[X] Close
JUST IN
  • BREAKING-NEWS நாடு முழுவதும் தீபாவளி சமயத்தில் பட்டாசு வெடிக்க 2 மணிநேரம் மட்டுமே அனுமதி- உச்சநீதிமன்றம்
  • BREAKING-NEWS ஆன்லைனில் பட்டாசுகளை விற்க தடை விதித்தது உச்சநீதிமன்றம்
  • BREAKING-NEWS நாடு முழுவதும் பட்டாசு விற்பனைக்கோ, தயாரிக்கவோ தடை விதிக்க உச்சநீதிமன்றம் மறுப்பு
  • BREAKING-NEWS சென்னையில் பெட்ரோல் லிட்டருக்கு ரூ.84.53 காசுகளாகவும், டீசல் லிட்டருக்கு ரூ.79.15 காசுகளாகவும் விலை நிர்ணயம்
  • BREAKING-NEWS வடக்கு அந்தமான், கிழக்கு வங்கக்கடல் பகுதிக்கு அடுத்த 12 மணி நேரத்திற்கு மீனவர்கள் செல்ல வேண்டாம் - சென்னை வானிலை ஆய்வு மையம்
  • BREAKING-NEWS பணத்திற்காக வாக்களிப்பது தன்னைத்தானே விற்பதற்கு சமம்: வைகோ
  • BREAKING-NEWS பாஜக நோட்டுகள், டோக்கன்களை தந்து வாக்கு கேட்காது; திட்டங்களை தந்து மட்டுமே வாக்கு கேட்கும் - தமிழிசை

டிராவிட்டின் ஆலோசனையை பின்பற்றுகிறேன்: பிருத்வி ஷா

prithvi-shaw-thriving-under-dravid

பயிற்சியாளர் ராகுல் டிராவிட் சொன்ன ஆலோசனையின் படியே விளையாடி வருகிறேன் என்று பிருத்வி ஷா சொன்னார்.

தென்னாப்பிரிக்க ஏ அணி, இந்தியாவில் சுற்றுப்பயணம் செய்து கிரிக்கெட் விளையாடி வருகிறது. முதலில், இந்திய போர்டு பிரசிடென்ட் அணி யுடன் மோதியது. அந்தப் போட்டி டிராவில் முடிந்தது. இந்நிலையில் இந்திய ஏ அணியுடன் அங்கீகாரமில்லாத நான்கு நாள் டெஸ்ட் போட்டியி ல் பங்கேற்றுள்ளது. பெங்களூரில் நடக்கும் இந்தப் போட்டியில் டாஸ் வென்ற தென்னாப்பிரிக்க ஏ அணியின் கேப்டன் கயா ஸாண்டோ, பேட்டிங்கை தேர்தெடுத்தார்.

அதன்படி களமிறங்கிய அந்த அணி, முதல் இன்னிங்ஸில் 246 ரன்களுக்கு அனைத்து விக்கெட்டையும் இழந்தது. இந்திய தரப்பில் சிறப்பாக பந்துவீசிய முகமது சிராஜ் 5 விக் கெட்டை வீழ்த்தினார். சைனி, குர்பானி தலா 2 விக்கெட்டையும் சேஹல் ஒரு விக்கெட்டையும் கைப்பற்றினர்.

பின்னர் களமிறங்கிய இந்திய ஏ அணி, 2 விக்கெட் இழப்புக்கு 411 ரன்கள் எடுத்துள்ளது. தொடக்க ஆட்டக்காரர்கள் பிருத்வி ஷாவும் மயங்க் அகர்வாலும் அபாரமாக ஆடினர். சதமடித்த பிருத்வி 136 ரன்கள் எடுத்த நிலையில் அவுட் ஆனார். மறுபக்கம் அதிரடியாக விளையாடிய மயங்க் அகர் வால் 250 பந்துகளை சந்தித்து 220 ரன்கள் குவித்து அவுட் ஆகாமல் இருக்கிறார். மூன்றாவது நாள் இன்று ஆட்டம் நடக்கிறது.

சதம் அடித்தது பற்றி கூறிய பிருத்வி ஷா, தனது ஆட்டத்திறனை மேம்படுத்தியதற்கு பயிற்சியாளர் ராகுல் டிராவிட்டுக்கு அதிக பங்கு உண்டு என்றார். பிருத்வி ஷா 19 வயதுக்கு உட்பட்டோருக்கான அணியின் கேப்டனாக இருந்தவர். அப்போது அவருக்கு பயிற்சியாளராக இருந்தது டிராவிட். இப்போது இந்திய ஏ அணியில் பிருத்வி இடம்பெற்றுள்ளார். இதன் பயிற்சியாளராகவும் டிராவிட் இருக்கிறார். சமீபத்தில் இங்கி லாந்தில் சுற்றுப்பயணம் செய்து இந்திய ஏ அணி விளையாடியது. அந்த தொடரில் பிருத்வி ஷா அபாரமாக ஆடினார்.
இப்போது நடக்கும் போட்டியிலும் சிறப்பாக ஆடி வருகிறார்.

(ராகுல் டிராவிட்)

இதுபற்றி பிருத்வி ஷா கூறும்போது, ’பயிற்சி ஆட்டத்தின்போது, என் பின் கால்களை மாற்றி வைத்து ஆடப் பயிற்சிப் பெற்றேன். ஆனால், அது எனக்கு சரியாக வரவில்லை. அப்போதுதான் பயிற்சியாளர் ராகுல் டிராவிட், அப்படி செய்ய வேண்டும் என்கிற அவசியமில்லை என்பதை புரிய வைத்தார். உனது ஸ்டைலுக்கு எப்படி ஆட முடியுமோ, அப்படியே செய் என்றார். பிறகுதான் எனது தவறை உணர்ந்து திருத்திக்கொண்டேன்.
அதோடு, ‘அதிக ரன்கள் குவிக்க வேண்டும் என்று மனதுக்குள் நினைத்துக்கொள். அதன்படி நிலையாக நின்று விளையாடு’ என்று கூறியிருந் தார். அவரது ஆலோசனையின் படியே ஆடி வருகிறேன். இங்கிலாந்து லயன்ஸ் அணிக்கு எதிரான பயிற்சி ஆட்டத்தின் போது ரஹானே,
முரளி விஜய் ஆகியோர் வலை பயிற்சியில் ஈடுபட்டதை அருகிருந்து பார்த்தேன். பந்துகளை எப்படி எதிர்கொள்கிறார்கள், எந்த மாதிரியான ஷாட்களை தேர்ந்தெடுக்கிறார்கள் என்பதைத் தெரிந்துகொண்டேன். அவர்களிடம் சில விஷயங்களைக் கேட்டு அறிந்துகொண்டேன். தென்னாப்பிரிக்க ஏ அணிக்கு எதிரான இந்தப் போட்டியில் மயங்க் அகர்வால் 200 ரன்களுக்கு மேல் குவித்து ஆடி வருகிறார். நான் பார்த்த வகையில் அவரது சிறப்பான ஆட்டம் இது. இன்றும் அவர் நிலைத்து நின்று அதிக ரன்கள் குவிப்பார்’ என்றார். 

Advertisement:
Advertisement:
Advertisement:
[X] Close