[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.99 காசுகளாகவும், டீசல் லிட்டருக்கு ரூ. 69.62 காசுகளாகவும் விலை நிர்ணயம்
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்

பவுன்சர் பந்து தாக்கி பாக். வீரர் இமாம் உல் ஹக் படுகாயம்!

imam-ul-haq-s-scans-clear-after-helmet-blow

நியூசிலாந்து வேகப்பந்துவீச்சாளர் வீசிய பவுன்சர் பந்து தாக்கியதில் பாகிஸ்தான் வீரர் இமாம் உல் ஹக் படுகாயமடைந்தார்.

பாகிஸ்தான் - நியூசிலாந்து அணிகளுக்கு இடையிலான கிரிக்கெட் போட்டி ஐக்கிய அரபு எமிரேட்ஸில் நடந்து வருகிறது. இரு அணிகளுக்கு இடையிலான 3 போட்டிகள் கொண்ட டி20 தொடரை பாகிஸ்தான் அணி கைப்பற்றியது. இதையடுத்து ஒரு நாள் போட்டித் தொடரில் இரு அணிகளும் மோதுகின்றன. முதலாவது ஒரு நாள் போட்டியில் நியூசிலாந்து அணி வெற்றி பெற்றது. இரண்டாவது ஒரு நாள் போட்டி அபுதாபியில் நேற்று நடந்தது. 

முதலில் ஆடிய நியூசிலாந்து அணி, 50 ஓவர் முடிவில் 9 விக்கெட் இழப்புக்கு 209 ரன் எடுத்தது. அந்த அணியின் ராஸ் டெய்லர் 86 ரன்கள் எடுத்து ஆட்டமிழக்காமல் இருந்தார். நிக்கோலஸ் 33 ரன் எடுத்தார். மற்றவர்கள் அதிக ரன் சேர்க்கவில்லை. பாகிஸ்தான் தரப்பில் ஷகீன் ஷா அபிரிதி 4 விக்கெட்டும் ஹசன் அலி 2 விக்கெட்டும் வீழ்த்தினர்.

பின்னர் களமிறங்கிய பாகிஸ்தான் அணி 40.3 ஓவர்களில் 4 விக்கெட் இழப்புக்கு 212 ரன்கள் எடுத்து வெற்றி பெற்றது. பஹர் ஜமான் 88 ரன்களும் பாபர் ஆஸம் 46 ரன்களும் எடுத்தனர்.
இந்த போட்டியின் போது தொடக்க ஆட்டக்காரர் இமாம் உல் ஹக் 16 ரன்னில் ஆடிக்கொண்டிருந்த போது, 13 வது ஓவரை வீசினார் நியூசிலாந்து வேகப்பந்துவீச்சாளர் லாக்கி பெர்குசன். 

இவரது பவுன்சர் பந்து இமாமின் ஹெல்மெட்டில் பலமாகத் தாக்கியது. இதில் நிலைகுலைந்த அவர் ஹெல்மெட்டை கழற்றி வைத்துவிட்டு தரையில் படுத்தார். அவருடன் ஆடிக்கொண்டிருந்த பஹார் ஜமானும் நியூசிலாந்து கேப்டன் கனே வில்லியம்சனும் அவருக்கு உதவினர். அவரால் எழுந்து கொள்ள முடியவில்லை.

உடனடியாக அங்கு டாக்டர்கள் வரவழைக்கப்பட்டனர். அவரை பரிசோதித்த அவர்கள், பின்னர் ஆம்புலன்ஸில் மருத்துவமனைக்கு அழைத்துச் சென்றனர். அவருக்கு ஸ்கேன் செய்து பார்க்கப்பட்டது. அவர் நலமாக இருப்பதாக பாகிஸ்தான் கிரிக்கெட் வாரியம் தெரிவித்துள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close