[X] Close
JUST IN
  • BREAKING-NEWS ஸ்டெர்லைட் ஆய்வுக்குழுவின் கருத்து கேட்பு கூட்டம்
  • BREAKING-NEWS மாலத்தீவில் எதிர்க்கட்சி வேட்பாளர் வெற்றி
  • BREAKING-NEWS தேர்தலுக்கு பின்பும் பாஜகவுடன் திமுக கூட்டணி வைக்காது: மு.க.ஸ்டாலின்
  • BREAKING-NEWS ‘கச்சா எண்ணெய் உற்பத்தியை உயர்த்த முடியாது’: சவுதி அரேபியா திட்டவட்டம்
  • BREAKING-NEWS ரஃபேல் விவகாரம்: ஊழல் ஒழிப்பு ஆணையத்தை இன்று அணுகுகிறது காங்கிரஸ்
  • BREAKING-NEWS சென்னையில் பெட்ரோல் லிட்டருக்கு ரூ.85.99 காசுகளாகவும், டீசல் லிட்டருக்கு ரூ.78.26 காசுகளாகவும் விலை நிர்ணயம்
  • BREAKING-NEWS செல்போனை திருடியதாக சிறுவன் அடித்துக்கொலை

இரட்டை சதத்துடன், 8 விக்கெட்: அழைப்புக்கு காத்திருக்கிறார் அசத்திய மொயின்!

moeen-ali-eyes-england-recall-after-double-ton

கவுண்டி கிரிக்கெட்டில் இரட்டை சதம் அடித்து மிரட்டிய மொயின் அலி, இங்கிலாந்து அணியில் மீண்டும் இடம் கிடைக்கும் என்று காத்திரு க்கிறார்.

இங்கிலாந்து அணியின் ஆல்ரவுண்டர் மொயின் அலி. பெரும்பாலும் சுழல்பந்துவீச்சுக்கு அவரை பயன்படுத்தி வருகிறது இங்கிலாந்து கிரிக் கெட் அணி. இப்போது இந்திய அணிக்கு எதிராக நடந்து வரும் டெஸ்ட் போட்டியில் மொயின் அலியை ஓரங்கட்டிவிட்டு, அடில் ரஷீத்துக்கு வாய்ப்பளித்து வருகிறது. ஒரு சுழல் பந்துவீச்சாளரோடு களமிறங்குவதால் மொயின் அலிக்கு வாய்ப்பு வழங்கப்படவில்லை. அணியில் இடம்பிடித்திருந்தாலும் ஆடும் லெவனில் அவருக்கு வாய்ப்பில்லை.

இந்நிலையில் கவுண்டி கிரிக்கெட்டில் விளையாடினார் மொயின் அலி. வொர்சஸ்டர்ஷைர் அணிக்காக விளையாடிய அவர், யார்ஷையர் அணிக்கு எதிரான போட்டியில் அபாரமான ஆட்டத்தை வெளிப்படுத்தினார். இந்தப் போட்டியில் இரட்டை சதம் அடித்த மொயின் அலி (219 ரன்கள்) 8 விக்கெட்டையும் வீழ்த்தி அசத்தியுள்ளார்.

இதையடுத்து இந்தியா-இங்கிலாந்து அணிகளுக்கு இடையிலான நான்காவது டெஸ்ட் போட்டியில் தனக்கு அழைப்பு வரும் எனக் காத்திருக் கிறார்.

‘இங்கிலாந்து அணியில் மீண்டும் இடம் கிடைக்கும் என நம்புகிறேன். அழைத்தால் மகிழ்வேன். இல்லை என்றால் பரவாயில்லை. கவுண்டி கிரிக்கெட்டில் விளையாடிக் கொண்டிருப்பேன். அணியில் இருக்கிற அனைவருமே சிறப்பாக விளையாடி வருகிறார்கள். நான் எனது சிறப்பான ஆட்டத்தை வெளிப்படுத்துகிறேன். தொடர்ந்து ஆட்டத்திறனை மேம்படுத்தும் பயிற்சியில் ஈடுபடுகிறேன்’ என்கிறார் மொயின் அலி. 
 

Advertisement:
Advertisement:
Advertisement:
[X] Close