[X] Close
JUST IN
  • BREAKING-NEWS மக்களவை தேர்தலையொட்டி சென்னையில் 113 காவல் ஆய்வாளர்களை இடமாற்றம் செய்து ஆணையர் ஏ.கே.விஸ்வநாதன் உத்தரவு
  • BREAKING-NEWS விவசாயிகளுக்கு பட்ஜெட்டில் அறிவித்தபடி ரூ.6ஆயிரம் 3 தவணையாக ரூ.2 ஆயிரம் வீதம் வழங்கப்பட உள்ளது
  • BREAKING-NEWS ஏழை தொழிலாளர்களின் வங்கி கணக்கில் ரூ. 2 ஆயிரம் வழங்கும் திட்டத்தை ஜெயலலிதா பிறந்தநாளான வரும் 24ம் தேதி தொடங்கி வைக்கிறார் முதல்வர் பழனிசாமி
  • BREAKING-NEWS திமுக கூட்டணியில் காங்கிரசுக்கான தொகுதிப்பங்கீடு பற்றி அண்ணா அறிவாலயத்தில் நாளை அறிவிக்கப்படும் - டெல்லியில் கே.எஸ்.அழகிரி பேட்டி
  • BREAKING-NEWS 21 தொகுதி இடைத்தேர்தல்களிலும் அதிமுகவுக்கு பாஜக முழு ஆதரவு அளிப்பதாக தீர்மானம் - பியூஷ் கோயல், துணைமுதல்வர் ஓபிஎஸ் கூட்டாக பேட்டி
  • BREAKING-NEWS 2019 மக்களவை தேர்தலில் அதிமுக-பாஜக கூட்டணி உறுதியானது; அதிமுக கூட்டணியில் பாஜகவுக்கு 5 தொகுதிகள் ஒதுக்கப்பட்டுள்ளன
  • BREAKING-NEWS மக்களவை தேர்தலுக்கான திமுக-காங்கிரஸ் கூட்டணி நாளை அறிவிக்கப்படும் என காங்கிரஸ் கமிட்டியின் மாநில தலைவர் கே.எஸ்.அழகிரி தகவல்

கடைசி டி20 போட்டி: மந்தனா போராட்டம் வீண், இந்திய மகளிர் அணி தோல்வி

new-zealand-women-s-cricket-team-won-another-last-ball-thriller

நியூசிலாந்துக்கு எதிரான கடைசி டி20 போட்டியிலும் இந்திய மகளிர் அணி தோல்வியை தழுவியது. 

இந்திய மகளிர் கிரிக்கெட் அணி, நியூசிலாந்தில் சுற்றுப்பயணம் செய்து கிரிக்கெட் விளையாடி வருகிறது. இரு அணிகளுக்கு இடையிலான ஒரு நாள் தொடரை இந்திய அணி 2-1 என்ற கணக்கில் கைப்பற்றியது. அடுத்து 3 போட்டி கொண்ட டி20 தொடரில், வெலிங்டனில் நடந்த முதல் போட்டியிலும் ஆக்லாந்தில் நடந்த 2 வது போட்டியில் இந்திய அணி தோல்வியை தழுவியது. இந்நிலையில் மூன்றாவது மற்றும் கடைசி ஒரு நாள் போட்டி ஹாமில்டனில் இன்று நடந்தது. 

(மந்தனா)

டாஸ் வென்று முதலில் பேட் செய்த நியூசிலாந்து அணி, நிர்ணயிக்கப்பட்ட 20 ஓவர் முடிவில் 7 விக்கெட் இழப்புக்கு 161 ரன் எடுத்தது. அந்த அணியின் தொடக்க ஆட்டக்காரர் ஷோபி டிவைன் 52 பந்துகளில் 72 ரன் எடுத்தார். கேப்டன் எமி சேட்டர்த்வெயிட் 23 பந்துகளில் 31 ரன் எடுத்தார். பின்னர் 162 ரன் எடுத்தால் வெற்றி என்ற இலக்குடன் இந்திய மகளிர் அணி ஆட்டத்தைத் தொடங்கியது. 

தொடக்க வீராங்கனை புனியா ஒரு ரன்னில் வெளியேற, மற்றொரு தொடக்க வீராங்கனை மந்தனா, பந்தை பல திசைகளிலும் விளாசித் தள்ளினார். அடுத்து வந்த ரோட்ரிகுயஸ் 21 ரன்னிலும் கேப்டன் ஹர்மன்பிரீத் கவுர் 2 ரன்னிலும் வெளியேறினாலும் மந்தனா, சிறப்பான ஆட்டத்தை வெளிப்படுத்தினார். அவர், 62 பந்துகளில் ஒரு சிக்சர், 12 பவுண்டரிகளுடன் 86 ரன் எடுத்திருந்தபோது டிவைன் பந்துவீச்சில் ஆட்டமிழந்தார். அப்போது இந்திய அணி 3 விக்கெட் இழப்புக்கு 125 ரன் எடுத்திருந்தது. அடுத்து மிதாலி ராஜூடன் தீப்தி சர்மா இணைந்தார். 
இருவரும் நிதானமாக ஆடினர். 

(ஷோபி டிவைன்)

கடைசி ஓவரில் இந்திய அணியின் வெற்றிக்கு 16 ரன் தேவை என்ற நிலை. காஸ்பரெக் வீசிய முதல் பந்தை எதிர்கொண்ட மிதாலி ராஜ் பவுண்டரிக்கு அதை விரட்டினார். அடுத்து ஒரு ரன் எடுத்து மறுமுனை வந்தார். அடுத்தடுத்த பந்துகளில் தீப்தி சர்மா ஒரு பவுண்டரி, இரண்டு, ஒன்று என்று எடுக்க கடைசி பந்தில் வெற்றி பெற 4 ரன்கள் தேவைப்பட்டது. ஆனால், அந்த பந்தை எதிர்கொண்ட மிதாலி ராஜால் ஒரு ரன் மட்டுமே எடுக்க முடிந்தது. இதையடுத்து இந்திய மகளிர் அணி தோல்வியை தழுவியது. மிதாலி ராஜ் 24 ரன்களும் தீப்தி சர்மா 21 ரன்களும் எடுத்தனர். 

Advertisement:
Advertisement:
Advertisement:
[X] Close