[X] Close
JUST IN
  • BREAKING-NEWS மக்களவை தேர்தலையொட்டி சென்னையில் 113 காவல் ஆய்வாளர்களை இடமாற்றம் செய்து ஆணையர் ஏ.கே.விஸ்வநாதன் உத்தரவு
  • BREAKING-NEWS விவசாயிகளுக்கு பட்ஜெட்டில் அறிவித்தபடி ரூ.6ஆயிரம் 3 தவணையாக ரூ.2 ஆயிரம் வீதம் வழங்கப்பட உள்ளது
  • BREAKING-NEWS ஏழை தொழிலாளர்களின் வங்கி கணக்கில் ரூ. 2 ஆயிரம் வழங்கும் திட்டத்தை ஜெயலலிதா பிறந்தநாளான வரும் 24ம் தேதி தொடங்கி வைக்கிறார் முதல்வர் பழனிசாமி
  • BREAKING-NEWS திமுக கூட்டணியில் காங்கிரசுக்கான தொகுதிப்பங்கீடு பற்றி அண்ணா அறிவாலயத்தில் நாளை அறிவிக்கப்படும் - டெல்லியில் கே.எஸ்.அழகிரி பேட்டி
  • BREAKING-NEWS 21 தொகுதி இடைத்தேர்தல்களிலும் அதிமுகவுக்கு பாஜக முழு ஆதரவு அளிப்பதாக தீர்மானம் - பியூஷ் கோயல், துணைமுதல்வர் ஓபிஎஸ் கூட்டாக பேட்டி
  • BREAKING-NEWS 2019 மக்களவை தேர்தலில் அதிமுக-பாஜக கூட்டணி உறுதியானது; அதிமுக கூட்டணியில் பாஜகவுக்கு 5 தொகுதிகள் ஒதுக்கப்பட்டுள்ளன
  • BREAKING-NEWS மக்களவை தேர்தலுக்கான திமுக-காங்கிரஸ் கூட்டணி நாளை அறிவிக்கப்படும் என காங்கிரஸ் கமிட்டியின் மாநில தலைவர் கே.எஸ்.அழகிரி தகவல்

ரஞ்சி கோப்பையை 2 வது முறையாக கைப்பற்றியது விதர்பா!

vidarbha-win-second-straight-ranji-trophy-title

ரஞ்சி கோப்பை கிரிக்கெட்டுக்கான இறுதிப் போட்டியில் விதர்பா அணி அபாரமாக வெற்றி பெற்றது. இதையடுத்து இரண்டாவது முறையாக, கோப்பையை கைப்பற்றி சாம்பியன் ஆனது.

ரஞ்சி கோப்பைக்கான இறுதி போட்டியில் நடப்பு சாம்பியன் விதர்பாவும் சவுராஷ்ட்ரா அணியும் மோதின. நாக்பூரில் நடந்த இந்தப் போட்டியில் டாஸ் வென்ற விதர்பா அணி, முதலில் பேட்டிங்கை தேர்வு செய்தது. இதையடுத்து அந்த அணி முதல் இன்னிங்ஸில் 312 ரன் எடுத்தது. அதிகப்பட்சமாக அக்‌ஷய் கர்னேஸ்வர் 73 ரன்களும் அக்‌ஷய் வாட்கர் 45 ரன்களும் எடுத்தனர்.

சவுராஷ்ட்ரா தரப்பில் அந்த அணியின் கேப்டன் உனட்கன்ட் 3 விக்கெட்டும், சகாரியா, மக்வானா தலா 2 விக்கெட்டும் வீழ்த்தினர்.

பின்னர் முதல் இன்னிங்ஸை தொடங்கிய சவுராஷ்ட்ரா அணி, 307 ரன்னுக்கு ஆட்டமிழந்தது. அந்த அணியின் ஸ்நெல் படேல் 102 ரன்னும் உனட்கட் 46 ரன்னும் எடுத்தனர். விதர்பா சார்பில் சர்வாடே 5 விக்கெட்டும் அக்‌ஷய் வாக்கரே 4 விக்கெட்டும் வீழ்த்தினர்.

பின்னர் 2வது இன்னிங்ஸை தொடங்கிய விதர்பா அணி, 200 ரன்னுக்கு அனைத்து விக்கெட்டையும் இழந்தது. சவுராஷ்ட்ரா சார்பில் சுழல் பந்துவீச்சாளர் தர்மேந்திர ஜடேஜா 6 விக்கெட் வீழ்த்தினார்.  

206 ரன் எடுத்தால் வெற்றி என்ற நிலையில் 2-வது இன்னிங்சை ஆடிய சவுராஷ்டிரா அணி தடுமாறியது. 58.4 ஓவர்களில் 127 ரன்னுக்கு அனைத்து விக்கெட்டையும் இழந்து, தோல்வியை தழுவியது. அந்த அணியில் அதிகப்பட்சமாக விஸ்வராஜ் ஜடேஜா மட்டும் 52 ரன் எடுத்தார். மற்றவர்கள் யாரும் நிலைத்து நிற்கவில்லை.


விதர்பா அணி சார்பில், ஆதித்யா சர்வாடே 6 விக்கெட்டும் வாக்கரே 3 விக்கெட்டும் வீழ்த்தினர். ஆதித்யா சர்வாடே, ஆட்ட நாயகனாகத் தேர்வு செய்யப்பட்டார். இதன் மூலம் இரண்டாவது முறையாக ரஞ்சி கோப்பையை கைப்பற்றியுள்ளது விதர்பா அணி. 
 

Advertisement:
Advertisement:
Advertisement:
[X] Close