[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

“பந்துவீச்சாளர்கள் ஐபிஎல் விளையாடலாமா?” - எதிரெதிர் கருத்தில் தோனி, கும்பளே 

anil-kumble-ms-dhoni-differ-over-resting-bowlers

உலகக் கோப்பை தொடர் வருவதையொட்டி பந்துவீச்சாளர்கள் ஐபிஎல் போட்டிகளில் விளையாடுவது குறித்து முன்னாள் கேப்டன்கள் மகேந்திர சிங் தோனியும், அனில் கும்பளேவும் மாறுபட்ட கருத்தினை கூறியுள்ளனர்.

இந்தியா சிமெண்ட்ஸ் துணைத்தலைவர் மற்றும் முன்னாள் பிசிசிஐ தலைவர் சீனிவாசன் கிரிக்கெட்டில் கடந்து வந்த 50 ஆண்டுகள் பயணத்தை ‘காபி டேபிள் புக்’ என்ற பெயரில் புத்தகமாக நேற்று வெளியிடப்பட்டது. இந்நிகழ்ச்சியில், கபில்தேவ், கும்ளே, சேவாக் உள்ளிட்ட முன்னாள் வீரர்கள் பலரும் கலந்து கொண்டனர். 

           

நிகழ்ச்சியில் பேசிய முன்னாள் கேப்டன்கள் தோனியும், கும்பளேவும் ஐபிஎல் தொடர்களில் பந்துவீச்சாளர்கள் பங்கேற்பது குறித்து மாறுபட்ட கருத்தினை தெரிவித்தனர். கும்பளே பேசுகையில், “உலகக் கோப்பை தொடருக்கு முன்பாக ஐபிஎல் உள்பட ஏராளமான கிரிக்கெட் போட்டிகள் உள்ளன. ஆனால், உலகக் கோப்பை தொடருக்கு பந்துவீச்சாளர்கள் சிறப்பான முறையில் தயாராக வேண்டியது முக்கியமானதாகும். ஐபிஎல் அணிகளின் உரிமையாளர்களுக்கு வீரர்களுக்கு ஓய்வு கொடுக்க வேண்டும் என்ற யோசனை இல்லாமல் இருக்கலாம். ஆனால், நாட்டின் நலனை கருத்தில் கொண்டு, அது கவனத்தில் எடுத்துக் கொள்ளப்பட வேண்டும்” என்றார். 

                

ஆனால், தோனி பேசுகையில், “பந்துவீச்சாளர்கள் காயமில்லாமல் இருப்பது மிகவும் முக்கியமானது. ஆனால், கிரிக்கெட் நிபுணர்கள் என்ன சொல்கிறார்கள், பந்துவீச்சாளர்கள் தொடர்ச்சியாக விளையாடவில்லை என்றால் பயிற்சி இல்லாமல் போய் விடும் என்று சிலர் கூறுகின்றனர். தொடர்ச்சியாக விளையாடினால், ஓய்வில்லாமல் களைப்படைந்துவிடுவார்கள் என்று சிலர் கூறுகின்றனர். ஐபிஎல் போட்டிகளை முறையாக பயன்படுத்தினால், 4 ஓவர்கள் என்பது அவர்களை களைப்படைய செய்யாது. இங்கு முக்கியமானது என்னவென்றால் 4 ஓவர்கள் பந்துவீசிய பின் அவர்கள் என்ன செய்வார்கள் என்பதுதான்?. 

                  

பந்துவீச்சாளர்கள் ஐபிஎல் தொடர் முழுவதையும் விளையாட முடியும். ஆனால், அவர்கள் என்ன சாப்பிடுகிறார்கள்? எப்பொழுது தூங்குகிறார்கள்? எப்பொழுது எழுந்திருக்கிறார்கள் என்பதை சரியாக வைத்துக் கொள்ள வேண்டும். என்னைப் பொருத்தவரை வீரர்களுக்கு ஐபிஎல் தொடர் நல்ல வாய்ப்புதான். மூன்று நாட்களுக்கு ஒரு முறை மூன்றரை மணி நேரம் தான் விளையாடுகிறோம். மற்ற நேரங்களில் ஜிம்களில் செலவிடுகிறோம்” என்று கூறினார். 

                     

இந்திய அணி தற்போது ஆஸ்திரேலியாவில் விளையாடி வருகிறது. ஜனவரி 18ம் தேதிவரை இந்திய அணி ஆஸ்திரேலியாவில் விளையாடும். அதனையடுத்து, ஜனவரி 23ம் தேதி தொடங்கி பிப்ரவரி 10ம் தேதி வரை நியூசிலாந்து நாட்டில் இந்திய அணி சுற்றுப் பயணம் மேற்கொள்கிறது. அடுத்த ஆண்டு மார்ச் 29 தொடங்கி, மே 19 வரை ஐபிஎல் தொடர் நடைபெறவுள்ளது. பின்னர், மே 30ம் தேதி உடனடியாக உலகக் கோப்பை கிரிக்கெட் தொடர் தொடங்குகிறது. ஐபிஎல் தொடருக்கும், உலக் கோப்பை தொடருக்கும் இடையே சுமார் 10 நாட்கள் மட்டுமே இடைவெளி இருக்கும். 

Advertisement:
இது தொடர்பான செய்திகள் :
Advertisement:
Advertisement:
[X] Close