[X] Close
JUST IN
  • BREAKING-NEWS நாட்டில் கடந்தாண்டு செப்டம்பரில் 3.14%ஆக இருந்த பணவீக்கம் இந்தாண்டு 5.13%ஆக அதிகரித்துள்ளது
  • BREAKING-NEWS சென்னையில் பெட்ரோல் லிட்டருக்கு ரூ.85.99 காசுகளாகவும், டீசல் லிட்டருக்கு ரூ.79.80 காசுகளாகவும் விலை நிர்ணயம்
  • BREAKING-NEWS வைரமுத்து மீது பாலியல் குற்றச்சாட்டை சொல்வதால் இதன் பின்னணியில் அரசியல் செல்வாக்கு இருக்கிறதா என எண்ணத் தோன்றுகிறது - சீமான்
  • BREAKING-NEWS மேற்கு இந்திய தீவுகள் அணிக்கு எதிரான டெஸ்ட் தொடரை 2-0 என்ற கணக்கில் வென்றது இந்தியா
  • BREAKING-NEWS என் மீது கூறப்பட்ட பாலியல் குற்றச்சாட்டுகள் அனைத்தும் பொய்யானவை, அடிப்படை ஆதாரமில்லாதவை - அமைச்சர் எம்.ஜே.அக்பர்
  • BREAKING-NEWS தென் இந்தியர்களை அவமானப்படுத்தியதற்காக நவ்ஜோத் சிங் சித்துவை அமைச்சர் பதவியில் இருந்து நீக்க வேண்டும் - மாநிலங்களவை எம்.பி. ஜி.வி.எல்.நரசிம்ம ராவ் ட்வீட்
  • BREAKING-NEWS பாலியல் குற்றச்சாட்டுக்கு ஆளான மத்திய அமைச்சர் எம்.ஜே.அக்பர் ராஜினாமா என தகவல்

’திஸ் இஸ் மை கேட்ச்’: கத்தினார் கோலி, அப்செட் ஆனார் ரஹானே!

this-is-my-catch-angry-virat-shouted

இங்கிலாந்துக்கு எதிரான முதல் டெஸ்ட் போட்டியில் கேட்சை கோட்டை விட்டதால் கடுப்பான விராத் கோலி, கோபமாகக் கத்தினார்.

இந்திய கிரிக்கெட் அணி, இங்கிலாந்தில் சுற்றுப்பயணம் செய்து விளையாடி வருகிறது. இதில் டி20 தொடரை இந்தியாவும், ஒரு நாள் தொடரை இங்கிலாந்தும் கைப்பற்றியது. இந்நிலையில் இவ்விரு அணிகள் மோதும் 5 போட்டிகள் கொண்ட டெஸ்ட் தொடரின் முதல் போட்டி பர்மிங்ஹா மில் நேற்று தொடங்கியது. இது இங்கிலாந்து கிரிக்கெட் அணிக்கு ஆயிரமாவது டெஸ்ட் போட்டி.

இந்திய அணியில் புஜாரா நீக்கப்பட்டு, கே.எல் ராகுல் சேர்க்கப்பட்டார். ஆடுகளம் வேகப்பந்துவீச்சுக்கு சாதகமாக இருந்ததால், ஒரே ஒரு சுழற் பந்து வீச்சாளராக அனுபவ வீரர் அஸ்வின் மட்டும் ஆடும் லெவனில் இடம் பெற்றார். டாஸ் வென்ற இங்கிலாந்து கேப்டன் ஜோ ரூட், முதலில் பேட்டிங்கை தேர்தெடுத்தார். அதன்படி அந்த அணியின் அலைஸ்டர் குக்கும், ஜென்னிங்சும் களமிறங்கினர். இருவரும் நிதானமாக ஆடினர். இஷாந்த் சர்மாவின் பந்துவீச்சை சமாளிக்க முடியாமல் தடுமாறிய அவர்கள், உமேஷ் யாதவ் பந்துவீச்சில் அடித்து ஆடினர்.

ஆட்டத்தின் ஆறாவது ஓவரை இஷாந்த் சர்மா வீசினார். அந்த ஓவரின் மூன்றாவது பந்தை எதிர்கொண்ட ஜென்னிங்ஸ் ஸ்லிப் திசையில் அடித்தார். அது ஸ்லிப்பில் நின்ற விராத் கோலியின் கைகளைத் தேடி சென்றது. ஆனால் அவர் அருகில் இருந்த ரஹானே, ஓவர் ஆர்வக் கோளாறில் டைவ் அடித்து அதைப் பிடிக்க முயன்றார். ஆனால், கேட்ச் டிராப்!. நல்ல கேட்ச் வீணாக்கப்பட்டதால் கடுப்பான விராத், ‘திஸ் இஸ் மை கேட்ச்’ என்று கத்தினார். அவர் கத்தியது, ஸ்டெம்ப் மைக்கில் இருந்து தெளிவாகக் கேட்டது.


பின்னர் உமேஷ் யாதவ் பந்துவீச்சு எடுபடாததால், சுழல்பந்துவீச்சாளர் அஸ்வினை அழைத்தார் விராத். அவரை அழைத்தது சரிதான் என்பது போல, 8.5 வது ஓவரில், தொடக்க ஆட்டக்காரர் அலைஸ்டர் குக்கை போல்டாக்கினார் அஸ்வின். குக் 13 ரன்கள் எடுத்திருந்தார். முதல் விக் கெட்டை அஸ்வின் வீழ்த்தி அசத்தினார்.

அடுத்து கேப்டன் ஜோ ரூட் இறங்கினார். அவரும், ஜென்னிங்சும் இந்திய பந்து வீச்சை எதிர்கொண்டு ரன்களை சேகரித்தனர். நேற்றை ஆட்ட நேர முடிவில் முதல் இன்னிங்ஸில் 9 விக்கெட் இழப்புக்கு இங்கிலாந்து அணி, 285 ரன்கள் எடுத்துள்ளது. அஸ்வின் 4 விக்கெட்டுகளையும் முகமது ஷமி 2 விக்கெட்டையும் இஷாந்த், உமேஷ் தலா ஒரு விக்கெட்டையும் வீழ்த்தியுள்ளனர்.

இரண்டாவது நாள் ஆட்டம் இன்று நடக்கிறது. 
 

Advertisement:
Advertisement:
Advertisement:
[X] Close