[X] Close
JUST IN
  • BREAKING-NEWS உள்ளாட்சித் தேர்தல் நடந்தால் நான் போட்டியிடுவது பற்றி தலைமைதான் முடிவு எடுக்கும் - உதயநிதி ஸ்டாலின்
  • BREAKING-NEWS சேலம் மாவட்ட முன்னாள் ஆட்சியர் ரோஹிணி மத்திய உயர்கல்வித்துறை துணை செயலாளராக நியமனம்
  • BREAKING-NEWS தமிழக பொதுப்பணித்துறை அதிகாரிகளுடன் முதலமைச்சர் எடப்பாடி பழனிசாமி ஆலோசனை
  • BREAKING-NEWS மகாராஷ்டிரா ஆளுநரை நாளை சந்திக்க சிவசேனா, காங்கிரஸ் உள்ளிட்ட கட்சிகள் முடிவு
  • BREAKING-NEWS உள்ளாட்சித் தேர்தலை நிறுத்த திமுக முயற்சிக்கவில்லை: மு.க.ஸ்டாலின்
  • BREAKING-NEWS ஐஐடியில் தற்கொலை செய்த மாணவி பாத்திமாவின் தந்தை இன்று முதல்வர் பழனிசாமியை சந்தித்து பேச உள்ளதாக தகவல்

என்னங்க பிட்ச் இது?: உமேஷ் யாதவ் ஆதங்கம்!

unresponsive-pitch-umesh-yadav

'ஐதராபாத் ஆடுகளம் வேகப்பந்துவீச்சுக்கோ, சுழற்பந்துவீச்சுக்கோ உதவவில்லை’ என்று இந்திய கிரிக்கெட் அணியின் வேகப்பந்து வீச்சாளர் உமேஷ் யாதவ் கூறினார்.

இந்தியா - வெஸ்ட் இண்டீஸ் இடையிலான 2-வது டெஸ்ட் ஐதராபாத்தில் நேற்று தொடங்கியது. டாஸ் வென்ற வெஸ்ட் இண்டீஸ் பேட்டிங் தேர்வு செய்தது.

இந்திய அணியில் வேகப்பந்து வீச்சாளர் ஷர்துல் தாகூர் இடம்பிடித்திருந்தார். உமேஷ் யாதவ் உடன் புதுப்பந்தில் பந்து வீச்சை தொடங்கிய அறிமுக வீரரான ஷர்துல் தாகூர் 10 பந்துகள் வீசிய நிலையில் காயம் காரணமாக வெளியேறினார். இதனால், உமேஷ் யாதவ் மட்டுமே வேகப்பந்து வீச வேண்டிய நிலை ஏற்பட்டது. 

வெஸ்ட் இண்டீஸ் அணி முதல் நாளில் 95 ஓவர்கள் விளையாடி, 7 விக்கெட் இழப்புக்கு 295 ரன்கள் எடுத்துள்ளது. ரோஸ்டன் சேஸ் 98 ரன்களுடன் களத்தில் உள்ளார். இந்திய அணி தரப்பில் உமேஷ் யாதவ், குல்தீப் யாதவ் தலா மூன்று விக்கெட்களை சாய்த்தனர்.

பின்னர் செய்தியாளர்களிடம் பேசிய உமேஷ் யாதவ், ‘பேட்டிங்கிற்கு சாதகமான இந்த ஆடுகளத்தில் ரன்களை கட்டுப்படுத்து வது கடினம்’ என்றார்.

அவர் மேலும் கூறும்போது, ‘ஆடுகளம் பேட்டிங்கிற்கு சாதகமாக இருந்தது. இந்த ஆடுகளத்தில் ’எஸ்ஜி’ பந்துகளை கொண்டு வழக்கம் போல ஸ்விங் செய்யவோ, ரிவர்ஸ் ஸ்விங்க் செய்தோ பந்துவீச முடியவில்லை. முதல் 20 ஓவர்களுக்குப் பிறகு பந்து மிருதுவான தன்மைக்கு மாறிவிட்டது. ஆடுகளம் வேகபந்துவீச்சுக்கோ அல்லது சுழல் பந்துவீச்சுக்கோ உதவவில்லை. இந்த ஆடுகளத்தில் ரன்களை கட்டுப்படுத்துவது கடினம்’ என்றார்.

Advertisement:
இது தொடர்பான செய்திகள் :
Advertisement:
Advertisement:
[X] Close