[X] Close
JUST IN
  • BREAKING-NEWS டெல்லியில் ஐக்கிய முற்போக்கு கூட்டணி தலைவர் சோனியா காந்தியை பகுஜன் சமாஜ் கட்சியின் மாயாவதி நாளை சந்திக்கவுள்ளதாக தகவல்
  • BREAKING-NEWS டெல்லியில் காங்கிரஸ் தலைவர் ராகுல் காந்தியுடன் ஆந்திர முதல்வர் சந்திரபாபு நாயுடு மீண்டும் ஆலோசனை
  • BREAKING-NEWS கேதார்நாத்தில் வழிபட்டதை நான் அதிர்ஷ்டமாக நினைக்கிறேன்; எனக்கும் கேதார்நாத்துக்கும் ஒரு உணர்வுப்பூர்வமான உறவு உள்ளது - பிரதமர் மோடி
  • BREAKING-NEWS சூலூர்: கருமத்தம்பட்டியில் வேறு வாக்குப்பதிவு இயந்திரம் கொண்டுவரப்பட்டு தாமதமாக வாக்குப்பதிவு தொடக்கம்; வாக்குப்பதிவு இயந்திரத்தில் ஏற்பட்ட கோளாறினால் வாக்குப்பதிவு தொடங்காமல் இருந்தது
  • BREAKING-NEWS 7ம் கட்ட மக்களவை தேர்தல் - பீகார் முதல்வர் நிதீஷ் குமார் பாட்னாவில் வாக்களித்தார்
  • BREAKING-NEWS இறுதிக்கட்ட மக்களவை தேர்தலில் உத்தரப்பிரதேச முதல்வர் யோகி ஆதித்யநாத் கோரக்பூரில் வாக்களித்தார்
  • BREAKING-NEWS மக்களவை தேர்தலுக்கான இறுதிக்கட்ட வாக்குப்பதிவு தொடங்கியது. இந்த 7 ஆம் கட்ட வாக்குப்பதிவு 8 மாநிலங்களில் உள்ள 59 தொகுதிகளில் நடைபெறுகிறது

பாகிஸ்தானுக்கு காஷ்மீர் தேவையில்லை - ஷகித் அஃப்ரிதி

shahid-afridi-lesson-to-pm-imran-khan-pakistan-doesnt-need-kashmir-it-cant-even-handle-its-4-provinces

காஷ்மீர் பாகிஸ்தானுக்கும் தேவையில்லை, இந்தியாவுக்கும் தேவையில்லை என்று அந்நாட்டு கிரிக்கெட் அணியின் முன்னாள் கேப்டன் ஷகிப் அஃப்ரிதி கூறியுள்ளார்.

1947 ஆம் ஆண்டு இந்தியா, பாகிஸ்தான் பிரிட்டீஷ்  ஆட்சியில் இருந்து சுதந்திரம் பெற்றது முதலே இருநாடுகளிடையே பிரச்னையாக இருந்து காஷ்மீர் வருகிறது. காஷ்மீர் எல்லையில் உள்ள சர்வதேச எல்லைக் கோட்டுப் பகுதியில் தொடர்ச்சியாக துப்பாக்கிச் சண்டைகள் நடைபெற்ற வண்ணம் உள்ளன. இந்தச் சண்டைகளில், இந்தியா, பாகிஸ்தான் தரப்பில் ராணுவ வீரர்களும் காஷ்மீர் பொதுமக்களும் என இதுவரை ஏராளமானோர் உயிரிழந்துள்ளனர்.

காஷ்மீர் பிரச்னையை பேச்சுவார்த்தை மூலம் தீர்க்கலாம் என்று இருநாட்டு தரப்பிலும் தெரிவித்து வருகின்றன. ஆனால், முறையான பேச்சுவார்த்தைகள் இதுவரை நடத்தி முடிக்கப்படவில்லை. துப்பாக்கிச் சூடு சம்பவங்களால் தொடர்ச்சியாக பேச்சுவார்த்தைக்கான நடவடிக்கைகள் தள்ளிப் போய்க் கொண்டே இருக்கின்றன. இருப்பினும், காஷ்மீரை இருநாட்டு தரப்பிலும் சொந்தம் கொண்டாடி வருகின்றனர்.

              

இந்நிலையில், “பாகிஸ்தானுக்கு காஷ்மீர் தேவையில்லை. பாகிஸ்தானால் தன்னுடைய நான்கு மாகாணங்களையே நிர்வகிக்க முடியவில்லை” என்றும் ஷகித் அஃப்ரிதி கூறியுள்ளார். லண்டனில் செய்தியாளர்கள் சந்திப்பில் பேசிய அவர், “காஷ்மீரை இந்தியாவிடமும் கொடுக்காதீர்கள். காஷ்மீர் ஒரு தனி நாடாக இருக்கட்டும். அங்கு வாழ்ந்து கொண்டிருக்கும் மக்கள் சாகக் கூடாது. மனிதநேயம் அங்கு நிலைத்திருக்க வேண்டும். மக்கள் காஷ்மீரில் கொல்லப்பட்டுக் கொண்டிருப்பது பார்ப்பதற்கு வருத்தமாக உள்ளது” என்றார். 

இப்படி அஃப்ரிதி சர்ச்சைக்குரிய கருத்துக்களை தெரிவிப்பது இது முதல்முறை அல்ல. கடந்த ஏப்ரல் மாதமும், காஷ்மீரில் அப்பாவி மக்கள் அரசு படைகளால் சுட்டுக் கொல்லப்படுவது கவலை அளிப்பதாகவும், ஐ.நா இதில் தலையிட வேண்டும் என்றும் தனது ட்விட்டர் பக்கத்தில் கருத்து தெரிவித்து இருந்தார்.  

         

அதற்கு முன்பாக 2016 ஆம் ஆண்டில், ‘காஷ்மீர் கிரிக்கெட் ரசிகர்கள் பலர்  பாகிஸ்தான் கிரிக்கெட் வீரர்களுக்கு ஆதரவு தெரிவிக்கிறார்கள்’ என்றும் கூறியிருந்தார்.  

Advertisement:
இது தொடர்பான செய்திகள் :
Advertisement:
Advertisement:
[X] Close