[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.23 காசுகளாகவும், டீசல் லிட்டருக்கு ரூ. 68.62 காசுகளாகவும் விலை நிர்ணயம்
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்
  • BREAKING-NEWS பத்திரிகையாளர் கொலை வழக்கில் சாமியார் குர்மீத் ராம் ரஹீமிற்கு ஆயுள் தண்டனை விதிப்பு - பஞ்ச்குலா சிபிஐ நீதிமன்றம் தீர்ப்பு
  • BREAKING-NEWS திருச்சி: மணப்பாறை அருகே ஆவாரங்காடு ஜல்லிக்கட்டில் மாடுபிடி வீரர்கள், பார்வையாளர்கள் என 71பேர் காயம்
  • BREAKING-NEWS சென்னை வண்டலூர் பூங்காவில் காணும் பொங்கலை முன்னிட்டு 3 மணி நிலவரப்படி 40,000பேர் வருகை தந்துள்ளனர் - பூங்கா நிர்வாகம்

பொல்லாட் முதல் டி20 சதம்: 2 வருடத்துக்கு பிறகு வெற்றி பெற்றது அணி!

pollard-smashes-ton-as-st-lucia-stars-end-2-year-wait-for-victory

கரீபியன் பிரிமியர் லீக் போட்டியில் பொல்லார்ட் அபார சதமடித்தார். இதையடுத்து கடந்த 2 வருடத்துக்கு பிறகு அவரது செயின்ட் லூசியா அணி வெற்றி பெற்றுள்ளது.

ஐபிஎல் போல வெஸ்ட் இண்டீசில், கரீபியன் பிரிமியர் லீக் டி20 (சிபிஎல்) தொடர் நடந்து வருகிறது. இதிலும் பல்வேறு நாட்டு வீரர்கள் பங்குபெற்று விளையாடி வருகிறார். இதில் இந்திய நேரப்படி, இன்று காலை பொல்லார்ட் தலைமையிலான செயின்ட் லூசியா ஸ்டார்ஸ் அணியும் ஜேசன் ஹோல்டர் தலைமையிலான பார்படாஸ் டிரைடண்ட்ஸ் அணியும் மோதின. 

டாஸ் வென்ற பார்படாஸ் அணி முதலில் பந்துவீச்சை தேர்ந்தெடுத்தது. அதன்படி செயின்ட் லூசியா அணி களமிறங்கியது. அந்த அணியின் பிளட்சரும் டேவிட் வார்னரும் தொடக்க ஆட்டக்காரர்களாக களமிறங்கினர். வார்னர் இரண்டே பந்துகளை சந்தித்து ஹோல்டர் பந்துவீச்சில் அவுட் ஆனார். அடுத்து கார்ன்வால் வந்தார். இருவரும் அதிரடியாக பேட்டை சுழற்றினர். கார்ன்வால் 11 பந்துகளில் 30 ரன்கள் வஹாப் பந்தில் ஆட்டமிழக்க, அடுத்து வந்த சிம்மன்ஸ் ரன் ஏதும் எடுக்காமல் வஹாப் பந்துவீச்சில் எல்பிடபிள்யூ ஆனார். பின்னர் வந்த கேப்டன் பொல்லார்டும் பிளட்சரும் வந்த பந்துகளை விளாசி தள்ளினர். பிளட்சர் 52 பந்துகளில் 80 ரன்கள் எடுத்து வஹாப் பந்துவீச்சில் அவுட் ஆனார். ஆனால் மறுமுனையில் அதிரடி காட்டிய பொல்லார்ட் அபார சதமடித்தார். அவர் 54 பந்தில் 8 சிக்சர், 6 பவுண்டரியுடன் 104 ரன்கள் குவித்தார். இது டி20 போட்டியில் அவரது முதல் சதம் ஆகும்.

இதையடுத்து நிர்ணயிக்கப்பட்ட 20 ஓவர் முடிவில் அந்த அணி 6 விக்கெட் இழப்புக்கு 226 ரன்கள் எடுத்தது. கரீபியன் லீக் போட்டியில் இதுதான் அதிகப்பட்ச ஸ்கோர் ஆகும்.

பின்னர் களமிறங்கிய பார்படாஸ் அணியால் நிர்ணயிக்கப்பட்ட 20 ஒவரில் 6 விக்கெட் இழப்புக்கு 188 ரன்களே எடுக்க முடிந்தது. அதிகப் பட்சமாக அந்த அணியின் டிவைன் ஸ்மித் 58 ரன்கள் எடுத்தார்.

இதையடுத்து செயின்ட் லூசியா அணி 38 ரன்கள் வித்தியாசத்தில் வெற்றி பெற்றது. பொல்லார்ட் ஆட்டநாயகன் விருது பெற்றார்.

இதற்கு முன்பு 2016-ம் ஆண்டு ஜூலை 31-ம் தேதி நடந்த லீக் போட்டியில்தான் கடைசியாக லூசியா அணி வெற்றி பெற்றது. அதற்கு பின் வெற்றிபெறாத அணியாகவே அது இருந்தது. இரண்டு வருடத்துக்குப் பின் அந்த அணி வெற்றி பெற்றதால் வீரர்கள் வெற்றியை உற்சாகமாக கொண்டாடி வருகின்றனர்.

Advertisement:
Advertisement:
Advertisement:
[X] Close