[X] Close
JUST IN
  • BREAKING-NEWS ஸ்டெர்லைட் விவகாரத்தில் பசுமை தீர்ப்பாய உத்தரவை எதிர்த்து உச்சநீதிமன்றம் செல்வேன் - வைகோ
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி
  • BREAKING-NEWS ராஜஸ்தான் முதலமைச்சராக அசோக் கெலாட் தேர்வு செய்யப்பட்டுள்ளார்
  • BREAKING-NEWS அணைகள் பாதுகாப்பு சட்ட மசோதாவை மத்திய நீர்வளத்துறை உடனே திரும்பப்பெற வேண்டும் - பிரதமருக்கு எழுதிய கடிதத்தில் முதல்வர் பழனிசாமி தகவல்
  • BREAKING-NEWS அந்நிய செலாவணி மோசடி வழக்கில் சசிகலா மீது வரும் 20ம் தேதி குற்றச்சாட்டு பதிவு நடைபெறும் - எழும்பூர் நீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ.72.94 காசுகளாகவும், டீசல் லிட்டருக்கு ரூ.68.18 காசுகளாகவும் விலை நிர்ணயம்
  • BREAKING-NEWS சிலைக்கடத்தல் வழக்கில் பொன் மாணிக்கவேல் பதவி நீட்டிப்புக்கு தடை விதிக்க உச்சநீதிமன்றம் மறுப்பு

’இந்திய வீரர்கள், எங்களை விட திறமையானவங்க’: பாக்.கேப்டன் ஒப்புதல்!

their-skill-level-is-high-ours-is-not-quite-there-sarfraz-ahmed

இந்திய வீரர்களின் திறமை எங்களை விட சிறப்பானது என்று பாகிஸ்தான் கிரிக்கெட் அணி கேப்டன் சர்பிராஸ் அகமது தெரிவித்தார்.

ஆசியக் கோப்பை கிரிக்கெட் போட்டி, ஐக்கிய அரபு அமீரகத்தில் உள்ள துபாய் மற்றும் அபுதாபியில் நடந்து வருகிறது. இதில் இந்தியா, பாகிஸ்தான், இலங்கை, ஆப்கானிஸ்தான், பங்களாதேஷ், ஹாங்காங் ஆகிய அணிகள் பங்கேற்கின்றன. லீக் சுற்று முடிவில் ‘ஏ’ பிரிவில் இருந்து இந்தியா, பாகிஸ்தான், ‘பி’ பிரிவில் இருந்து ஆப்கானிஸ்தான், பங்களாதேஷ் அணிகள் சூப்பர்-4 சுற்றுக்கு முன்னேறின. இரண்டு லீக்கிலும் தோல்வி யடைந்த இலங்கை, ஹாங்காங் அணிகள் வெளியேறிவிட்டன. 

சூப்பர் 4 சுற்று போட்டி இப்போது நடந்து வருகிறது. துபாயில் நேற்று நடந்த போட்டியில் இந்திய அணி, பாகிஸ்தானை எதிர்கொண்டது. முதலில் பேட்டிங் செய்த பாகிச்தான் அணி 7 விக்கெட் இழப்புக்கு 237 ரன்கள் எடுத்தது. அந்த அணியின் சோயிப் மாலிக் 78 ரன்களும் கேப்டன் சர்பிராஸ் அகமது 44 ரன்களும் எடுத்தனர். பின்னர் களமிறங்கிய இந்திய அணி ஒரு விக்கெட் இழப்புக்கு 39.3 ஓவர்களில் 238 ரன்கள் எடுத்து வெற்றி பெற்றது. ரோகித் சர்மா 111 ரன்களும் தவான் 114 ரன்களும் எடுத்தனர்.

தோல்விக்கு பின் பேசிய பாகிஸ்தான் கேப்டன் சர்பிராஸ் அகமது கூறும்போது, ‘நாங்கள் சிறப்பாக விளையாடினோம். ஆனால், 20-30 ரன்கள் குறைவாக எடுத்துவிட்டோம். சில முக்கியமான கேட்ச் வாய்ப்புகளை நாங்கள் கோட்டைவிட்டோம். தொடர்ந்து இதுபோன்று கேட்ச்களை விட்டால் வெற்றி பெறுவது கடினம். நாங்கள் நன்றாக செயல்பட்டும் எப்படி தோற்றோம் என்று தெரியவில்லை. இந்திய வீரர்கள் சிறப்பாக செயல்பட்டார்கள். நாங்கள் தொடக்கத்திலேயே சில விக்கெட்டுகளை வீழ்த்த நினைத்தோம். இது தொடர்பாக பந்துவீச்சாளர்களிடமும் பேசினோம். ஆனால், ரோகித், தவான் போன்ற வீரர்களை ஆட்டமிழக்க வைக்க முடியவில்லை. அவர்கள் திறமையான வீரர்கள். அவர்களின் ஆட்டத்திறன் எங்களை விட சிறப்பாக இருக்கிறது. அடுத்தப் போட்டி எங்களுக்கு வாழ்வா, சாவா போட்டி. அதனால் அதில் சிறப்பாக செயல் படுவோம்’ என்றார்.

Advertisement:
இது தொடர்பான செய்திகள் :
Advertisement:
Advertisement:
[X] Close