங்கிலாந்து அணி 6 விக்கெட் இழப்புக்கு 418 ரன்கள் குவித்தது. வெஸ்ட் இண்டீசுக்கு எதிராக இங்கிலாந்து அணியின் சிறப்பான ஸ்கோர் இது. ஒரு நாள் போட்டியில் இங்கிலாந்து அணி, 400 ரன்களை கடப்பது இது 4-வது முறை.

பின், 419 ரன் எடுத்தால் வெற்றி என்ற இமாலய இலக்கை நோக்கி களமிறங்கிய வெஸ்ட் இண்டீஸ் அணி, அதிரடியான ஆட்டத்தை வெளிப்படுத்தியது. ஒரு பக்கம் கிறிஸ் கெய்ல் வெளுத்து வாங்கினாலும் அவருக்குத் துணையாக யாரும் நிலைத்து நிற்காததால் அந்த அணி, 48 ஓவர்களில் 389 ரன்னுக்கு அனைத்து விக்கெட்டையும் இழந்தது.

32 பந்தில் அரை சதம் அடித்த கெய்ல், 55 பந்தில் சதமும் 85 பந்தில் 150 ரன்னும் விளாசினார். அவர் 97 பந்துகளில் 14 சிக்சர், 11 பவுண்டரியுடன் 162 ரன் விளாசினார். இந்த போட்டியின் மூலம் பத்தாயிரம் ரன்களை கடந்த இரண்டாவது வெஸ்ட் இண்டீஸ் வீரர் என்ற மைல்கல்லையும் அவர் எட்டினார். இதற்கு முன் வெஸ்ட் இண்டீஸ் வீரர் பிரையன் லாரா பத்தாயிரம் ரன்னை கடந்திருந்தார்.

இந்நிலையில் 162 ரன் விளாசியதை அடுத்து, தனது ஓய்வு முடிவை மாற்ற இருப்பதாக கிறிஸ் கெய்ல் சூசகமாகத் தெரிவித்துள்ளார். 

அவர் கூறும்போது, ‘’நான் விளையாடிய போட்டிகளில் விறுவிறுப்பாக அமைந்த போட்டி இது. நான் அதிகமாக டி20- போட்டிகளில் விளையாடி விட்டு 50 ஒவர் போட்டிக்கு வந்துள்ளேன். அதனால் கொஞ்சம் கடினம்தான். ஆனால் உடல் 50 ஒவர் கிரிக்கெட்டுக்கு ஏற்றவாறு மாறிவிட்டது. இன்னும் கொஞ்சம் பயிற்சி செய்து உடலை கச்சிதமாக மாற்றி விட்டால், இன்னும் சில காலம் என் ஆட்டத்தைப் பார்க்கலாம். விஷயங்கள் விரைவில் மாறும். என் உடல் இன்னும் 2 மாதங்களில் முழுமையாக ஃபிட் ஆகிவிடும். 10,000 ரன்கள் மைல்கல்லை எட்டியது பெருமையாக இருக்கிறது’’ என்றார்.


 

Advertisement:
Advertisement:
Advertisement:
[X] Close