[X] Close
JUST IN
  • BREAKING-NEWS உள்ளாட்சித் தேர்தல் நடந்தால் நான் போட்டியிடுவது பற்றி தலைமைதான் முடிவு எடுக்கும் - உதயநிதி ஸ்டாலின்
  • BREAKING-NEWS சேலம் மாவட்ட முன்னாள் ஆட்சியர் ரோஹிணி மத்திய உயர்கல்வித்துறை துணை செயலாளராக நியமனம்
  • BREAKING-NEWS தமிழக பொதுப்பணித்துறை அதிகாரிகளுடன் முதலமைச்சர் எடப்பாடி பழனிசாமி ஆலோசனை
  • BREAKING-NEWS மகாராஷ்டிரா ஆளுநரை நாளை சந்திக்க சிவசேனா, காங்கிரஸ் உள்ளிட்ட கட்சிகள் முடிவு
  • BREAKING-NEWS உள்ளாட்சித் தேர்தலை நிறுத்த திமுக முயற்சிக்கவில்லை: மு.க.ஸ்டாலின்
  • BREAKING-NEWS ஐஐடியில் தற்கொலை செய்த மாணவி பாத்திமாவின் தந்தை இன்று முதல்வர் பழனிசாமியை சந்தித்து பேச உள்ளதாக தகவல்

விராத் கோலி- டிம் பெய்ன் மோதிக்கொண்டது ஏன்?

umpire-steps-in-as-banter-all-but-turns-into-fracas

இந்திய கிரிக்கெட் கேப்டன் விராத் கோலிக்கும் ஆஸ்திரேலிய கேப்டன் டிம் பெய்னுக்கும் நடந்த மோதல், நடுவரின் எச்சரிக்கையால் முடிவுக்கு வந்தது.

ஆஸ்திரேலிய வீரர்கள் மற்ற அணி வீரர்களை கேலி, கிண்டல் செய்வதில் வல்லவர்கள். பந்தை சேதப்படுத்திய விவகாரத் துக்குப் பிறகு இந்த கிண்டல், கேலி கொஞ்சம் குறைந்திருந்தது. ஆனால், இந்தியாவுக்கு எதிரான 2-வது டெஸ்ட் போட்டி யில் மீண்டும் தங்கள் வேலையை காட்டத் தொடங்கிவிட்டனர்.

பெர்த்தில் நடைபெறும் இந்தப் போட்டியின் 3-வது நாளில் பும்ரா வீசிய பந்து, டிம் பெய்னின் பேட்டை உரசியது போல் விக்கெட் கீப்பர் ரிஷாப் பன்ட் கையில் தஞ்சம் அடைந்தது. உடனே விராத் கோலி அவுட் கேட்டார். நடுவர் வழங்கவில்லை. அப்போது விராத்- டிம் பெய்ன் இடையே வாக்குவாதம் நடந்தது. அது நான்காவது நாளான நேற்றும் தொடர்ந்தது. 

71-வது ஓவரை பும்ரா வீசினார். அப்போது பெய்னின் அருகில் பீல்டர்களை நிறுத்தினார் விராத். உடனே டிம் பெய்ன், விராத் திடம் ஏதோ சொல்ல, இருவருக்கும் வார்த்தை மோதல் மீண்டும் ஏற்பட்டது. ஒரு கட்டத்தில் இருவரும் நேருக்கு நேர் நெருங்கியபடி நின்று கொண்டு மோதலில் ஈடுபட்டனர். அவர்கள் பேசிக்கொண்டது ஸ்டம்பில் பொருத்தப்பட்டி ருந்த மைக்கில் தெளிவாகக் கேட்டது. ’’நீங்கள்தான் நேற்று பொறுமை இல்லாமல் பேசினீர்கள். இன்று அமைதியாக இருக்க முயற்சி செய்யுங்கள்’’ என்றார் பெய்ன்.

இதைக் கண்ட நடுவர் கிறிஸ் கஃபானே தலையிட்டு ‘’போதும். விளையாடுங்கள்’’ என்றார். உடனே, ’’நாங்கள் சும்மா பேசி கொண்டுதான் இருக்கிறோம். சண்டையிடவில்லை’’ என்றார் பெய்ன். பின்னர், ‘’நீங்கள் கேப்டன். மறந்துவிடாதீர்கள்’’ என்றார் நடுவர். பின்னர் விராத் கோலி ஏதோ சொல்லிக்கொண்டே சென்றார். லெக் அம்பயர் தர்மசேனா, அவரை எச்சரித் தார். இதனால் மைதானத்தில் பரபரப்பு நிலவியது.

இதுபற்றி ஆஸ்திரேலிய வேகப்பந்துவீச்சாளர் ஹசல்வுட் கூறும்போது, ‘’இப்படி மோதலில் ஈடுபடுவது ஆரோக்யமான போட்டியை உருவாக்கும். இந்திய வீரர்கள் என்ன தோன்றுகிறதோ, அதை செய்யட்டும். நாங்கள் கட்டுப்பாடுடன் இருக்கி றோம்’’ என்றார். 

முன்னாள் சஞ்சய் மஞ்சரேக்கர் வர்ணனையில் கூறும்போது, "விராத் கோலி தனது கோபத்தை குறைத்துக்கொண்டு விளையாடுவது அவசியம்" என்றார். 

Advertisement:
இது தொடர்பான செய்திகள் :
Advertisement:
Advertisement:
[X] Close