[X] Close
JUST IN
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்
  • BREAKING-NEWS பத்திரிகையாளர் கொலை வழக்கில் சாமியார் குர்மீத் ராம் ரஹீமிற்கு ஆயுள் தண்டனை விதிப்பு - பஞ்ச்குலா சிபிஐ நீதிமன்றம் தீர்ப்பு
  • BREAKING-NEWS திருச்சி: மணப்பாறை அருகே ஆவாரங்காடு ஜல்லிக்கட்டில் மாடுபிடி வீரர்கள், பார்வையாளர்கள் என 71பேர் காயம்
  • BREAKING-NEWS சென்னை வண்டலூர் பூங்காவில் காணும் பொங்கலை முன்னிட்டு 3 மணி நிலவரப்படி 40,000பேர் வருகை தந்துள்ளனர் - பூங்கா நிர்வாகம்
  • BREAKING-NEWS குஜராத்: அகமதாபாத்தில் வல்லபாய் படேல் மருத்துவ அறிவியல் மற்றும் ஆராய்ச்சி நிறுவனம் திறப்பு

ரோகித், ராயுடு அதிரடி சதம் - இந்தியா 377 ரன் குவிப்பு 

indvwi-rohit-sharma-rayudu-ambati-slam-centuries-india-finish-at-377-5

வெஸ்ட் இண்டீஸ் அணிக்கு எதிரான 4வது ஒருநாள் போட்டியில் ரோகித் சர்மா, அம்பத்தி ராயுடுவின் அதிரடி சதத்தால் இந்தியா 377 ரன் குவித்துள்ளது. 

இந்தியா வெஸ்ட் இண்டீஸ் அணிகளுக்கு இடையிலான நான்காவது ஒருநாள் போட்டி மும்பை பிராபோர்ன் மைதானத்தில் நடைபெற்று வருகிறது. டாஸ் வென்ற இந்திய அணி முதலில் பேட்டிங் செய்ய தீர்மானித்தது. தொடக்க வீரர்களாக ரோகித் சர்மாவும், ஷிகர் தவானும் களமிறங்கினர். அதிரடியாக விளையாடிய தவான் 38 ரன்னில் ஆட்டமிழந்தார். கடந்த மூன்று போட்டிகளில் சதம் விளாசிய கேப்டன் விராட் கோலி இந்தப் போட்டியில் 16 ரன்னில் ஆட்டமிழந்து அதிர்ச்சி அளித்தார். 25 ஓவர்கள் முடிவில் இந்திய அணி 2 விக்கெட் இழப்புக்கு 137 ரன் எடுத்தது.

60 பந்துகளில் அரைசதம் அடித்த ரோகித் சர்மா, 98 பந்துகளில் சதம் விளாசினார். அவருடன் இணைந்து சிறப்பான ஆட்டத்தை வெளிப்படுத்தி வந்த ராயுடு 51 பந்தில் அரைசதம் அடித்தார். இந்திய அணி 40 ஓவர்கள் முடிவில் 2 விக்கெட் இழப்புக்கு 261 ரன்கள் எடுத்தது. தொடர்ந்து சிக்ஸரும் பவுண்டரியுமாக ரோகித்தும், ராயுடுவும் விளாசினர். 131 பந்தில் 150 ரன் குவித்தார். 200 ரன் விளாசுவார் என்று எதிர்பார்க்கப்பட்ட நிலையில், அவர் 162 ரன்னில் அவர் ஆட்டமிழந்தார். 20 பவுண்டரிகள், 4 சிக்ஸர்கள் அடித்தார். 7வது முறையாக ரோகித் சர்மா 150 ரன்களை எட்டியுள்ளார். இந்திய அணிக்காக சிக்ஸர் அடித்தவர்கள் பட்டியலில் சச்சினை பின்னுக்கு தள்ளி இரண்டாம் இடத்தை பிடித்தார் ரோகித். 

     

ராயுடு அதிரடியாக விளையாடி 80 பந்தில் சதம் விளாசினார். இது அவருக்கு மூன்றாவது சதம். சதம் அடித்த கையோடு அவர் ஆட்டமிழந்து நடையை கட்டினார். அவரை தொடர்ந்து 15 பந்தில் 23 ரன் எடுத்து தோனியும் ஆட்டமிழந்தார். 

இறுதியில் இந்திய அணி 50 ஓவர்கள் முடிவில் 5 விக்கெட் இழப்புக்கு 377 ரன் குவித்தது. கேதர் 16(7), ஜடேஜா 7(4) ரன்னுடன் ஆட்டமிழக்காமல் இருந்தனர். வெஸ்ட் இண்டீஸ் அணியில் ரோச் 2 விக்கெட் சாய்த்தார். பலம் வாய்ந்த பேட்டிங் கொண்டுள்ள வெஸ்ட் இண்டீஸ் அணி 378 ரன்களை இலக்காக கொண்டு விளையாடி வருகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close