[X] Close
JUST IN
  • BREAKING-NEWS தமிழகத்தை சகாரா பாலைவனமாக்கும் ஹைட்ரோ கார்பன் திட்டங்களுக்கு அனுமதி தரும் முடிவை பாஜக கைவிட வேண்டும் - மு.க.ஸ்டாலின்
  • BREAKING-NEWS ரூ.6 கோடி சொத்து வரி பாக்கி செலுத்தாததால் மேட்டூர் அனல் மின் நிலையத்துக்கு பேரூராட்சி நிர்வாகம் ஜப்தி எச்சரிக்கை நோட்டீஸ் அனுப்பியது
  • BREAKING-NEWS காஞ்சிபுரம் மாவட்டம் நெம்மேலியில் கடல்நீரை குடிநீராக்கும் 2வது ஆலைக்கு அடிக்கல் நாட்டினார் முதல்வர் பழனிசாமி
  • BREAKING-NEWS சமூக செயற்பாட்டாளர் முகிலன் காணாமல்போன வழக்கில் சிபிசிஐடி விசாரணை சரியான பாதையில் சென்றுகொண்டிருக்கிறது - சென்னை உயர்நீதிமன்றம்

பாய்ந்து பதுங்கிய இந்தியா - ஆஸ்திரேலியாவிற்கு 127 ரன்கள் இலக்கு

india-vs-australia-1st-t20i-127-runs-was-austrlia-target

ஆஸ்திரேலியாவிற்கு எதிரான முதல் டி20 போட்டியில் இந்திய அணி 126 ரன்கள் மட்டுமே எடுத்துள்ளது.

இந்தியா-ஆஸ்திரேலியா இடையேயான முதல் டி20 போட்டி இன்று விசாகப்பட்டினத்தில் உள்ள ஒய்.எஸ். ராஜசேகர ரெட்டி மைதானத்தில் நடைபெற்று வருகிறது. இதில் டாஸ் வென்ற ஆஸ்திரேலிய அணி முதலில் பந்துவீச தீர்மானித்தது. இதையடுத்து களமிறங்கிய இந்திய அணியில் தொடக்க ஆட்டக்காரரான ரோகித் ஷர்மா 5 (8) ரன்கள் மட்டுமே எடுத்து விக்கெட்டை இழந்தார். ஆனால் மற்றொரு வீரரான ராகுல் அதிரடி ஆட்டத்தை வெளிபடுத்தி ரன்களை குவித்தார். அவருடன் ஜோடி சேர்ந்து விளையாடிய கேப்டன் கோலி 24 (17) ரன்களின் விக்கெட்டை பறிகொடுத்தார். இதையடுத்து வந்த ரிஷாப் பண்ட் 3 (5) ரன்கள் மட்டுமே எடுத்து வெளியேற, அடுத்ததாக தோனி வந்தார். 

இதன்பின்னர், அரைசம் சதம் எடுத்த நிலையில் ராகுல் தனது விக்கெட்டை இழக்க, இந்தியா நெருக்கடிக்குள்ளானது. இதையடுத்து அடுத்தடுத்து விக்கெட்டுகள் விழ, இறுதி வரை விளையாடிய தோனி 37 பந்துகளில் 29 ரன்கள் மட்டுமே எடுத்து ரசிகர்களை சூடாக்கினார். இறுதிவரை அவர் பவுண்டரிகள் விளாசாததால் ரசிகர்கள் அதிருப்தி அடைந்தனர். 20 ஓவர்கள் முடிவில் இந்திய அணி 7 விக்கெட் இழப்பிற்கு 126 ரன்கள் மட்டுமே எடுத்தது. ஆஸ்திரேலிய அணியில் நாதன் கட்லர் நைல் 3 விக்கெட்டுகளை கைப்பற்றினார்.

Advertisement:
இது தொடர்பான செய்திகள் :
Advertisement:
Advertisement:

[X] Close