[X] Close
JUST IN
  • BREAKING-NEWS கருணாசுக்கு ஸ்டாலின் கண்டனம் தெரிவிக்காதது ஏன்? - அமைச்சர் ஜெயக்குமார்
  • BREAKING-NEWS திமுக பஞ்சாயத்து கட்சியாக மாறிவிட்டது; ஸ்டாலின் வழக்கு தொடர்ந்தால் சந்திக்க தயார் - அமைச்சர் ஜெயக்குமார்
  • BREAKING-NEWS என்னை கைது செய்ய தனிப்படை அமைக்கப்பட்டது பற்றி தெரியாது; நான் தலைமறைவாக இல்லை - ஹெச்.ராஜா
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை

பிராக்டிஸ் பண்ற ஐடியா இல்லையா ? ரூமில் முடங்கியதா இந்திய அணி ?

nil-net-practice-session-indian-cricket-team-remains-inside-the-room

இந்திய கிரிக்கெட் அணி இங்கிலாந்தில் சுற்றுப்பயணம் மேற்கொண்டு விளையாடி வருகிறது. 5 போட்டிகள் கொண்ட டெஸ்ட் தொடரின் முதல் போட்டியில், இந்திய அணி போராடி தோல்வியடைந்தது. லார்ட்ஸ் மைதானத்தில் நடைபெற்ற 2 வது டெஸ்ட் போட்டியில் இந்திய அணி இன்னிங்ஸ் தோல்வி அடைந்தது. முதல் போட்டியில் கேப்டன் விராட் கோலி சதம் அடித்தது சற்றே ஆறுதலாக இருந்தது.

ஆனால், லாட்ஸ் போட்டியில் ஒருவர் கூட அரைசதம் அடிக்கவில்லை. கோலி உட்பட அனைத்து வீரர்களும் சொதப்பினார்கள். முதல் இன்னிங்சில் 107, 2வது இன்னிங்சில் 130 ரன்கள் மட்டுமே எடுத்தனர். இரண்டு இன்னிங்சில் அஸ்வின்தான்(29, 33) அதிக ஸ்கோர் அடித்தார். இதனால், இந்திய வீரர்கள் மீது கடுமையான விமர்சனங்கள் எழுந்தன. 

இந்த இரு அணிகளுக்கு இடையிலான மூன்றாவது டெஸ்ட் போட்டி நாட்டிங்கம்மில் 18 ஆம் தேதி தொடங்குகிறது. இந்திய அணி நாட்டிங்கம்முக்கு ஏற்கெனவே சென்றடைந்துவிட்டது. ஆனால் போட்டி தொடங்க இன்னும் மூன்று நாட்கள் மட்டுமே இருக்கின்ற நிலையில், இந்திய அணி இன்னும் வலைப்பயிற்சியில் ஈடுபடாமல் தங்களது ஹோட்டல் அறைகளிலேயே முடங்கி இருக்கின்றனர்.

இந்திய அணி லார்ட்ஸ் தோல்வியில் இருந்து வெளியே வர வேண்டும் என்றால் ஹோட்டல் அறைகளில் இருந்து வெளியேறி மைதானத்துக்கு வந்து பயிற்சியில் ஈடுபட வேண்டும் என்று முன்னாள் வீரர்கள் கருத்து தெரிவித்து வருகின்றனர். லார்ட்ஸ் தோல்விக்கு பின்பு இந்திய அணியை சமூக வலைத்தளங்களில் ரசிகர்கள் கடுமையான விமர்சனங்களை வைத்து வருகின்றனர்.

இந்நிலையில் தோல்வி தொடர்பாக தனது ஃபேஸ்புக் பக்கத்தில் பதிவிட்டுள்ள விராட் கோலி, “சில நேரங்களில் நாங்கள் வெற்றி பெறுகிறோம். மற்ற சில நேரங்களில் கற்றுக்கொள்கிறோம். நீங்கள் எப்போது எங்களை கைவிட்டதில்லை. நாங்களும் உங்களை எப்போது கைவிடமாட்டோம் என உறுதியளிக்கிறோம். அது இப்போதும்.. எப்போதும்” என்று தெரிவித்துள்ளார். ஆனால் போட்டிக்கு முன்பாக தீவிர பயிற்சியில் ஈடுபடாமல் அறையில் வீரர்கள் முடங்கினால் எப்படி வெற்றிப் பெற முடியும் என்ற விமர்சனங்களும் இப்போது எழ தொடங்கியுள்ளது.
 

Advertisement:
இது தொடர்பான செய்திகள் :
Advertisement:
Advertisement:
[X] Close