[X] Close
JUST IN
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.

தோனிக்கு 'கட் அவுட்' சேட்டன்களின் பாச மழை !

fans-pay-tribute-to-dhoni-with-35-feet-cut-out-ahead-of-thiruvananthapuram-odi

இந்திய அணியின் கேப்டன்களில் மிக முக்கியமான சாதனைகளை படைத்தவர் தோனி. பல்வேறு கோப்பைகளை அவரது தலைமையிலான அணி வென்றுள்ளது. அதோடு, பேட்டிங்கிலும் ஒரு காலத்தில் இந்திய அணியில் மிடில் ஆர்டர் தூணாக இருந்தவர். தோல்வியின் விளிம்பில் இருந்த போட்டியை கூட தனது மேஜிக் பேட்டிங்கால் வெற்றி பெற செய்வார். விக்கெட் கீப்பிங்கில் கூட இன்றளவும் அவர் உலக அளவில் சிறந்த வீரராக உள்ளார். 

வெஸ்ட் இண்டீஸ் அணி இந்தியாவில் சுற்றுப் பயணம் செய்து விளையாடி வருகிறது. இப்போது டெஸ்ட் போட்டி நடைபெற்று வருகிறது. இதனையடுத்து 5 போட்டிகள் கொண்ட ஒருநாள் தொடர் நடைபெற இருக்கிறது. இப்போது வரை நடைபெற்றுள்ள 4 போட்டிகளில் இந்தியா 2 போட்டிகளிலும், வெஸ்ட் இண்டீஸ் 1 போட்டியிலும் வெற்றிப்பெற்றது, ஒரு போட்டி டையில் முடிவடைந்தது. இந்நிலையில் மும்பையில் நடைபெற்ற நான்காவது போட்டியில் இந்தியா அபார வெற்றிப்பெற்றது.

இதனையடுத்து கடைசி மற்றும் ஐந்தாவது ஒரு நாள் போட்டி கேரள மாநிலம் திருவனந்தபுரத்தில் இன்று பிற்பகல் 1.30 மணிக்கு தொடங்குகிறது. இந்திய வீரர்கள் திருவனந்தபுரத்தில் உள்ள ரிசார்ட் ஒன்றில் தங்கியுள்ளார். ரிசார்ட்டில் அவர்களுக்கு நல்ல வரவேற்பும் அளிக்கப்பட்டது. இந்த வரவேற்பில் நெகிழ்ந்த கோலி ரிசார்ட் வரவேற்பு புத்தக்ததில் “கேரளாவில் இருப்பது என்பது பேரின்பத்திற்கு குறைவில்லாத விஷயம். கேரளா வருவதை நான் மிகவும் விரும்புகிறேன்."

"இங்குள்ள இடங்களின் தன்மை எனக்கு மிகவும் பிடிக்கும். கேரளாவின் அழகு என்பது அனுபவிக்க வேண்டிய ஒன்று. ஒவ்வொருவரும் இங்கு வந்து இந்த அழகினை அனுபவிக்க வேண்டும் என்று கேட்டுக் கொள்கிறேன். இது கடவுளின் தேசம். கேரளா எல்லோரும் வருவதற்கு முற்றிலும் பாதுகாப்பான இடம். ஒவ்வொரு முறையும் என்னை மகிழ்விக்கும் இந்த அற்புதமான இடங்களுக்கு நன்றி" என எழுதியிருந்தார்."

இது மட்டுமல்லாமல் தோனி கேரளாவின் செல்லக்குட்டி, ஆமாம் சென்னையில் சி.எஸ்.கே. அணிக்கு எப்படியொரு ரசிகர் பட்டாளம் இருக்கிறதோ, அதேபோல கேரளாவிலும் உண்டு. கால்பந்து விளையாட்டின் ஜாம்பவான்களான மெஸ்ஸி, ரொனால்டோவுக்கு உலகக் கோப்பையின் போது கட் அவுட்டுகள் வைத்த சேட்டன்கள், இம்முறை தோனிக்கும் கட் அவுட் வைத்து அசத்தியிருக்கின்றனர்.

தோனி பேட்டால் விளாசுவது போல் அமைக்கப்பட்டுள்ள கட் அவுட் 35 அடி உயரம் கொண்டது. இதனை போட்டி நடைபெறும் மைதானத்தின் வெளியே ரசிகர்கள் வைத்துள்ளனர். ஒரு கிரிக்கெட் வீரருக்கு கட் அவுட் வைப்பது இதுவே முதல் முறை என்பதால் மற்ற மாநில ரசிகர்கள் சேட்டன்களை வாயை பிளந்து பார்க்கின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close