[X] Close
JUST IN
  • BREAKING-NEWS டிடிவி தினகரனுக்கு குக்கர் சின்னம் தர முடியாது என உச்சநீதிமன்றத்தில் தலைமை தேர்தல் ஆணையம் பிரமாணப் பத்திரம் தாக்கல்
  • BREAKING-NEWS நயன்தாரா குறித்து சர்ச்சைக்குரிய வகையில் பேசிய நடிகர் ராதாரவிக்கு தயாரிப்பாளர்கள் சங்கம் கண்டனம்
  • BREAKING-NEWS பயங்கரவாதிகளை வேரோடு, கூண்டோடு அழிக்கக்கூடிய சக்தி நரேந்திர மோடிக்குத்தான் இருக்கிறது - சென்னை ராயபுரத்தில் முதல்வர் பழனிசாமி பரப்புரை
  • BREAKING-NEWS மேற்கு வங்க முதல்வர் மம்தா பானர்ஜியுடன் மக்கள் நீதி மய்யம் கட்சி தலைவர் கமல்ஹாசன் சந்திப்பு
  • BREAKING-NEWS வேட்பு மனுவில் ஓபிஎஸ்-ஈபிஎஸ் கையெழுத்திடுவதற்கு எதிரான வழக்கில் தேதி குறிப்பிடாமல் தீர்ப்பு ஒத்திவைப்பு
  • BREAKING-NEWS சர்ச்சைக்குரிய வகையில் பேசிய நடிகர் ராதாரவியை கட்சியை விட்டு நீக்கிய மு.க.ஸ்டாலினுக்கு நயன்தாரா நன்றி
  • BREAKING-NEWS அமமுகவுக்கு குக்கர் சின்னம் கிடைக்காவிட்டால் வேறு சின்னத்தில் சுயேச்சையாக போட்டியிடுவோம் - டிடிவி தினகரன்

“பாகிஸ்தானை வீழ்த்த வேண்டிய தருணம் இது” - சச்சின்

would-hate-giving-away-2-points-to-pakistan-in-world-cup-2019-sachin-tendulkar-echoes-sunil-gavaskar-s-stand

உலகக் கோப்பை தொடரில் பாகிஸ்தானுடன் விளையாடி அந்நாட்டை தோற்கடிக்க வேண்டிய நேரம் இது என்று சச்சின் டெண்டுல்கர் தெரிவித்துள்ளார். 

புல்வாமா பயங்கரவாத தாக்குதலை அடுத்து, உலகக் கோப்பை தொடரில் இந்திய அணி பாகிஸ்தானுடன் விளையாடக் கூடாது என்று பல்வேறு தரப்பினரும் வலியுறுத்தி வருகின்றனர். ஹர்பஜன் சிங் உள்ளிட்ட வீரர்களும் பாகிஸ்தான் உடனான போட்டியை இந்திய அணி புறக்கணிக்க வேண்டும் என்று வலியுறுத்தியுள்ளனர். 

இந்த விவகாரம் தொடர்பாக ஐசிசி ஆலோசனைக் கூட்டத்தில் கோரிக்கை விடுக்கப்படும் என்று பிசிசிஐ தெரிவித்து இருந்தது. மேலும், சர்வதேச கிரிக்கெட் கவுன்சிலுக்கு பிசிசிஐ எழுதியுள்ள கடிதத்தில், பயங்கரவாதத்தை ஆதரிக்கும் நாடுகளுடன் கிரிக்கெட் விளையாடுவதை பிற நாடுகள் கைவிட வேண்டும் என்று வலியுறுத்தியுள்ளது. 

          

இந்நிலையில், பாகிஸ்தான் உடனான போட்டியில் இந்தியா விளையாட வேண்டும் என்ற கருத்தினை சச்சின் டெண்டுல்கர் தெரிவித்துள்ளார். “உலகக் கோப்பையை பொறுத்தவரை இந்தியா எப்பொழுதும் பாகிஸ்தானை வெற்றி பெற்று வந்துள்ளது. இது பாகிஸ்தானை வீழ்த்த வேண்டிய நேரம். பாகிஸ்தானுக்கு இரண்டு புள்ளிகளை கொடுத்து அந்நாட்டிற்கு உதவுவதை விரும்பவில்லை. என்னைப் பொறுத்தவரை இந்தியாதான் முதன்மையானது. அதனால், நாடு என்ன முடிவு எடுக்கிறதோ, அந்த முடிவிற்கு மனமார கட்டுப்படுவேன்” என்று சச்சின் கூறியுள்ளார். 

முன்னதாக, இந்திய அணியின் முன்னாள் கேப்டன் சுனில் கவாஸ்கரும் இதே கருத்தினை கூறி இருந்தார். “உலகக்கோப்பைப் போட்டியில் பாகிஸ்தானுக்கு எதிராக இந்திய அணி விளையாடினால் இந்தியாதான் வெற்றி பெறும் என்பது அனைவருக்கும் தெரியும். ஆனால், நாம் விளையாடாமல் போனால், பாகிஸ்தான் வெற்றி பெறும். 

           

இதனால் அவர்கள் எளிதில் வாங்கும் இரண்டு புள்ளிகளை விடக்கூடாது. உலகக்கோப்பைப் போட்டியில் இதுவரை ஒவ்வொரு முறையும் பாகிஸ்தானை இந்திய அணி  தோற்கடித்துள்ளது. அதனால் பாகிஸ்தான் அணி போட்டியில் முன்னோக்கிச் செல்லாமல் இருக்க நாம் முட்டுக்கட்டை போட வேண்டும்.

ஆனால், பாகிஸ்தானுடன் விளையாடுவோமா என்ற கேள்விக்கு நான் நாட்டின் பக்கமே நிற்கிறேன். இந்திய அரசு என்ன முடிவு செய்தாலும் அதற்கு கட்டுப்படுகிறேன். நாம் பாகிஸ்தானுடன் விளையாடாவிட்டால் இந்தியாவுக்குதான் இழப்பு” எனத் தெரிவித்து இருந்தார் கவாஸ்கர்.

Advertisement:
இது தொடர்பான செய்திகள் :
Advertisement:
Advertisement:
[X] Close