[X] Close
JUST IN
  • BREAKING-NEWS 21 கி.மீ. வேகத்தில் நாகையை நெருங்கி வருகிறது கஜா புயல் - சென்னை வானிலை ஆய்வு மையம்
  • BREAKING-NEWS கடற்கரையில் உள்ளவர்களை கலைந்து செல்ல அறிவுறுத்துமாறு காவல்துறைக்கு பேரிடர் மேலாண்மைத் துறை உத்தரவு
  • BREAKING-NEWS ‘கஜா புயல்’... முன்னெச்சரிக்கை அடிப்படையில் தேவையான நடவடிக்கைகள் அரசு சார்பில் மேற்கொள்ளப்பட்டுள்ளன; மக்கள் அச்சமடைய வேண்டாம் - பேரிடர் மேலாண்மைத் துறை
  • BREAKING-NEWS தமிழகத்தில் கடலோர மாவட்டங்களில் 405 ஆம்புலன்ஸ்கள் தயார் நிலையில் வைக்கப்பட்டுள்ளன - தமிழக அரசு
  • BREAKING-NEWS கஜா புயலை எதிர்கொள்ள அவசர கால சேவை 108, மருந்து உதவி சேவை 104 தயார் நிலையில் உள்ளது - தமிழக அரசு
  • BREAKING-NEWS சந்திராயன் - 2 ஜனவரியில் ஜிஎஸ்எல்வி மார்க் 3 தொழில்நுட்ப ராக்கெட் மூலமே ஏவப்படும் - இஸ்ரோ தலைவர் சிவன்
  • BREAKING-NEWS ஜிசாட்-29 செயற்கைக்கோளுடன் விண்ணில் பாய்ந்தது ஜிஎஸ்எல்வி- மார்க் 3 ராக்கெட்

ஓரங்கட்டிய இங்கி. அணிக்கு நிரூபித்துக் காட்டிய கர்ரன்!

wasn-t-trying-to-prove-a-point-curran

இந்திய கிரிக்கெட் அணி இங்கிலாந்தில் சுற்றுப்பயணம் செய்து விளையாடி வருகிறது. இதில், டி20 தொடரை இந்தியாவும், ஒரு நாள் தொடரை இங்கிலாந்தும் கைப்பற்றியது. இதையடுத்து 5 போட்டிகள் கொண்ட டெஸ்ட் தொடரில் விளையாடி வருகிறது. முதல் இரண்டு போட்டிகளில் இங்கிலாந்தும் மூன்றாவது டெஸ்ட் போட்டியில் இந்தியாவும் வெற்றி பெற்றன.

நான்காவது டெஸ்ட் போட்டி, சவுதாம்டனில் நேற்று தொடங்கியது. டாஸ் வென்ற இங்கிலாந்து அணி முதலில் பேட்டிங் செய்தது. முதலில் விளையாடிய இங்கிலாந்து அணியில் ஜென்னிங்ஸ் ரன் எதுவும் எடுக்காமல் பும்ரா பந்துவீச்சில் ஆட்டமிழந்தார். அடுத்து களமிறங்கிய கேப்டன் ஜோ ரூட் 4 ரன்னில் இஷாந்த் சர்மா பந்து வீச்சில் அவுட் ஆனார். பேர்ஸ்டோவை 6 ரன்னில் பும்ரா வெளியேற்ற, குக்கை 17 ரன்னில் பாண்ட்யா அவுட் ஆக்கினார். அதே போல், முந்தைய போட்டியில் இந்திய அணியை மிரட்டிய ஸ்டோக்ஸ், பட்லர் ஜோடியை முகமது ஷமி வெளியேற்றினார். 

இங்கிலாந்து அணி 86 ரன்களுக்கு 6 விக்கெட் இழந்து தடுமாறியது. இதனால், அந்த அணி 120 ரன்னுக்குள் சுருண்டு விடும் என்று எதிர்பார்க்கப்பட்டது. ஆனால், மொயின் அலி, சாம் கர்ரன் ஜோடி இந்திய பந்துவீச்சாளர்களுக்கு கடும் நெருக்கடி கொடுத்தது. அந்த அணி 167 ரன்கள் எடுத்திருந்த நிலையில், அஸ்வின் பந்துவீச்சில் மொயின் அலி 40 ரன்னில் ஆட்டமிழந்தார். பின்னர், ரஷித், முகமது ஷமி பந்துவீச்சில் ஆட்டமிழந்தார். அஸ்வின் வீசிய 69-வது ஓவரில் கர்ரன் ஒரு சிக்ஸர், ஒரு பவுண்டரி விளாசி அரைசதம் அடித்தார். 

இங்கிலாந்து அணி 70 ஓவரில் 8 விக்கெட்இழப்புக்கு 217 ரன் எடுத்தது. பின்னர் பிராட் 17 ரன்னில் ஆட்டமிழக்க, சிறப்பாக விளையாடிய கர்ரன் 78 ரன்னில் அஸ்வின் பந்து வீச்சில் ஆட்டமிழந்தார்.  இதையடுத்து அந்த அணி 246 ரன்களுக்கு அனைத்து விக்கெட்டையும் இழந்தது.

இங்கிலாந்து அணி இந்த கவுரவமான ஸ்கோரை எட்ட, சாம் குர்ரனின் சிறப்பான பேட்டிங்தான் காரணம். முதல் இரண்டு போட்டிகளில் சிறப்பாக விளையாடிய குர்ரன், மூன்றாவது டெஸ்ட் போட்டியில் உட்கார வைக்கப்பட்டார். வோக்ஸுக்கு ஏற்பட்ட காயம் காரணமாக இந்தப் போட்டியில், இந்தப் போட்டியில் மீண்டும் சேர்க்கப்பட்டார்.

இதில் சிறப்பாக விளையாடியது பற்றி சாம் கர்ரன் கூறும்போது, ‘ஒவ்வொருவரும் அவரவர்களுக்கான இடத்தைப் பிடிக்கவே போராடி வரு கிறார்கள். மூன்றாவது போட்டியில் நான் சேர்க்கப்படாதது பற்றி எனக்கு வருத்தம் இருந்தது. அதிர்ஷ்டவசமாக இப்போது மீண்டும் அணியில் இடம்பிடித்துவிட்டேன். நான் என்னை நிரூபித்துக் காட்ட வேண்டிய அவசியம் இல்லை. அதற்காகவும் நான் ஆடவில்லை. நான் எனது இயல் பான ஆட்டத்தை பயமின்றி வெளிப்படுத்தினேன். அணியில் சில சிறந்த வீரர்கள் இருக்கிறார்கள். அவர்களிடம் இருந்து கற்றுக்கொள்கிறேன். பேட்டிங், பந்துவீச்சு இரண்டிலும் என்னால் சிறப்பாக விளையாட முடியும்’ என்றார்.

Advertisement:
Advertisement:
Advertisement:
[X] Close