[X] Close
JUST IN
  • BREAKING-NEWS இந்திய கிரிக்கெட் அணி கேப்டன் விராட் கோலிக்கு ராஜீவ் காந்தி கேல் ரத்னா விருது வழங்கப்பட்டது
  • BREAKING-NEWS ஆதார் செல்லுமா ? செல்லாதா ? என்பது குறித்து உச்சநீதிமன்ற அரசியல் சாசன அமர்வு நாளை தீர்ப்பளிக்கிறது
  • BREAKING-NEWS சிலை கடத்தல் வழக்குகளை விசாரிக்க சிபிஐ மறுத்தது குறித்து பதிலளிக்க தமிழக அரசுக்கு சென்னை உயர்நீதிமன்றம் உத்தரவு
  • BREAKING-NEWS விநாயகர் சிலை ஊர்வலத்தில் பேசியதை நீதிமன்றம் தாமாக முன் வந்து விசாரிக்க ஹெச்.ராஜா எதிர்ப்பு
  • BREAKING-NEWS தேனி மாவட்டம் பெரியகுளம் அருகே உள்ள கும்பக்கரை அருவியில் குளிக்க சுற்றுலா பயணிகளுக்கு அனுமதி
  • BREAKING-NEWS உலகின் சிறந்த கால்பந்து வீரராக லூகா மோட்ரிச் தேர்வு
  • BREAKING-NEWS சென்னையில் பெட்ரோல் லிட்டருக்கு ரூ.86.13 காசுகளாகவும், டீசல் லிட்டருக்கு ரூ.78.36 காசுகளாகவும் விலை நிர்யம்

ரபாடா, ஷம்சி மிரட்டல்: 35 ஓவர்களுக்கு சுருண்டது இலங்கை!

srilanka-collapsed-after-rabada-shamsi-attack

தென்னாப்பிரிக்காவுக்கு எதிரான முதல் ஒரு நாள் போட்டியில், இலங்கை அணி 34.3 ஓவர்களில் அனைத்து விக்கெட்டையும் பறிகொடுத்து 193 ரன்கள் எடுத்துள்ளது.

தென்னாப்பிரிக்க கிரிக்கெட் அணி இலங்கையில் சுற்றுப்பயணம் செய்து விளையாடி வருகிறது. டெஸ்ட் தொடரை 0-2 என்ற கணக்கில் இழந்த அந்த அணி அடுத்து, 5 போட்டிகள் கொண்ட ஒரு நாள் தொடரில் பங்கேற்கிறது. முதலாவது ஒரு நாள் கிரிக்கெட் போட்டி தம்புல்லாவில் இன்று தொடங்கியது.

காயத்தில் இருந்து மீண்டு இலங்கை கேப்டன் மேத்யூஸ் அணிக்கு திரும்பியுள்ளார். கேப்டனாக இது அவருக்கு நூறாவது போட்டி. 2019-ம் ஆண்டு உலக கோப்பை கிரிக்கெட் போட்டிக்கு அணியை தயார்படுத்துவதற்கு ஏதுவாக இந்த தொடரில் சில சோதனை முயற்சிகளை மேற்கொள்வோம் என்று அவர் தெரிவித்திருந்தார். இந்த தொடரில் பந்து வீசுவதில்லை என்றும் அவர் முடிவு செய்துள்ளார். 

டாஸ் வென்ற இலங்கை அணி, முதலில் பேட்டிங்கை தேர்வு செய்தது. அதன்படி அந்த அணியின் தொடக்க ஆட்டக்காரர்கள், டிக்வெல்லாவும் தாரங்காவும் களமிறங்கினர். முதல் ஒவரின் மூன்றாவது பந்தில் டிக்வெல்லா (2) அவுட் ஆனார். அடுத்து வந்த குசால் மெண்டிஸும் வந்த வேகத்தில் வெளியேறினார். இருவரது விக்கெட்டையும் ரபாடா தூக்கினார். பொறுமையாக விளையாடிக் கொண்டிருந்த தாரங்காவை அபாரமாக ரன் அவுட் ஆக்கினார் டுமினி. அடுத்து நிகிடி தன் பங்குக்கு அட்டாக்கைத் தொடங்கினார். அவர் வீசிய பவுன்சர் பந்து, மேத்யூஸ் பேட்டில் பட்டு ஸ்லிப்புக்கு பாய்ந்தது. அதை அழகான கேட்சாக மாற்றினார் ஹாசிம் ஆம்லா. 

அடுத்து வந்த சேஹன் ஜெயசூர்யா, எட்டு பந்துகளை சந்தித்து ரன் ஏதும் எடுக்காமல் ஆட்டமிழந்தார். அவர் விக்கெட்டையும் ரபாடா அள்ளி னார். அடுத்த வந்த யாரும் நிலைத்து நிற்காமல் விக்கெட்டை பறிகொடுக்க, குசால் பெரேராவும் திசாரா பெரேராவும் நிலைத்து நின்று ஆடினர். குசால் 81 ரன்கள் எடுத்து ஷம்சி பந்துவீச்சில் மில்லரிடம் கேட்ச் கொடுத்து வெளியேறினார். திசாரா 49 ரன்கள் எடுத்திருந்தபோது ஷம்சி பந்தில் விக்கெட் கீப்பர் டி காக்கிடம் கேட்ச் கொடுத்து வெளியேறினார்.

இதையடுத்து அந்த அணி 34.3 ஓவர்களில் 193 ரன்களுக்கு அனைத்து விக்கெட்டையும் இழந்தது. தென்னாப்பிரிக்கா தரப்பில் ரபாடா 4 விக்கெட்டுகளையும் ஷம்சி 4 விக்கெட்டுகளையும் நிகிடி ஒரு விக்கெட்டையும் கைப்பற்றினர்.

அடுத்து தென்னாப்பிரிக்க அணி களமிறங்கியது. அந்த அணியின் டி காக்கும் ஆம்லாவும் ஆடி வருகின்றனர். 


 

Advertisement:
இது தொடர்பான செய்திகள் :
Advertisement:
Advertisement:
[X] Close