[X] Close
JUST IN
  • BREAKING-NEWS கனமழை காரணமாக தூத்துக்குடியில் பள்ளிகளுக்கு இன்று விடுமுறை
  • BREAKING-NEWS நாளை முதல் காலவரையற்ற வேலைநிறுத்தம்: ஆவின் பால் டேங்கர் லாரி ஒப்பந்த உரிமையாளர்கள் அறிவிப்பு
  • BREAKING-NEWS கோயம்புத்தூர் - பொள்ளாச்சி உள்ளிட்ட 3 புதிய ரயில் சேவைகள் இன்று அறிமுகம்
  • BREAKING-NEWS இன்று முதல் 4 நாட்களுக்கு தமிழகத்தில் கனமழைக்கு வாய்ப்புள்ளதாக வானிலை மையம் அறிவிப்பு

தேசியக் கொடியை தாங்கிப் பிடித்த தோனி ! - வைரலாகும் வீடியோ

ms-dhoni-ensures-indian-flag-doesn-t-touch-the-ground

மைதானத்துக்குள் வந்து தனது காலில் விழுந்த ரசிகரை தூக்காமல், அவர் கொண்டுவந்த இந்திய தேசிய கொடியை தூக்கிய தோனியின் செயல் சமூகவலைத்தளங்களில் வைரலாகி வருகிறது. 

தன்னுடைய நேர்த்தியான கேப்டன்ஷிப் மற்றும் ஆட்டத்திறனால் இந்திய அணிக்கு பல்வேறு கோப்பைகளை பெற்றுத் தந்திருக்கிறார் தோனி. அவர் காலத்தில் இந்திய அணியில் ஒரு இளம்படையை உருவாக்கினார். பல்வேறு வெற்றிகளை குவித்தார். டெஸ்ட் போட்டியில் இருந்து ஓய்வு பெற்றுவிட்ட தோனி தற்போது ஒருநாள் மற்றும் டி20 போட்டிகளில் மட்டும் விளையாடி வருகிறார். 

தேவையான நேரத்தில் ரன் குவித்தல், கண் இமைக்கும் நேரத்தில் ஸ்டெம்பிங், கடைசி நேர அதிரடி, எதிரே நிற்பவர்களின் அடுத்த நகர்வுகளை சரியாக கணித்தல் என கிரிக்கெட் ரசிகர்களுக்கு தோனி ஒரு காட்ஃபாதராகவே இருந்து வருகிறார். இந்தியா மட்டுமின்றி உலகம் முழுவதும் தோனிக்கு ரசிகர்கள் உண்டு.

இந்நிலையில் இந்தியா - நியூஸிலாந்து இடையேயான மூன்றாவது மற்றும் இறுதி டி20 போட்டி நேற்று நடைபெற்றது. அப்போது காவலர்களையும், பாதுகாப்பு அதிகாரிகளையும் மீறி மைதானத்துக்குள் ரசிகர் ஒருவர் இந்திய தேசிய கொடியுடன் நுழைந்தார். அவர் நேராக கீப்பிங் செய்து கொண்டிருந்த தோனியிடம் ஓடி வந்து காலில் விழுந்து ஆசி பெற முயற்சித்தார்.

அப்போது அவர் கொண்டுவந்த இந்திய தேசியக் கொடியை கீழே போட்டுவிட்டு ஆசி பெற முயன்றார். அப்போது காலில் விழுந்த ரசிகரை தூக்குவதற்கு முன்னதாக கீழே கிடந்த தேசியக்கொடியை முதலில் கையில் எடுத்தார் தோனி . எந்த விதத்திலும் நாட்டின் தேசியக்கொடி அவமதிக்கபட்டுவிடக்கூடாது என தோனி செய்த இச்செயல் சமூக வலைதளங்களில் வைரலாக பரவி ரசிகர்களால் பாராட்டப்பட்டு வருகிறது.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close