[X] Close
JUST IN
  • BREAKING-NEWS மறைமுகத் தேர்தல் முறை மூலம் சர்வாதிகார முறையில் தேர்தல் நடத்த அரசு முயன்றுள்ளது - மு.க.ஸ்டாலின்
  • BREAKING-NEWS மேயர் பதவிக்கு மறைமுகமாக தேர்தல் நடத்துவது ஜனநாயகத்திற்கு விரோதமானது - கே.எஸ்.அழகிரி
  • BREAKING-NEWS மறைமுகத் தேர்தல் என்பது சட்டத்திற்கு உட்பட்டதே; மறைமுகத் தேர்தலுக்கு அவசரச் சட்டம் பிறப்பித்தது வியூகம் என்பது அல்ல - அமைச்சர் ஜெயக்குமார்
  • BREAKING-NEWS எங்களுடைய செயல்பாட்டை ஏற்றுக்கொண்டு பாஜக கூட்டணிக்கு ரஜினியும், கமலும் வரலாம் - பொன்.ராதாகிருஷ்ணன்
  • BREAKING-NEWS மேயர், நகராட்சி, பேரூராட்சி தலைவர் பதவிகளுக்கு மறைமுக தேர்தல் நடத்துவதற்கான அவசரச் சட்டத்தை பிறப்பித்தது தமிழக அரசு
  • BREAKING-NEWS இலங்கை கடற்படையால் தமிழக மீனவர்கள் தாக்கப்படுவதும், கைது செய்யபப்டுவதும் இந்தாண்டு அதிகரித்துள்ளது - வெளியுறவுத்துறை அமைச்சகம்
  • BREAKING-NEWS மகாராஷ்டிராவில் சிவசேனாவுடன் இணைந்து கூட்டணி ஆட்சி அமைப்பதற்கு சோனியா காந்தி ஒப்புதல் எனத் தகவல்

‘கோலிக்கு அறிவுரையா?’ அந்த செய்தி பொய் - பிசிசிஐ விளக்கம்

bcci-issues-statement-on-false-media-report-about-virat-kohli

இந்திய கேப்டன் விராட் கோலியை பொறுமையை கடைபிடிக்குமாறு பிசிசிஐ அதிகாரி ஒருவர் அறிவுரை கூறியதாக பரவிய செய்தி பொய் என பிசிசிஐ விளக்கமளித்துள்ளது.

இந்திய கேப்டன் விராட் கோலியின் கோபங்கள் அவ்வப்போது சர்ச்சையை ஏற்படுத்தி வருகிறது. வெஸ்ட் இண்டீஸ் அணிக்கு எதிரான தொடருக்கு முன்பு, இங்கிலாந்து மற்றும் தென்னாப்பிரிக்காவுடன் இந்திய அணி விளையாடிய போது, செய்தியாளர்களிடம் கோலி சற்று கடினமாக பேசியிருந்தார். இந்த விவகாரம் அவருக்கு எதிரான சர்ச்சையை கிளப்பியது. இதைத்தொடர்ந்து அண்மையில், இந்திய வீரர்களின் பேட்டிங்கை விட வெளிநாட்டு வீரர்கள் பேட்டிங்கை ரசிப்பதாக ஒரு கிரிக்கெட் ரசிகர் ட்விட்டரில் தெரிவித்திருந்தார்.

பிறந்த நாள் அன்று அந்த ட்வீட்டை கண்ட கோலி, இந்திய பேட்ஸ்மேன்களின் விளையாட்டை பிடிக்காதவர்கள் நாட்டை விட்டு வெளியேறுங்கள் என கோபமாக தெரிவித்திருந்தார். இதற்கு எதிர்ப்புகளும், விமர்சனங்களும் கிளம்ப, தான் அந்த கருத்தை எதிர்க்கவில்லை என்றும், இந்திய பேட்ஸ்மேன்களை இழிவுபடுத்தியதை மட்டுமே தான் எதிர்த்ததாகவும் கோலி விளக்கமளித்திருந்தார். கோலியின் அந்த கருத்துக்கு பிசிசிஐ அப்போது அதிருப்தி தெரிவித்திருந்தது.

இந்நிலையில் ரசிகர்கள், எதிரணி வீரர்கள் மற்றும் செய்தியாளர்களிடையே பொறுமையாகவும், பணிவுடனும் நடந்துகொள்ள வேண்டும் என, விராட் கோலிக்கு பிசிசிஐ உயர் அதிகாரி ஒருவர் அறிவுரை வழங்கியதா நேற்று செய்தி பரவியது. இந்த செய்தி தொடர்பாக விளக்கமளித்துள்ள பிசிசிஐ, அந்த தகவல் பொய்யானது என தெரிவித்துள்ளது. மேலும் கோலிக்கு அறிவுரை வழங்கியதாக பிசிசிஐ அதிகாரப்பூர்வமாக எந்த தகவலையும் வெளியிடவில்லை என்றும், போலியான் தகவலை நம்ப வேண்டாம் எனவும் கேட்டுக்கொண்டுள்ளது. 

Advertisement:
Advertisement:
Advertisement:
[X] Close