[X] Close
JUST IN
  • BREAKING-NEWS மக்களவை தேர்தலையொட்டி சென்னையில் 113 காவல் ஆய்வாளர்களை இடமாற்றம் செய்து ஆணையர் ஏ.கே.விஸ்வநாதன் உத்தரவு
  • BREAKING-NEWS விவசாயிகளுக்கு பட்ஜெட்டில் அறிவித்தபடி ரூ.6ஆயிரம் 3 தவணையாக ரூ.2 ஆயிரம் வீதம் வழங்கப்பட உள்ளது
  • BREAKING-NEWS ஏழை தொழிலாளர்களின் வங்கி கணக்கில் ரூ. 2 ஆயிரம் வழங்கும் திட்டத்தை ஜெயலலிதா பிறந்தநாளான வரும் 24ம் தேதி தொடங்கி வைக்கிறார் முதல்வர் பழனிசாமி
  • BREAKING-NEWS திமுக கூட்டணியில் காங்கிரசுக்கான தொகுதிப்பங்கீடு பற்றி அண்ணா அறிவாலயத்தில் நாளை அறிவிக்கப்படும் - டெல்லியில் கே.எஸ்.அழகிரி பேட்டி
  • BREAKING-NEWS 21 தொகுதி இடைத்தேர்தல்களிலும் அதிமுகவுக்கு பாஜக முழு ஆதரவு அளிப்பதாக தீர்மானம் - பியூஷ் கோயல், துணைமுதல்வர் ஓபிஎஸ் கூட்டாக பேட்டி
  • BREAKING-NEWS 2019 மக்களவை தேர்தலில் அதிமுக-பாஜக கூட்டணி உறுதியானது; அதிமுக கூட்டணியில் பாஜகவுக்கு 5 தொகுதிகள் ஒதுக்கப்பட்டுள்ளன
  • BREAKING-NEWS மக்களவை தேர்தலுக்கான திமுக-காங்கிரஸ் கூட்டணி நாளை அறிவிக்கப்படும் என காங்கிரஸ் கமிட்டியின் மாநில தலைவர் கே.எஸ்.அழகிரி தகவல்

“என்னிடம் கொடுக்க இனி ஒன்றுமில்லை” - ஓய்வை அறிவித்தார் குக்

alastair-cook-has-announced-his-retirement-with-the-next-test-match

இங்கிலாந்து அணியின் முன்னாள் கேப்டன் அலெஸ்டர் குக் அடுத்த டெஸ்ட் போட்டியுடன் ஓய்வு பெறவுள்ளதாக அறிவித்துள்ளார்.

இந்தியாவுக்கு எதிரான 5 போட்டிகள் கொண்ட டெஸ்ட் தொடரில் இங்கிலாந்து அணி 3-1 என்ற கணக்கில் தொடரை கைப்பற்றியுள்ளது. இதனையடுத்து அடுத்த போட்டி லண்டன் ஓவல் மைதானத்தில் நடைபெறவுள்ளது. இந்நிலையில் இங்கிலாந்து அணியின் தொடக்க ஆட்டக்காரரும், சீனியர் வீரருமான இரு அணிகளுக்கு இடையேயான கடைசி டெஸ்ட் போட்டியுடன் சர்வதேச போட்டிகளில் இருந்து ஓய்வு பெறப்போவதாக அறிவித்துள்ளார். 

33 வயதான குல் 160 டெஸ்ட் போட்டிகளில் விளையாடி 12, 254 ரன்கள் குவித்துள்ளார். சராசரி 44.88 ஆகும். அதில், 32 சதங்களும், 56 அரை சதங்களும் அடங்கும். டெஸ்ட் கிரிக்கெட்டில் அதிக ரன்கள் எடுத்த வீரர்கள் பட்டியலில் குக் 6வது இடத்தில் உள்ளார். டெஸ்ட் கிரிக்கெட் போட்டிகளை பொறுத்தவரை குக் ஒரு கிளாசிக் வீரராகவே திகழ்ந்தார். இளம் வீரராக 6000, 7000, 8000, 9000, 10,000, 11,000, மற்றும் 12,000 ரன்களை சேர்த்தவர் என்ற பெருமை குக்கிற்கு உண்டு. 

இந்த ஆண்டில் மொத்தம் 9 டெஸ்ட் போட்டிகளில் விளையாடியுள்ள குக் வெறும் 18.92 ரன் ரேட் மட்டுமே வைத்துள்ளார். ஏற்கனவே, ஒருநாள் மற்றும் டி20 போட்டிகளில் விளையாடாத குக் தற்போது டெஸ்ட் போட்டிக்கும் குட் பை சொல்லிவிட்டார். இந்தியாவுக்கு எதிரான இந்த டெஸ்ட் தொடரில் குக் பெரிதாக ரன் எதுவும் அடிக்கவில்லை.

இந்த அறிவிப்பை வெளியிட்ட போது, “இது ஒரு சோகமான நாளாக இருந்தாலும், சிரித்த முகத்துடன் இதனை அறிவிக்கிறேன். என்னால் முடிந்தவற்றை கொடுத்துவிட்டேன். என்னிடம் கொடுக்க இனி எதுவும் இல்லை” என்று குக் உருக்கமாக பேசினார். 2006ம் ஆண்டு தனது டெஸ்ட் கிரிக்கெட் வாழ்க்கையை இந்திய அணிக்கு எதிராக நாக்பூரில் தொடங்கிய குக், தற்போது அதே இந்திய அணிக்கு எதிராக தனது ஓய்வு அறிவிப்பை வெளியிட்டுள்ளார். கிரிக்கெட் அல்லாமல் விவசாயத்தில் குக் நாட்டம் கொண்டவர் என்பது குறிப்பிடத்தக்கது. 

 

Advertisement:
இது தொடர்பான செய்திகள் :
Advertisement:
Advertisement:
[X] Close