[X] Close
JUST IN
  • BREAKING-NEWS ஜெயலலிதாவின் படத்தை சட்டமன்றத்தில் வைக்க எதிர்ப்பு தெரிவித்தவர் விஜயகாந்த் என்பதால் அவருடன் கூட்டணி வைத்தால் தொண்டர்கள் ஏற்கமாட்டார்கள் - டிடிவி தினகரன்
  • BREAKING-NEWS தேமுதிகவோடு தொடர்ந்து பேச்சுவார்த்தையில் ஈடுபட்டு வருகிறோம்; ஓரிரு நாட்களில் கூட்டணி அமையும் - மதுரை விமானநிலையத்தில் துணைமுதல்வர் ஓ.பன்னீர்செல்வம் பேட்டி
  • BREAKING-NEWS மதுரையில் பாஜக, அதிமுக நிர்வாகிகளை சந்திக்கவில்லை - த.மா.கா தலைவர் வாசன் புதிய தலைமுறைக்கு பேட்டி
  • BREAKING-NEWS வரும் நாடாளுமன்ற தேர்தலிலும் பாஜக வெற்றி பெறும் - ராமநாதபுரம் பாஜக பொதுக்கூட்டத்தில் அமித் ஷா பேச்சு
  • BREAKING-NEWS நாடாளுமன்ற தேர்தலில் தேமுதிக சார்பில் போட்டியிட பிப்.24 முதல் விருப்பமனு விநியோகம்
  • BREAKING-NEWS சென்னையில் பெட்ரோல் லிட்டருக்கு ரூ. 74.02 காசுகளாகவும், டீசல் லிட்டருக்கு ரூ. 70.25 காசுகளாகவும் விலை நிர்ணயம்
  • BREAKING-NEWS பயங்கரவாதத்தை ஒடுக்க இந்தியாவுக்கு உதவுவோம்- சவுதி அரேபியா

உஸ்மான் கவாஜா சதம்: இலங்கை அணி வெற்றி பெற 516 ரன் இலக்கு!

khawaja-s-ton-leave-sri-lanka-on-the-ropes

ஆஸ்திரேலியாவுக்கு எதிரான 2-வது டெஸ்ட் போட்டியில், இலங்கை அணி வெற்றி பெற 516 ரன் வெற்றி இலக்கு நிர்ணயிக்கப்பட்டுள்ளது.

இலங்கை கிரிக்கெட் அணி ஆஸ்திரேலியாவில் சுற்றுப்பயணம் செய்து 2 போட்டிகள் கொண்ட டெஸ்ட் தொடரில் பங்கேற் றுள்ளது. பிரிஸ்பேனில் நடந்த முதல் டெஸ்ட் போட்டியில் ஆஸ்திரேலிய அணி வெற்றி பெற்றது. 2-வது மற்றும் கடைசி டெஸ்ட் போட்டி கான்பெராவில் நடந்து வருகிறது.

முதலில் பேட்டிங் செய்த ஆஸ்திரேலிய அணி, முதல் இன்னிங்சில் முதல் நாள் ஆட்ட நேர முடிவில் 4 விக்கெட் இழப்புக்கு 384 ரன்கள் எடுத்திருந்தது. அந்த அணியில் டிராவிஸ் ஹெட் 161 ரன்கள் எடுத்து ஆட்டமிழந்தார். அவருக்கு இது முதல் சதம். தொடக்க ஆட்டக்காரர் ஜோ பர்ன்ஸ் 172 ரன்களுடனும் குர்டிஸ் பேட்டர்சன் 25 ரன்களுடனும் களத்தில் இருந்தனர். பர்ன்ஸ்- டிராவிஸ் ஹெட் ஜோடி 4-வது விக்கெட்டுக்கு 308 ரன்கள் சேர்த்து சாதனை படைத்தது குறிப்பிடத்தக்கது.

இரண்டாவது நாள் ஆட்டம் இன்று தொடங்கியது. சிறப்பாக ஆடிக்கொண்டிருந்த பர்ன்ஸ் 180 ரன்கள் எடுத்திருந்த நிலையில் ரஞ்சிதா பந்துவீச்சில் போல்டானார். பின்னர் கேப்டன் பெய்ன் வந்தார். இருவரும் இணைந்து நிதானமாக ஆடினார். அணியின் ஸ்கோர் 5 விக்கெட்டுக்கு 534 ரன்கள் ஆக இருந்தது.போது, டிக்ளேர் செய்யப்பட்டது. சிறப்பாக ஆடிய குர்திஸ் பேட்டர்சன் தனது முதல் டெஸ்ட் சதத்தை பதிவு செய்தார். அவர் 114 ரன்களும், ஆஸ்திரேலிய கேப்டன் பெய்ன் 45 ரன் எடுத்து ஆட்ட மிழக்காமல் இருந்தனர்.

முதல் இன்னிங்ஸில் ஆஸ்திரேலிய வீரர்கள் 3 பேர் சதம் அடித்துள்ளனர். இலங்கை அணி தரப்பில், விஷ்வா பெர்னாண்டோ 3 விக்கெட்டும், கருணாரத்னே, ரஞ்சிதா தலா ஒரு விக்கெட்டும் எடுத்தனர். 

இதையடுத்து, தனது முதல் இன்னிங்ஸை தொடங்கிய இலங்கை அணி, 215 ரன்னுக்கு அனைத்து விக்கெட்டையும் இழந்தது. காயம் காரணமாக விலகி மருத்துவமனையில் சிகிச்சைப் பெற்று வந்த கருணாரத்னே மீண்டும் வந்து களமிறங்கினார். அவர் மட்டுமே அதிகபட்சமாக 59 ரன் எடுத்தார். மற்றொரு தொடக்க ஆட்டக்காரரான திரிமன்னே 41 ரன் எடுத்தார். மற்றவர்கள் யாரும் நிலைத்து நிற்கவில்லை. இதையடுத்து இரண்டாவது இன்னிங்ஸை தொடங்கிய ஆஸ்திரேலிய அணி, 3 விக்கெட் டுக்கு 196 எடுத்து டிக்ளேர் செய்தது. அந்த அணியின் உஸ்மான் கவாஜா சதம் அடித்தார். டிராவிஸ் ஹெட் 59 ரன்கள் எடுத்தார்.

பின்னர் வெற்றிக்கு 516 ரன் தேவை என்ற நிலையில் இரண்டாவது இன்னிங்ஸை இலங்கை அணி தொடர்ந்தது. மூன்றாம் நாள் ஆட்ட நேர முடிவில் அந்த அணி விக்கெட் இழப்பின்றி 17 ரன் எடுத்துள்ளது.  இன்னும் இரண்டு நாட்கள் இருந்தாலும் ஆஸ்திரேலிய அணிக்கே வெற்றி வாய்ப்பு இருக்கிறது. 
 

Advertisement:
Advertisement:
Advertisement:
[X] Close