[X] Close
JUST IN
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்

“வம்புக்கு போகமாட்டோம், ஆனால்.. வந்ததை விட மாட்டோம்” - கோலி பளிச் பேட்டி

india-won-t-back-down-if-lines-are-crossed-says-virat-kohli-ahead-of-1st-t20i

இந்திய அணி தானாக எந்த வம்புச் சண்டைக்கு செல்லக் கூடியது அல்ல என்று கேப்டன் விராட் கோலி கூறியுள்ளார்.

இந்திய அணியின் கேப்டன்கள் ஒவ்வொரும் ஒவ்வொரு வகையான குணாதிசயங்களை கொண்டவர்கள். முன்னாள் கேப்டன் மகேந்திர சிங் தோனி மிகவும் அமைதியானவர். வெற்றி, தோல்வி என எல்லா தருணங்களிலும் ஒரே மாதிரியான புன்னகையுடன் கடந்து போவார். 

           

ஆனால், தோனிக்கு முன்னாள் இருந்த சவுரவ் கங்குலி மிகவும் ஆக்ரோஷமானவர். 2002 ஆம் ஆண்டு இங்கிலாந்து ஒருநாள் தொடரின் போது தனது சட்டையை கழற்றி சந்தோஷத்தை வெளிப்படுத்தியதில் இருந்தே அவர் எவ்வளவு ஆக்ரோஷமானவர் என்பதை தெரிந்து கொள்ளலாம். தற்போது, கங்குலியின் வாரிசு போலவே ஒரு ஆக்ரோஷமான கேப்டனாக விராட் கோலி திகழ்ந்து வருகிறார். பேட்டிங், பீல்டிங் என எல்லா தருணங்களிலும் அவர் மிகவும் உக்கிரமாகவே காணப்படுவார். 

          

இந்திய கிரிக்கெட் அணி ஆஸ்திரேலியாவில் சுற்றுப்பயணம் செய்து 3 டி20 தொடர், 4 டெஸ்ட் மற்றும் 3 ஒரு நாள் போட்டிகளில் விளையாடுகிறது. இந்த இரு அணிகளுக்கு இடையிலான முதலாவது டி20 போட்டி பிரிஸ்பேனில் நாளை நடக்கிறது. ஆஸ்திரேலியா புறப்படும் முன்னர் கேப்டன் விராட் கோலி மற்றும் தலைமை பயிற்சியாளர் ரவி சாஸ்திரி செய்தியாளர்களை சந்தித்தனர். அப்போது, தன்னுடைய ஆக்ரோஷமான குணத்தை குறித்து விரிவாக பேசினார்.

விராட் பேசுகையில், “வம்புச் சண்டை என்பது ஆடுகளத்தில் சூழ்நிலை எப்படி உள்ளது என்பதை பொருத்துதான் அமையும். எதிர் தரப்பினர் உங்களிடம் வம்புச் சண்டைக்கு வந்தால், அதற்கு நீங்கள் பதிலடி கொடுக்க வேண்டும். இந்திய அணி வம்புச் சண்டைகளை இழுக்கும் அணி கிடையாது. நம்முடைய சுயமரியாதைக்கு என்று ஒரு அளவுகோல் உள்ளது. அந்த எல்லையை யாராவது தாண்டினால், நாம் எதிர்த்து நிற்க வேண்டும்.

             

என்னை பொருத்தவரை ஆக்ரோஷம் என்பது வெற்றி பெருவதற்காக விளையாடுவது. ஒருவித கருத்துவெறி. அது ஒவ்வொரு பந்தினையும் என்னுடைய அணியின் வெற்றிக்கானதாக மாற்ற வேண்டும். ஆக்ரோஷம் என்பதற்கு ஒவ்வொருவருக்கும்  தனித்தனி அர்த்தங்கள் உண்டு. என்னைப் பொருத்தவரை எப்படியாவது வெற்றி பெற வேண்டும். பீல்டிங் செய்தாலும், மற்றவர்களுக்காக கை தட்டினாலும், வெளியே அமர்ந்திருந்தாலும், பேட்டிங், ரன்னிங் என எதுவாக இருந்தாலும், அதற்காக 120 சதவீதம் பங்களிப்பு செலுத்துவேன்” என்றார். 

Advertisement:
Advertisement:
Advertisement:
[X] Close