[X] Close
JUST IN
  • BREAKING-NEWS மறைந்த மத்திய அமைச்சர் அனந்த்குமாரின் தொகுதியான தெற்கு பெங்களூரு காலியாக உள்ளதாக தேர்தல் ஆணையம் அறிவிப்பு
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை
  • BREAKING-NEWS சென்னையில் பெட்ரோல் லிட்டருக்கு ரூ.79.31 காசுகளாகவும், டீசல் லிட்டருக்கு ரூ.75.31 காசுகளாகவும் விலை நிர்ணயம்
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை

“என்னது; பும்ரா ஐபிஎல் விளையாடக்கூடாதா..?” - கோலியை எதிர்த்த ரோகித் ஷர்மா

virat-kohli-wants-pacers-to-miss-ipl-2019-rohit-sharma-opposes-the-idea

இந்திய வேகப்பந்து வீச்சாளர் ஐபிஎல் போட்டிகளில் பும்ரா ஓய்வெடுக்க வேண்டுமென்ற கேப்டன் கோலியின் கோரிக்கையை துணைக் கேப்டன் ரோகித் ஷர்மா எதிர்த்துள்ளார்.

2019ஆம் ஆண்டு ஐபிஎல் போட்டிகளுக்கான வீரர்களின் பேரம் தற்போதே தொடங்கிவிட்டது. அதற்கான தகவல்களும் அவ்வப்போது கசிந்து வருகிறது. ஐபிஎல் போட்டிகள் என்பது சுமார் 50 நாட்கள் நடைபெறும். ஒவ்வொரு 16 போட்டிகள் விளையாடிய பின்னர் அரையுறுதி, இறுதிப்போட்டி என மேலும் சில போட்டிகளில் விளையாடும். இந்தப் போட்டிகள் பேட்ஸ்மேன்களை உருவாக்கும் போட்டிகளாக அமையும். அதேநேரம் சிறந்த பந்துவீச்சளார்களின் பந்துகளைப் பேட்ஸ்மேன்கள் அடித்து நொறுக்கும் அளவிற்கு ஐபிஎல் பழக்கபடுத்திவிடும். அதுமட்டுமின்றி ஐபிஎல் விளையாடும் வீரர்கள் தொடர் போட்டிகளால் களைத்துவிடுவார்கள். 

இதனால் அவர்களுக்கு சில வாரங்கள் ஓய்வு தேவைப்படும். 2019ஆம் ஆண்டு ஐபிஎல் போட்டிகள் மார்ச் மாதம் தொடங்கி ஏப்ரல் இறுதியில் முடிவடையவுள்ளது. அதேசமயம் மே மாதம் 2019ஆம் ஆண்டு உலகக் கோப்பை போட்டிகள் தொடங்கவுள்ளது. இதனால் இந்தியாவின் வேகப் பந்துவீச்சாளர்கள் 2019ஆம் ஆண்டு ஐபிஎல் போட்டிகளில் ஓய்வெடுக்க வேண்டும் என பிசிசிஐ-யிடம் கோரிக்கை வைத்துள்ளார். குறிப்பாக பும்ரா மற்றும் புவனேஷ்குமார் ஐபிஎல்-ஐ தவிர்க்க வேண்டும் என அவர் கேட்டுக்கொண்டுள்ளார். 

இந்நிலையில் கோலியின் கோரிக்கைக்கு ரோகித் ஷர்மா எதிர்ப்பு தெரிவித்துள்ளார். ஏனென்றால் ஐபிஎல் என்பது கிரிக்கெட் வீரர்களுக்கு பணத்தை வாரிக்கொடுக்கும் போட்டியாக உள்ளது. இதில் ரோகித் ஷர்மா மும்பை இந்தியன்ஸ் அணியின் கேப்டனாக உள்ளார். அவரது அணியில் உள்ள முக்கிய பந்துவீச்சாளர் பும்ரா. அவரை விளையாட வேண்டாம் என்று கோலி கூறியிருப்பதால், தற்போது ரோகித் அதிருப்தி தெரிவித்துள்ளார். 

அத்துடன், “மும்பை இந்தியன்ஸ் அரை இறுதியிலோ அல்லது இறுதிப் போட்டிக்கோ சென்றால் பும்ரா பந்துவீச்சு முக்கியமானது. அந்த நேரத்தில் நான் அவருக்கு ஓய்வளிக்க முடியாது” என ரோகித் தெரிவித்துள்ளார். இந்தியாவின் கேப்டனும், துணைக் கேப்டனுமான கோலி மற்றும் ரோகித் இடையே ஏற்பட்டுள்ள இந்தக் கருத்து மோதல், கிரிக்கெட் வட்டாரத்தில் பரபரப்பை ஏற்படுத்தியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close