[X] Close
JUST IN
  • BREAKING-NEWS ஜெயலலிதாவின் படத்தை சட்டமன்றத்தில் வைக்க எதிர்ப்பு தெரிவித்தவர் விஜயகாந்த் என்பதால் அவருடன் கூட்டணி வைத்தால் தொண்டர்கள் ஏற்கமாட்டார்கள் - டிடிவி தினகரன்
  • BREAKING-NEWS தேமுதிகவோடு தொடர்ந்து பேச்சுவார்த்தையில் ஈடுபட்டு வருகிறோம்; ஓரிரு நாட்களில் கூட்டணி அமையும் - மதுரை விமானநிலையத்தில் துணைமுதல்வர் ஓ.பன்னீர்செல்வம் பேட்டி
  • BREAKING-NEWS மதுரையில் பாஜக, அதிமுக நிர்வாகிகளை சந்திக்கவில்லை - த.மா.கா தலைவர் வாசன் புதிய தலைமுறைக்கு பேட்டி
  • BREAKING-NEWS வரும் நாடாளுமன்ற தேர்தலிலும் பாஜக வெற்றி பெறும் - ராமநாதபுரம் பாஜக பொதுக்கூட்டத்தில் அமித் ஷா பேச்சு
  • BREAKING-NEWS நாடாளுமன்ற தேர்தலில் தேமுதிக சார்பில் போட்டியிட பிப்.24 முதல் விருப்பமனு விநியோகம்
  • BREAKING-NEWS சென்னையில் பெட்ரோல் லிட்டருக்கு ரூ. 74.02 காசுகளாகவும், டீசல் லிட்டருக்கு ரூ. 70.25 காசுகளாகவும் விலை நிர்ணயம்
  • BREAKING-NEWS பயங்கரவாதத்தை ஒடுக்க இந்தியாவுக்கு உதவுவோம்- சவுதி அரேபியா

“பாலியல் தொந்தரவுகளை வெளியே சொல்லுங்கள்”- பி.வி.சிந்து  

people-in-india-talk-of-respect-to-women-but-don-t-practise-it-p-v-sindhu

வெளிநாடுகளில் பெண்களுக்கு அதிக மரியாதை கொடுக்கப்படுவதாகவும் ஆனால் இந்தியாவில் வாய்மொழியில் மட்டுமே உள்ளது. நடைமுறைப்படுத்துவதில்லை எனவும் இந்திய பேட்மிட்டன் வீராங்கனை பி.வி.சிந்து தெரிவித்துள்ளார்.

வேலையிடங்களில் பெண்களுக்கு ஏற்படும் பாலியல் தொந்தரவுகளை எதிர்கொள்வது குறித்து ஹைதராபாத் போலீசார் பாலியல் தொந்தரவு அவுட் என்ற கருத்தரங்கு ஒன்றை நடத்தினர். இதில் இந்திய பேட்மிட்டன் வீராங்கனை பி.வி.சிந்து கலந்து கொண்டு பேசினார்.

அப்போது, “இந்த நிகழ்ச்சியை ஏற்பாடு செய்திருப்பது மிகவும் மகிழ்ச்சி அளிக்கிறது. வெளிநாடுகளில் பெண்களுக்கு அதிக மரியாதை கொடுக்கப்படுகிறது. ஆனால் இந்தியாவில் பெண்களுக்கு மரியாதை கொடுக்கும் பழக்கம் வெறும் வாய்மொழியில் மட்டுமே உள்ளது. பெரும்பாலானோர் கடைபிடிப்பதில்லை.

நான் எல்லோருக்கும் சொல்லிக்கொள்வது என்னவென்றால், மற்றவர்களுக்கு மதிப்பு கொடுங்கள். குறிப்பாக பெண்களுக்கு மரியாதை கொடுங்கள். பெண்கள் வலிமையானவர்கள் என்றும் அவர்களால் எதுவும் முடியும் என்றும் முதலில் பெண்கள் நம்ப வேண்டும். உடலளவிலும் மனதளவிலும் பெண்கள் பாலியல் தொந்தரவுகளை அனுபவித்தால் முதலில் அதை தைரியமாக வெளியே கொண்டு வாருங்கள். இதற்காக வெட்கப்படத் தேவையில்லை. 

மேலும் ஹேஸ்டேக் மீ டூ இயக்கம் பணியிடத்தில் பெண்கள் எதிர்கொள்ளும் பாலியல் ரீதியான துன்புறுத்தல்கள் குறித்த விழிப்புணர்வை ஏற்படுத்தியுள்ளது. இது பெண்கள் மற்றும் ஆண்களுக்கு சமூகப் பொறுப்புகளை உணர்த்தியுள்ளது. பெண்கள் பணிக்குச் செல்லக் கூடாது. வீட்டிலேயே இருக்க வேண்டும் என்ற எண்ணம் முன்பு இருந்தது. ஆனால், தற்போது சமூகம் முற்றிலும் இந்த விஷயத்தில் மாறியுள்ளது.” எனத் தெரிவித்தார்.

Advertisement:
Advertisement:
Advertisement:
[X] Close