[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

ரோகித், விராத் கோலியை முந்தினார் மிதாலி ராஜ்!

mithali-raj-surpassing-virat-kohli-rohit-sharma

டி20 போட்டியில், அதிக ரன் குவித்த இந்தியர்கள் பட்டியலில் இந்திய மகளிர் கிரிக்கெட் அணி வீராங்கனை மிதாலி ராஜ் முதலிடம் பிடித்துள்ளார். 

மகளிர் டி20 உலக கோப்பை கிரிக்கெட் போட்டி, வெஸ்ட் இண்டீசில் நடந்து வருகிறது. இதில், பி பிரிவில் இடம் பெற்றுள்ள இந்திய அணி முதல் ஆட்டத்தில் நியூசிலாந்து அணியை 34 ரன்கள் வித்தியாசத்தில் வீழ்த்தியது. இந்தப் போட்டியில் இந்திய அணி கேப்டன் ஹர்மன்பிரீத் கவுர், சதம் விளாசி சாதனை படைத்திருந்தார். இரண்டாவது போட்டியில் பாகிஸ்தானை 7 விக்கெட் வித்தியாசத்தில் இந்திய அணி தோற்கடித்தது. மிதாலி ராஜ் 56 ரன்கள் விளாசி வெற்றியில் முக்கிய பங்கு வகித்திருந்தார். 

இந்நிலையில் இந்திய அணி தனது 3-வது ஆட்டத்தில் அயர்லாந்தை நேற்று எதிர்கொண்டது. முதலில் பேட்டிங் செய்த இந்திய அணி, 6 விக்கெட் இழப்புக்கு 145 ரன்கள் குவித்தது. மிதாலி ராஜ் 51 ரன்கள் எடுத்தார். பின்னர் களமிறங்கிய அயர்லாந்து அணி, 20 ஓவர் முடிவில் 8 விக்கெட் இழப்புக்கு 93 ரன்கள் மட்டுமே எடுத்து தோல்வியை தழுவியது. இதையடுத்து தொடர்ந்து மூன்று போட்டிகளில் வெற்றி பெற்ற இந்திய அணி, அரை இறுதிக்கு முன்னேறியுள்ளது. 

இந்நிலையில் டி20 போட்டியில், அதிக ரன் குவித்த இந்திய வீரர்கள் பட்டியலில் மிதாலி ராஜ் முதலிடம் பிடித்துள்ளார். இந்திய வீரர்கள் ரோகித் சர்மா, விராத் கோலி, தோனி ஆகியோரை விட அதிக ரன் குவித்து அவர் முன்னணியில் இருக்கிறார். மிதாலி ராஜ், 2,283 ரன்கள் எடுத்துள்ளார். 

வெஸ்ட் இண்டீஸ் அணிக்கு எதிராக நடந்த போட்டியில் இந்திய அணியின் தொடக்க ஆட்டக்காரர் ரோகித் சர்மா, டி20 அதிக ரன் குவித்த இந்திய வீரர் என்ற சாதனையை படைத்திருந்தார். அவர் 2207 ரன்கள் எடுத்திருந்தார். அதை மிதாலி ராஜ் இப்போது முறியடித்துள்ளார்.
இதையடுத்து அவருக்கு பாராட்டுகள் குவிந்து வருகிறது. 

Advertisement:
Advertisement:
Advertisement:
[X] Close