[X] Close
JUST IN
  • BREAKING-NEWS தொழில்நுட்ப கோளாறு காரணமாக, கடந்தவாரம் நிறுத்தப்பட்ட சந்திரயான்-2 விண்கலம் இன்று பிற்பகல் விண்ணில் ஏவப்படுகிறது
  • BREAKING-NEWS விளம்பரத்திற்காக இல்லாமல் சமூக பணி பண்ணலாம். நிஜ வாழ்வில் 4 பேருக்காவது பயன்படும்படி இருப்பேன் - நடிகர் சூர்யா
  • BREAKING-NEWS இந்தோனேஷியா ஓபன் பேட்மிண்டன்: வெள்ளிப்பதக்கம் வென்றார் சிந்து
  • BREAKING-NEWS ''அதிமுகவின் உண்மையான தொண்டர்கள் திமுகவில் இணைய வேண்டும்'' - திமுக தலைவர் ஸ்டாலின்

இந்திய அணி வீரர்களுக்கு மாட்டிறைச்சி வேண்டாம் - பிசிசிஐ

bcci-asks-cricket-australia-to-remove-beef-from-indian-team-s-menu

ஆஸ்திரேலியாவில் சுற்றுப்பயணம் மேற்கொள்ளும் இந்திய அணியின் உணவுப்பட்டியலில் மாட்டிறைச்சியை நீக்க அந்நாட்டு கிரிக்கெட் வாரியத்திடம் பிசிசிஐ கேட்டுக்கொண்டுள்ளது. 

இந்திய கிரிக்கெட் அணி தற்போது வெஸ்ட் இண்டீஸுக்கு எதிராக விளையாடி வருகிறது. டெஸ்ட் மற்றும் ஒருநாள் போட்டிகள் முடிவடைந்துள்ள நிலையில் அடுத்ததாக டி20 போட்டிகள் தொடங்க உள்ளன. அடுத்ததாக ஆஸ்திரேலியா செல்லும் இந்திய அணி நான்கு டெஸ்ட் போட்டிகள், 3 ஒருநாள் போட்டிகள், மூன்று டி 20 கொண்ட தொடரில் விளையாட உள்ளது. இந்நிலையில் இந்திய அணியின் உணவுப்பட்டியலில் மாட்டிறைச்சியை நீக்க ஆஸ்திரேலிய கிரிக்கெட் வாரியத்திடம் பிசிசிஐ கேட்டுக்கொண்டுள்ளது. கடந்த ஆகஸ்ட் மாதம் இந்திய அணி இங்கிலாந்தில் சுற்றுப்பயணம் மேற்கொண்டது. அப்போது லண்டன் லார்ட்ஸ் மைதானத்தில் நடைபெற்ற போட்டியின் போது வீரர்களுக்கு வழங்கப்படும் உணவுப்பட்டியலை பிசிசிஐ வெளியிட, அந்த பட்டியலில் மாட்டிறைச்சி பாஸ்தா இடம்பெற்றிருந்தது. 

இந்த உணவுப்பட்டியலை பிசிசிஐ தனது ட்விட்டர் பக்கத்தில் வெளியிட பல்வேறு விமர்சனங்களுக்கு வழிவகுத்தது. இந்த நிலையில் இந்திய அணி ஆஸ்திரேலியாவில் சுற்றுப்பயணம் மேற்கொள்ளவுள்ளது. இந்த சுற்றுப்பயணத்தின் போது இந்திய வீரர்களுக்கு வழங்கப்படும் உணவுகளில் மாட்டிறைச்சியை தவிர்க்குமாறு ஆஸ்திரேலிய கிரிக்கெட் வாரியத்திடம் கேட்டுக்கொள்ளப்பட்டுள்ளது. ஆஸ்திரேலிய தட்பவெப்பத்தில் மாட்டிறைச்சி உணவு என்பது உடல் உபாதைகளுக்கு வழிவகுக்கும் என்பதால் உணவுப்பட்டியலில் இருந்து நீக்க வலியுறுத்தப்பட்டுள்ளதாக பிசிசிஐ அதிகாரிகள் தெரிவித்துள்ளனர்.

இந்திய கிரிக்கெட் வீரர்கள் தங்களது உணவுக்கட்டுப்பாட்டில் தீவிரம் காட்டி வருவதாகவும், சைவம் மற்றும் பழங்களை எடுத்துக்கொள்ளவே அதிகம் விரும்புகின்றனர் என்பதாலும் அதனை கருத்தில் கொண்டு உணவுப்பட்டியலில் சில மாற்றங்கள் செய்யப்பட்டுள்ளதாகவும் கூறப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close