[X] Close
JUST IN
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

உலகக் கோப்பையில் மிரட்டுவார் பும்ரா: சச்சின் நம்பிக்கை!

bumrah-will-be-a-big-threat-to-the-opposition-in-the-world-cup-sachin

உலகக் கோப்பை போட்டியில், எதிரணிக்கு பெரிய அச்சுறுத்தலாக, வேகப்பந்துவீச்சாளர் பும்ரா இருப்பார் என்று சச்சின் டெண்டுல்கர் தெரிவித்துள்ளார்.

இந்திய கிரிக்கெட் அணியின் வேகப்பந்துவீச்சாளர் பும்ரா. ஆஸ்திரேலியாவில் முதன்முறையாக இந்திய அணி, டெஸ்ட் தொடரை வென்று சாதனை படைத்ததற்கு அவரது பந்து வீச்சும் காரணம். அவர் 4 டெஸ்ட் போட்டிகளில் 21 விக்கெட்டை வீழ்த்தினார். நியூசிலாந்துக்கு எதிரான தொடரில் ஓய்வளிக்கப்பட்டுள்ள நிலையில், இந்தியாவில் சுற்றுப்பயணம் செய்யும் ஆஸ்திரேலிய அணிக்கு எதிரான தொடரில் அவர் பங்கேற்க இருக்கிறார்.

இந்நிலையில், ‘’பும்ராவின் வெற்றி எனக்கு ஆச்சரியமளிக்கவில்லை’’ என்று சச்சின் டெண்டுல்கர் தெரிவித்துள்ளார். அவர் கூறும்போது, ‘’2015-ம் ஆண்டிலேயே அவரது திறமையையும் போராட்டக் குணத்தையும் கண்டிருக்கிறேன்.  கடுமையான பயிற்சிகளை மேற்கொண்டு தன்னை வளர்த்திருக்கிறார். அவர் வெற்றி எனக்கு ஆச்சரியமளிக்கவில்லை. முன்பே தெரிந்தது தான்.

அவரது வித்தியாசமான, பேட்ஸ்மேன்களால் கணிக்க முடியாத பந்துவீச்சு முறையும், தொடர்ந்து விக்கெட் வீழ்த்தும் திறமை யும் அவரை அபாயகரமான பந்துவீச்சாளராக மாற்றியிருக்கிறது. திட்டத்தை எப்படி செயல்படுத்த வேண்டும் என்பது அவருக் குத் தெரியும். உலகக் கோப்பை போட்டியில் எதிரணிக்கு பெரிய அச்சுறுத்தலாக அவர் இருப்பார். அவர் இந்தியாவின் சொத்து’’ என்றார்.

விக்கெட் கீப்பர் பேட்ஸ்மேன், ரிஷாப் பன்டையும் சச்சின் பாராட்டியுள்ளார். ’’சர்வதேச கிரிக்கெட்டில் பயமில்லாமல் அவர் பந்தை எதிர்கொள்ளும் விதம் எனக்குப் பிடித்திருக்கிறது. அவருக்கு சிறந்த எதிர்காலம் இருக்கிறது’’ என்றார். 

Advertisement:
இது தொடர்பான செய்திகள் :
Advertisement:
Advertisement:
[X] Close