[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.85 காசுகளாகவும், டீசல் லிட்டருக்கு ரூ. 69.41 காசுகளாகவும் விலை நிர்ணயம்
  • BREAKING-NEWS கோடநாடு விவகாரத்தில் தொடர்புடைய கூலிப்படையினருக்கு திமுகவை சேர்ந்த வழக்கறிஞர்கள் உதவுகின்றனர் - முதல்வர் பழனிசாமி
  • BREAKING-NEWS ஸ்டாலின் கனவில் வேண்டுமானால் முதலமைச்சராகலாம், எந்தக்காலத்திலும் முதல்வராக முடியாது - முதல்வர் பழனிசாமி
  • BREAKING-NEWS சசிகலாவிற்கு விதியை மீறி சிறப்பு வசதிகள் செய்து கொடுத்தவர்கள் தண்டிக்கப்பட வேண்டும் - பெங்களூரு சிறைத்துறை டிஐஜியாக பதவி வகித்த ரூபா ஐபிஎஸ் புதிய தலைமுறைக்கு பேட்டி
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்

“லட்சியம் இருக்கே.. எப்படி ஓய்வு பெற...” அசராமல் இயங்கும் மேரி கோம்..!

mary-kom-talks-about-her-plan

ஒலிம்பிக் போட்டியில் இந்தியாவிற்கு தங்கம் வாங்குவதுதான் தன் லட்சியம் என தெரிவிக்கும் குத்துச் சண்டை வீராங்கனை மேரி கோம் இப்போது விளையாட்டிலிருந்து ஓய்வு பெறும் எண்ணம் இல்லை எனவும் தெரிவித்துவிட்டார்.

உலகம் அறிந்த பிரபல இந்திய குத்துச் சண்டை வீராங்கனை மேரி கோம். ஏகப்பட்ட பதக்கங்களை ஏற்கெனவே வென்றிருந்தாலும் 2012-ஆம் ஆண்டு லண்டனில் நடைபெற்ற ஒலிம்பிக் போட்டியில் வெண்கலம் வென்றதன் மூலம் இந்திய ரசிகர்கள் மேரி கோமை அதிகம் கவனிக்கத் தொடங்கினார். பெண்களுக்கான குத்துச்சண்டையில் 5 முறை உலக சாம்பியன் பட்டத்தை வென்றுள்ள மேரி கோம் தற்போது 6-வது முறையாக அந்த பட்டத்தை வெல்லும் முனைப்பில் உள்ளார்.

இதனிடையே மேரி கோம் விளையாட்டிலிருந்து ஓய்வுபெற உள்ளதாகவும் அடிக்கடி செய்திகள் கசிந்தன. இந்த புரளிக்கு முற்றுப்புள்ளி வைத்துள்ளார் மேரி கோம். இதுகுறித்து அவர் கூறும்போது, “ நான் இப்போதும் ஃபிட்டாக தான் இருக்கிறேன். தினசரி கடுமையான பயிற்சி மேற்கொள்கிறேன். ஏன் விளையாட்டிலிருந்து ஓய்வு பெற வேண்டும். என்னுடைய எண்ணமே ஒலிம்பிக் போட்டியில் தங்கம் வெல்வதே. அதனை நான் இன்னும் சாதிக்கவில்லையே.. எப்படி ஓய்வுப்பெற முடியும். 2020 வரை தொடர்ந்து விளையாடுவேன்” என திடகாத்திரமாக சொல்லிவிட்டார்.

மூன்று குழந்தைகளுக்கு அம்மாவான மேரி கோம் இப்போதும் கூட சுறுசுறுப்பாக செயல்பட்டு வருகிறார். மணிப்பூரை சேர்ந்த 35 வயதான அவர் உலக சாம்பியன்ஷிப் குத்துச்சண்டையில் பெண்களுக்கான 48 கிலோ பிரிவில் மோத உள்ளார்.  அதேசமயம் ஒலிம்பிக் போட்டியில் பெண்களுக்கான 48 கிலோ பிரிவு இல்லை என்பதால் 51 கிலோ பிரிவில் மோத திட்டமிட்டுள்ளார்.

“என்னுடைய முதல் முயற்சி ஒலிம்பிக் போட்டிக்கு தகுதி பெறுவதை குறிவைப்பதே. அதற்காக தீவிர ஆட்டத்தை வெளிப்படுத்துவேன். ஒலிம்பிக் போட்டிக்கு தகுதி பெற்ற பின் என் லட்சியமான ஒலிம்பிக்கில் தங்கத்தை வெல்ல முயற்சி செய்வேன்” என கூறும் மேரி கோம் பெண்களுக்கான குத்துச்சண்டைக்கு தற்போது உலக அளவில் அங்கீகாரம் கிடைத்தள்ளது மகிழ்ச்சி அளிப்பதாக கூறியுள்ளார். தன்னுடைய பாக்சிங் வாழ்கையை தொடங்கிய 2001 ஆம் ஆண்டு வாக்கில் இது அவ்வளவு பிரபலம் இல்லை எனவும் மேரிகோம் தெரிவித்துள்ளார்.

Advertisement:
Advertisement:
Advertisement:
[X] Close